ନୂଆଦିଲ୍ଲୀ, ୨୯ ମଇ (ହି.ସ.)- କର୍ଣ୍ଣାଟକର କାର୍ଯ୍ୟନିର୍ବାହୀ ମୁଖ୍ୟମନ୍ତ୍ରୀ ସିଦ୍ଧରମୈୟା ଶୁକ୍ରବାର ଦିନ ଦିଲ୍ଲୀରେ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଏବଂ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କୁ ପୃଥକ୍ ଭାବେ ଭେଟିଛନ୍ତି ।
ସିଦ୍ଧରମୈୟା ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ରେ ଲେଖିଛନ୍ତି ଯେ, ମୁଁ ଆଜି ଦିଲ୍ଲୀରେ ରାହୁଲ ଗାନ୍ଧୀ ଏବଂ ମଲ୍ଲିକାର୍ଜୁନ ଖର୍ଗେଙ୍କୁ ଭେଟିଲି ଏବଂ ତାଙ୍କ ସହ କଥାବାର୍ତା କଲି’ । ଏହି ଅବସରରେ କର୍ଣ୍ଣାଟକର ଶକ୍ତି ମନ୍ତ୍ରୀ କେ. ଜେ. ଜର୍ଜ, କର୍ଣ୍ଣାଟକ ଗ୍ରାମୀଣ ବିକାଶ ଏବଂ ପଂଚାୟତରାଜ ମନ୍ତ୍ରୀ ପ୍ରିୟଙ୍କ ଖର୍ଗେ ଏବଂ ଡକ୍ଟର ଯତୀନ୍ଦ୍ର ସିଦ୍ଧରମୈୟା ମଧ୍ୟ ଉପସ୍ଥିତ ଥିଲେ ।
ଖର୍ଗେ ସୋସିଆଲ ମିଡିଆକୁ ଯାଇ ଲେଖିଛନ୍ତି, ସିଦ୍ଧରମୈୟାଙ୍କ ସାର୍ବଜନୀନ ଜୀବନରେ ସର୍ବଦା ମର୍ଯ୍ୟାଦା, କରୁଣା ଏବଂ ସାମାଜିକ ନ୍ୟାୟ ପ୍ରତି ଗଭୀର ପ୍ରତିବଦ୍ଧତାକୁ ପ୍ରତିଫଳିତ କରିଛି । ଏକ ସାଧାରଣ ଆରମ୍ଭରୁ ଦୁଇଥର କର୍ଣ୍ଣାଟକର ମୁଖ୍ୟମନ୍ତ୍ରୀ ଭାବେ କାର୍ଯ୍ୟ କରିବା ପର୍ଯ୍ୟନ୍ତ, ସେ ସମାନତା, ସୌହାର୍ଦ୍ଦ୍ୟ ଏବଂ ଅବହେଳିତଙ୍କ କଲ୍ୟାଣ ପ୍ରତି ନିଜର ପ୍ରତିବଦ୍ଧତାରେ ଅଟଳ ରହିଥିଲେ । ସାର୍ବଜନୀନ ଜୀବନରେ ତାଙ୍କର ଅବଦାନ ପାଇଁ କର୍ଣ୍ଣାଟକ ଏବଂ କଂଗ୍ରେସ ତାଙ୍କ ପ୍ରତି କୃତଜ୍ଞ । ଆମେ ତାଙ୍କର ଉତମ ସ୍ୱାସ୍ଥ୍ୟ କାମନା କରୁଛୁ ଏବଂ ଲୋକଙ୍କ ସେବାରେ ତାଙ୍କର ନିରନ୍ତର ପ୍ରୟାସ ପାଇଁ ତାଙ୍କୁ ଶୁଭେଚ୍ଛା ଜଣାଉଛୁ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
