ରୋମ୍ (ଇଟାଲୀ), ମେ 21 (ହି.ସ)। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସଂଯୁକ୍ତ ଆରବ ଏମିରେଟ୍ସ (ୟୁ. ଏଇ), ନେଦରଲ୍ୟାଣ୍ଡ, ସ୍ୱିଡେନ, ନରୱେ ଏବଂ ଇଟାଲୀକୁ ତାଙ୍କର ପାଞ୍ଚଟି ଦେଶର ସରକାରୀ ଗସ୍ତ ଶେଷ କରିବା ପରେ ରୋମରୁ ଘରକୁ ଫେରିଛନ୍ତି। କିଛି ଘଣ୍ଟା ମଧ୍ୟରେ ସେ ଭାରତରେ ପହଞ୍ଚିବେ। ଗସ୍ତର ଶେଷ ପର୍ଯ୍ୟାୟରେ ପ୍ରଧାନମନ୍ତ୍ରୀ ମୋଦି ଇଟାଲୀରେ ଇଟାଲୀ ପ୍ରତିପକ୍ଷ ଜର୍ଜିଆ ମେଲୋନିଙ୍କ ସହ ଆଲୋଚନା କରିଥିଲେ। ଏହି ଆଲୋଚନାରେ ଦୁଇ ଦେଶ ସେମାନଙ୍କ ସମ୍ପର୍କକୁ ଏକ ସ୍ୱତନ୍ତ୍ର ରଣନୈତିକ ଭାଗିଦାରୀ ସ୍ତରକୁ ଉନ୍ନୀତ କରିବା ଲାଗି ସହମତ ହୋଇଥିଲେ।
ବୁଧବାର ରାତିରେ ରୋମ ଛାଡ଼ି ଭାରତ ଯିବା ପୂର୍ବରୁ ପ୍ରଧାନମନ୍ତ୍ରୀ ମୋଦୀ ଏକ୍ସରେ ଲେଖିଥିଲେ, ମୋର ଇଟାଲୀ ଗସ୍ତ ଅତ୍ୟନ୍ତ ସଫଳ ଥିଲା। ପ୍ରଧାନମନ୍ତ୍ରୀ ଜର୍ଜିଆ ମେଲୋନିଙ୍କ ସହ ମୁଁ ବିଭିନ୍ନ ଆଞ୍ଚଳିକ ପ୍ରସଙ୍ଗ ଉପରେ ଆଲୋଚନା କରିଥିଲି। ଏହି ଗସ୍ତର ସବୁଠାରୁ ଗୁରୁତ୍ୱପୂର୍ଣ୍ଣ ପରିଣାମ ହେଉଛି ଯେ ଭାରତ-ଇଟାଲୀ ସମ୍ପର୍କ 'ସ୍ୱତନ୍ତ୍ର ରଣନୈତିକ ଭାଗିଦାରୀ' ସ୍ତରକୁ ଉନ୍ନୀତ ହେବ। ଏହାଦ୍ୱାରା ସମଗ୍ର ମାନବଜାତି ଉପକୃତ ହେବ। ଏହା ଆଗାମୀ ବର୍ଷଗୁଡ଼ିକରେ ପାରସ୍ପରିକ ସହଯୋଗକୁ ନୂତନ ଗତି ପ୍ରଦାନ କରିବ। ମୁଁ ପ୍ରଧାନମନ୍ତ୍ରୀ ମେଲୋନି, ଇଟାଲୀ ସରକାର ଏବଂ ଇଟାଲୀର ଚମତ୍କାର ଲୋକଙ୍କୁ ସେମାନଙ୍କ ବନ୍ଧୁତା ପାଇଁ ଧନ୍ୟବାଦ ଜଣାଉଛି
--------
ହିନ୍ଦୁସ୍ଥାନ ସମାଚାର / ସ୍ୱାଗତିକା
21 May 2026