ନୂଆଦିଲ୍ଲୀ, ୦୧ ମଇ (ହି.ସ.)। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ମହାରାଷ୍ଟ୍ର
ଦିବସ ଏବଂ ଗୁଜରାଟ ଦିବସ ଅବସରରେ ଉଭୟ ରାଜ୍ୟର ଲୋକମାନଙ୍କୁ ଶୁଭେଚ୍ଛା ଜଣାଇଛନ୍ତି। ସେ ଏକ୍ସରେ
ପୋଷ୍ଟ କରି ଉଭୟ ରାଜ୍ୟର ସମୃଦ୍ଧ ପରମ୍ପରା ଏବଂ ଦେଶର ଉନ୍ନତିରେ ସେମାନଙ୍କର ଅବଦାନକୁ ପ୍ରଶଂସା
କରିଛନ୍ତି।
ପ୍ରଧାନମନ୍ତ୍ରୀ କହିଛନ୍ତି
ଯେ ମହାରାଷ୍ଟ୍ର ସାମାଜିକ ସଚେତନତା, ସାଂସ୍କୃତିକ ସମୃଦ୍ଧି ଏବଂ ବିଭିନ୍ନ କ୍ଷେତ୍ରରେ ନେତୃତ୍ୱର ଦୀର୍ଘ
ପରମ୍ପରାର ରାଜ୍ୟ। ସେ ସାହିତ୍ୟ, ରଙ୍ଗମଞ୍ଚ, ସଙ୍ଗୀତ, ସିନେମା, ଶିଳ୍ପ, ଶିକ୍ଷା ଏବଂ ବିଜ୍ଞାନ ଭଳି କ୍ଷେତ୍ରରେ ରାଜ୍ୟର ଅବଦାନକୁ ଉଲ୍ଲେଖନୀୟ
ବୋଲି କହିଛନ୍ତି। ସେହିସହିତ ସେ ମହାରାଷ୍ଟ୍ରର ନିରନ୍ତର ଉନ୍ନତି ଏବଂ ସେଠାକାର ଲୋକମାନଙ୍କ
ମଙ୍ଗଳ କାମନା କରିଛନ୍ତି।
ଗୁଜରାଟ ଦିବସ ଅବସରରେ
ତାଙ୍କ ବାର୍ତ୍ତାରେ ପ୍ରଧାନମନ୍ତ୍ରୀ ରାଜ୍ୟର ସମୃଦ୍ଧ ଐତିହ୍ୟ, ସଜୀବ ସଂସ୍କୃତି ଏବଂ ଲୋକମାନଙ୍କର ଉର୍ଜାର ପ୍ରଶଂସା କରିଛନ୍ତି। ସେ
କହିଛନ୍ତି ଯେ ଗୁଜରାଟ ଦେଶର ପ୍ରଗତିରେ ଗୁରୁତ୍ୱପୂର୍ଣ୍ଣ ଅବଦାନ ରଖିଛି ଏବଂ ଏଠାକାର
ଲୋକମାନଙ୍କର ଉଦ୍ୟମଶୀଳତା ବିଶେଷ ଭାବେ ଉଲ୍ଲେଖନୀୟ। ପ୍ରଧାନମନ୍ତ୍ରୀ ଆଶା ବ୍ୟକ୍ତ କରିଛନ୍ତି
ଯେ ଗୁଜରାଟ ଆଗାମୀ ସମୟରେ ଉନ୍ନତିର ନୂତନ ମାପଦଣ୍ଡ ସ୍ଥାପନ କରିବ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
02 May 2026