ଜବଲପୁର/ଭୋପାଲ, 2 ମେ (ହି.ସ) ମଧ୍ୟ ପ୍ରଦେଶର ଜବଲପୁରରେ ଅବସ୍ଥିତ ବର୍ଗୀ ଡ୍ୟାମରେ

କ୍ରୁଜ୍ ଦୁର୍ଘଟଣା ପରେ ନିଖୋଜ ଚାରିଜଣଙ୍କ ତଲାସୀ ଶନିବାର ମଧ୍ୟ ଜାରି ରହିଛି। ଏନ୍ଡିଆରଏଫ୍-ଏସ୍ଡିଆରଏଫ୍

ସହିତ ସେନା ଯବାନମାନେ ମଧ୍ୟ ସର୍ଚ୍ଚିଂରେ ଲାଗିଛନ୍ତି, କିନ୍ତୁ ଦ୍ୱିପ୍ରହରର

ପର୍ଯ୍ୟନ୍ତ କୌଣସି ସଫଳତା ମିଳିନାହିଁ। ତୀବ୍ର ପବନ ଏବଂ ଡ୍ୟାମରେ ଉଠୁଥିବା ତରଙ୍ଗ ହେତୁ

ରେସ୍କ୍ୟୁ କାର୍ଯ୍ୟରେ ସମସ୍ୟା ସୃଷ୍ଟି ହେଉଛି। ଘଟଣାସ୍ଥଳରେ ପୁଲିସ୍ ପ୍ରଶାସନର ଅଧିକାରୀମାନେ

ଉପସ୍ଥିତ ଅଛନ୍ତି।

ଦୁର୍ଘଟଣାକୁ ୪୦ ଘଣ୍ଟାରୁ ଅଧିକ ସମୟ ବିତିଯାଇଛି, ତଥାପି ୩ ଶିଶୁ ସହିତ

ଚାରିଜଣ ନିଖୋଜ ବ୍ୟକ୍ତିଙ୍କର କୌଣସି ଖବର ମିଳିନାହିଁ। ବର୍ଗୀ ସିଟି ସିଏସ୍ପି ଅଞ୍ଜୁଲ ଅୟଙ୍କ

ମିଶ୍ର କହିଛନ୍ତି ଯେ, ଶନିବାର ସକାଳ ପ୍ରାୟ ୭ଟାରୁ ସର୍ଚ୍ଚିଂ

ଅଭିଯାନ ଆରମ୍ଭ କରାଯାଇଛି। ଚାରିଜଣ ନିଖୋଜ ବ୍ୟକ୍ତିଙ୍କୁ ଖୋଜିବା ପାଇଁ ଏନ୍ଡିଆରଏଫ୍-ଏସ୍ଡିଆରଏଫ୍

ସହ ସେନାର ମଧ୍ୟ ସହଯୋଗ ନିଆଯାଉଛି। ଛୋଟ ନୌକା ଥିବାରୁ ତୀବ୍ର ପବନରେ ରେସ୍କ୍ୟୁ ଅଭିଯାନକୁ

ସାବଧାନତାର ସହିତ ଚାଲାଇବାକୁ ପଡ଼ୁଛି।

ଉଲ୍ଲେଖନୀୟ ଯେ, ଜବଲପୁରରେ ନର୍ମଦା ନଦୀରେ ନିର୍ମିତ ବର୍ଗୀ ଡ୍ୟାମରେ ଗୁରୁବାର

ସନ୍ଧ୍ୟା ପ୍ରାୟ ୫ଟା ସମୟରେ ପର୍ଯ୍ୟଟନ ବିଭାଗର ଏକ କ୍ରୁଜ୍ ହଠାତ୍ ଆସିଥିବା ତୀବ୍ର ଝଡ଼ ହେତୁ ବୁଡିବିଯାଇଥିଲା।

ଦୁର୍ଘଟଣା ସମୟରେ କ୍ରୁଜ୍ରେ ୪୫ରୁ ଅଧିକ ପର୍ଯ୍ୟଟକ ଥିଲେ। ଶୁକ୍ରବାର ସନ୍ଧ୍ୟା ପର୍ଯ୍ୟନ୍ତ

ଚାଲିଥିବା ରିଲିଫ ଓ ଉଦ୍ଧାର କାର୍ଯ୍ୟ ସମୟରେ ୯ ଜଣଙ୍କ ମୃତଦେହ ଉଦ୍ଧାର କରାଯାଇଥିଲା,

ଯେତେବେଳେ

୨୮ ଜଣଙ୍କୁ ଉଦ୍ଧାର କରାଯାଇଥିଲା। ୩ ଶିଶୁ ସହିତ ଚାରିଜଣ ଲୋକ ଏପର୍ଯ୍ୟନ୍ତ ନିଖୋଜ ଅଛନ୍ତି । ଶୁକ୍ରବାର ସନ୍ଧ୍ୟାରେ ରେସ୍କ୍ୟୁ ସମୟରେ ତୀବ୍ର ବର୍ଷା ମଧ୍ୟ ଆରମ୍ଭ

ହୋଇଥିଲା, ଯାହା ଫଳରେ ସର୍ଚ୍ଚିଂ ବନ୍ଦ କରାଯାଇଥିଲା। ଶନିବାର ସକାଳରୁ ପୁଣି

ସର୍ଚ୍ଚିଂ ଆରମ୍ଭ କରାଯାଇଛି। ବର୍ତ୍ତମାନ ଚାରିଜଣ ନିଖୋଜ ବ୍ୟକ୍ତିଙ୍କ ତଲାସୀ ଜାରି ରହିଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା