ନୂଆଦିଲ୍ଲୀ, ୨୭ ଏପ୍ରିଲ (ହି.ସ.)- ଦିଲ୍ଲୀରେ ଜଣେ ମହିଳା ଓକିଲଙ୍କ ଉପରେ ଆକ୍ରମଣର ସ୍ୱତଃପ୍ରବୃତତ୍ତ ବିଚାର ନେଇଛି ସୁପ୍ରିମକୋର୍ଟ । ମୁଖ୍ୟ ବିଚାରପତି ସୂର୍ଯ୍ୟକାନ୍ତଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଦିଲ୍ଲୀ ପୋଲିସ କମିଶନରଙ୍କୁ ଏସିପି କିମ୍ବା ଡିସିପି ପଦର ମହିଳା ପୋଲିସ ଅଧିକାରୀଙ୍କ ଦ୍ୱାରା ମାମଲାର ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି।
ପୀଡିତ ଓକିଲଙ୍କୁ ଚିକିତ୍ସା ପାଇଁ ଗ୍ରହଣ କରିବାକୁ ମନା କରିଥିବା ତିନୋଟି ହସ୍ପିଟାଲର ତଦନ୍ତ କରିବାକୁ କୋର୍ଟ ତଦନ୍ତକାରୀ ଅଧିକାରୀଙ୍କୁ ମଧ୍ୟ ନିର୍ଦ୍ଦେଶ ଦେଇଛନ୍ତି। ଶୁଣାଣି ସମୟରେ, ଦିଲ୍ଲୀ ପୋଲିସର ପ୍ରତିନିଧିତ୍ୱ କରୁଥିବା ଏଏସଜି ଐଶ୍ୱର୍ଯ୍ୟା ଭାଟି କହିଥିଲେ ଯେ ଏହି ମାମଲାରେ ଏକ ଏଫ୍ଆଇଆର ରୁଜୁ ହୋଇଛି ଏବଂ ପୀଡିତାଙ୍କ ସ୍ୱାମୀ ମନୋଜ କୁମାରଙ୍କୁ ଏପ୍ରିଲ ୨୫ ଏବଂ ୨୬ ତାରିଖ ମଧ୍ୟରାତ୍ରିରେ ସୋନିଆ ବିହାରରୁ ଗିରଫ କରାଯାଇଥିଲା। ମନୋଜ ତାଙ୍କ ପତ୍ନୀଙ୍କୁ ଏପ୍ରିଲ ୨୨ ରେ ଛୁରୀରେ ଆକ୍ରମଣ କରିଥିବା ଅଭିଯୋଗ ହୋଇଛି। ପଚରାଉଚରା ସମୟରେ ମନୋଜ ସ୍ୱୀକାର କରିଛନ୍ତି ଯେ ପାରିବାରିକ ବିବାଦ ଯୋଗୁଁ ସେ ତାଙ୍କ ପତ୍ନୀଙ୍କୁ ଛୁରୀରେ ଆକ୍ରମଣ କରିଥିଲେ।
ଶୁଣାଣି ସମୟରେ, କୋର୍ଟ ଉଲ୍ଲେଖ କରିଛନ୍ତି ଯେ ଅଭିଯୋଗରେ କୁହାଯାଇଛି ଯେ ମହିଳା ଓକିଲଙ୍କ ଶ୍ୱଶୁର ଘର ଲୋକେ ତାଙ୍କ ଦୁଇ ନାବାଳକ ପିଲାଙ୍କୁ ସାଙ୍ଗରେ ନେଇଯାଇଥିଲେ ଏବଂ ସେମାନଙ୍କର ସ୍ଥାନ ଅଜଣା ଥିଲା। କୋର୍ଟ ଦୁଇ ନାବାଳକ ପିଲାଙ୍କୁ ଖୋଜିବା ପାଇଁ ତଦନ୍ତ ନିର୍ଦ୍ଦେଶ ଦେଇଛନ୍ତି। କୋର୍ଟ ତଦନ୍ତ ଉପରେ ଏକ ସ୍ଥିତି ରିପୋର୍ଟ ଦାଖଲ କରିବାକୁ ତଦନ୍ତକାରୀ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।
-------------
---------------
ହିନ୍ଦୁସ୍ଥାନ ସମାଚାର / ଗଗନ
