ନୂଆଦିଲ୍ଲୀ, ୧୪ ମଇ (ହି.ସ.) ଓଡିଶାସମେତ 16ଟି ରାଜ୍ୟ ଏବଂ 3ଟି କେନ୍ଦ୍ରଶାସିତ ଅଞ୍ଚଳରେ ଭୋଟର ତାଲିକା ଅପଡେଟ୍ କରିବାର ପ୍ରକ୍ରିୟା ସ୍ୱତନ୍ତ୍ର ଇଣ୍ଟେନ୍ସିଭ୍ ରିଭିଜନ୍ (ଏସ୍. ଆଇ. ଆର୍.) କରିବା ପାଇଁ ନିର୍ବାଚନ କମିଶନ ନିର୍ଦ୍ଦେଶ ଜାରି କରିଛନ୍ତି। ଏସ୍. ଆଇ. ଆର୍. ର ପ୍ରଥମ ଦୁଇଟି ପର୍ଯ୍ୟାୟରେ 13ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳର ପ୍ରାୟ 59 କୋଟି ଭୋଟର ଅଂଶଗ୍ରହଣ କରିଥିଲେ। ତୃତୀୟ ପର୍ଯ୍ୟାୟ ହିମାଚଳ ପ୍ରଦେଶ, ଜାମ୍ମୁ-କାଶ୍ମୀର ଏବଂ ଲଦାଖ ବ୍ୟତୀତ ସମଗ୍ର ଦେଶକୁ କଭର କରିବ।

ମତଦାତା ସୂଚୀକୁ ଅପଡେଟ କରିବାକୁ 394 ଲକ୍ଷରୁ ଅଧିକ ବୁଥ୍ ସ୍ତରୀୟ ଅଧିକାରୀ (ବି. ଏଲ୍. ଓ.) ଘର ଘର ଯାଇ 36.73 କୋଟି ଭୋଟରଙ୍କୁ ଭେଟିବେ। ସେମାନଙ୍କୁ 3 ଲକ୍ଷ 42 ହଜାର ବୁଥ ସ୍ତରୀୟ ଏଜେଣ୍ଟ (ବି. ଏଲ. ଏ.) ସହାୟତା ପ୍ରଦାନ କରିବେ। ଗଣନା ପର୍ଯ୍ୟାୟରେ ରାଜନୈତିକ ଦଳଗୁଡ଼ିକ ଦ୍ୱାରା ବି. ଏଲ. ଏ. ମାନଙ୍କୁ ନିଯୁକ୍ତି ଦିଆଯାଇଥାଏ। ପ୍ରତ୍ୟେକ ମତଦାନ କେନ୍ଦ୍ର ପାଇଁ ଏକ ବି. ଏଲ. ଏ. ନିଯୁକ୍ତ କରିବାକୁ ନିର୍ବାଚନ ଆୟୋଗ ସମସ୍ତ ରାଜନୈତିକ ଦଳକୁ ଅନୁରୋଧ କରିଛନ୍ତି।

ଏକ ବାର୍ତ୍ତାରେ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାର କହିଛନ୍ତି ଯେମୁଁ ସମସ୍ତ ଭୋଟରଙ୍କୁ ଅନୁରୋଧ କରୁଛି ଯେ ସେମାନେ ସମ୍ପୂର୍ଣ୍ଣ ଉତ୍ସାହର ସହିତ ସ୍ୱତନ୍ତ୍ର ଇଣ୍ଟେନ୍ସିଭ୍ ରିଭିଜନ୍ (ଏସ୍. ଆଇ. ଆର୍.) ର ତୃତୀୟ ପର୍ଯ୍ୟାୟରେ ଅଂଶଗ୍ରହଣ କରନ୍ତୁ ଏବଂ ସେମାନଙ୍କର ଗଣନା ଫର୍ମ ପୂରଣ କରନ୍ତୁ। ଏହି କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି କେବଳ ଯୋଗ୍ୟ ଭୋଟରମାନଙ୍କୁ ଭୋଟର ତାଲିକାରେ ଅନ୍ତର୍ଭୁକ୍ତ କରିବା ଏବଂ ଅଯୋଗ୍ୟ ବ୍ୟକ୍ତିଙ୍କୁ ବାଦ ଦେବା

ଓଡ଼ିଶା, ମିଜୋରାମ, ସିକିମ ଏବଂ ମଣିପୁର ପାଇଁ ଡ୍ରାଫ୍ଟ ଭୋଟର ତାଲିକା ୫ ଜୁଲାଇ, ରେ ପ୍ରକାଶିତ ହେବ ଏବଂ ଚୂଡ଼ାନ୍ତ ଭୋଟର ତାଲିକା ସେପ୍ଟେମ୍ହର ୬ , ରେ ପ୍ରକାଶିତ ହେବ ବୋଲି ଆୟୋଗ କହିଛନ୍ତି। ଦାଦ୍ରା ଏବଂ ନଗର ହାଭେଳୀ ଏବଂ ଡାମନ ଏବଂ ଡିଉ ପାଇଁ ଡ୍ରାଫ୍ଟ ରୋଲ୍ ଜୁଲାଇ ୧୦ ରେ ଏବଂ ଚୂଡ଼ାନ୍ତ ରୋଲ୍ ସେପ୍ଟେମ୍ବର ୧୧ ରେ ପ୍ରକାଶିତ ହେବ।

--------

ହିନ୍ଦୁସ୍ଥାନ ସମାଚାର / ସମନ୍ୱୟ