ଚେନ୍ନାଇ, 05 ଏପ୍ରିଲ (ହି.ସ.)। ଇରାନରେ ଫସିଥିବା 345 ଜଣ ଭାରତୀୟ ମତ୍ସ୍ୟଜୀବୀଙ୍କୁ
ସୁରକ୍ଷିତ ଭାବେ ଉଦ୍ଧାର କରି ଚେନ୍ନାଇକୁ ଅଣାଯାଇଛି। ଏହି ଉଦ୍ଧାର କାର୍ଯ୍ୟ ଆର୍ମେନିଆ
ମାର୍ଗରେ କରାଯାଇଥିଲା, ଯେଉଁଠାରୁ ସେମାନଙ୍କୁ ଭାରତକୁ ଆଣାଯାଇଥିଲେ।
ବିଦେଶ ମନ୍ତ୍ରୀ ଏସ୍. ଜୟଶଙ୍କର ଏହି ଅଭିଯାନରେ ସହଯୋଗ ପାଇଁ
ଆର୍ମେନିଆ ସରକାର ଏବଂ ସେଠାର ସମକକ୍ଷ ଆରାତ ମିର୍ଜୋୟାନଙ୍କୁ ଧନ୍ୟବାଦ ଜଣାଇଛନ୍ତି।
ସରକାରୀ ତଥ୍ୟ ଅନୁସାରେ, ଏପର୍ଯ୍ୟନ୍ତ 1200 ରୁ ଅଧିକ ଭାରତୀୟ
ନାଗରିକଙ୍କୁ ଇରାନରୁ ସୁରକ୍ଷିତ ଭାବେ ଉଦ୍ଧାର କରାଯାଇଛି, ଯେଉଁମାନଙ୍କ ମଧ୍ୟରେ ବହୁ ସଂଖ୍ୟକ ଛାତ୍ରଛାତ୍ରୀ
ଅଛନ୍ତି। ଏହି ଅଭିଯାନ ଆର୍ମେନିଆ ଏବଂ ଆଜରବାଇଜାନ ମାର୍ଗରେ ଚାଲିଛି, ଯେଉଁଠାରେ ଭାରତୀୟ
ଦୂତାବାସ ଏବଂ ସ୍ଥାନୀୟ ପ୍ରଶାସନ ମିଳିତ ଭାବେ କାମ କରୁଛନ୍ତି।
ଏହି ସମୟରେ, ପଶ୍ଚିମ ଏସିଆରେ ଚାଲୁଥିବା ଯୁଦ୍ଧ ସତ୍ତ୍ୱେ ସଂଯୁକ୍ତ
ଆରବ ଏମିରେଟସ୍ରୁ ଭାରତ ପାଇଁ ସୀମିତ ଉଡ଼ାଣ ସେବା ଚାଲୁ ରହିଛି। ବହୁ ସଂଖ୍ୟକ ଲୋକ ଏହି ଉଡ଼ାଣ
ମାଧ୍ୟମରେ ଦେଶକୁ ଫେରୁଛନ୍ତି।
ରିପୋର୍ଟ ଅନୁସାରେ, ଫେବୃଆରୀ ଶେଷରୁ ଏପର୍ଯ୍ୟନ୍ତ ଏହି ଅଞ୍ଚଳରୁ 6.24 ଲକ୍ଷରୁ ଅଧିକ
ଯାତ୍ରୀ ଭାରତକୁ ଫେରିଛନ୍ତି। ତଥାପି, ଅଞ୍ଚଳର ପରିସ୍ଥିତି ଏପର୍ଯ୍ୟନ୍ତ ସମ୍ବେଦନଶୀଳ ରହିଛି, ଯାହାକୁ ଦୃଷ୍ଟିରେ
ରଖି ସରକାର ନିରନ୍ତର ଭାବେ ନିଜ ନାଗରିକମାନଙ୍କ ସୁରକ୍ଷା ସୁନିଶ୍ଚିତ କରିବାରେ ପ୍ରୟାସରତ
ଅଛନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
