ନୂଆଦିଲ୍ଲୀ, ୧୪ ମଇ (ହି.ସ.) ବୈଦେଶିକ ମନ୍ତ୍ରୀ ଏବଂ ବ୍ରିକ୍ସ୍ ଦେଶ ତଥା ଅନ୍ୟ ଭାଗୀଦାର ଦେଶଗୁଡ଼ିକର ବରିଷ୍ଠ ପ୍ରତିନିଧିମାନେ ଗୁରୁବାର ଦିନ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି। ରୁଷର ବୈଦେଶିକ ମନ୍ତ୍ରୀ ସେର୍ଗେଇ ଲାଭ୍ରୋଭ, ବ୍ରାଜିଲର ବୈଦେଶିକ ମନ୍ତ୍ରୀ ମାଉରୋ ଭିଇରା, ଦକ୍ଷିଣ ଆଫ୍ରିକାର ବୈଦେଶିକ ମନ୍ତ୍ରୀ ରୋନାଲ୍ଡ ଲାମୋଲା, ଇରାନର ବୈଦେଶିକ ମନ୍ତ୍ରୀ ସୟିଦ ଆବ୍ବାସ ଆରାଘଚି, ଇଥିଓପିଆର ବୈଦେଶିକ ମନ୍ତ୍ରୀ ଗେଡିଓନ୍ ଟିମୋଥିଓସ ହେସେବୋନ୍ ଏବଂ ଇଣ୍ଡୋନେସିଆର ବୈଦେଶିକ ମନ୍ତ୍ରୀ ସୁଗିୟୋନୋଙ୍କ ସମେତ ଅନ୍ୟ ପ୍ରତିନିଧିମାନେ ପ୍ରଧାନମନ୍ତ୍ରୀଙ୍କୁ ଭେଟିଥିଲେ।
ବୈଦେଶିକ ବ୍ୟାପାର ମନ୍ତ୍ରୀ ଡକ୍ଟର ସୁବ୍ରମଣ୍ୟମ ଜୟଶଙ୍କର ଦିଲ୍ଲୀର ଭାରତ ମଣ୍ଡପମରେ ଆଜି ଠାରୁ ଆରମ୍ଭ ହୋଇଥିବା ଦୁଇ ଦିନିଆ ବ୍ରିକ୍ସ୍ ଦେଶଗୁଡ଼ିକର ବୈଦେଶିକ ମନ୍ତ୍ରୀଙ୍କ ଦୁଇ ଦିନିଆ ବୈଠକରେ ଅଧ୍ୟକ୍ଷତା କରୁଛନ୍ତି। ଚଳିତ ବର୍ଷର ବିଷୟବସ୍ତୁ ହେଉଛି ନବସୃଜନ, ସହଯୋଗ ଏବଂ ନିରନ୍ତର ବିକାଶ ପାଇଁ ନିର୍ମାଣ। ଏହାର ଉଦ୍ଦେଶ୍ୟ ଭାରତର ବୃଦ୍ଧି ପାଉଥିବା କୂଟନୈତିକ ସମ୍ପର୍କ ଏବଂ ରଣନୈତିକ, ଆର୍ଥିକ ଏବଂ ବହୁପକ୍ଷୀୟ ସହଯୋଗକୁ ସୁଦୃଢ଼ କରିବା ଉପରେ ଗୋଷ୍ଠୀର ଧ୍ୟାନକୁ ପ୍ରତିଫଳିତ କରୁଛି।
ରୁଷ, ଇରାନ, ଇଣ୍ଡୋନେସିଆ, ୟୁ. ଏଇ, ଦକ୍ଷିଣ ଆଫ୍ରିକା, ଇଥିଓପିଆ ଏବଂ ଅନ୍ୟ ବ୍ରିକ୍ସ୍ ସହଯୋଗୀ ଦେଶଗୁଡ଼ିକର ବୈଦେଶିକ ମନ୍ତ୍ରୀ ଏବଂ ବରିଷ୍ଠ ପ୍ରତିନିଧିମାନଙ୍କୁ ସ୍ୱାଗତ କରାଯାଇଥିଲା।
--------
ହିନ୍ଦୁସ୍ଥାନ ସମାଚାର / ସମନ୍ୱୟ
