ଜୟପୁର, ୦୧ ଜୁନ୍ (ହି.ସ.) - ଜୟପୁର ସ୍ଥିତ ଗୀତାଞ୍ଜଳି କଲ୍ୟାଣ ମଣ୍ଡପଠାରେ ଜୟପୁର କଳାକେନ୍ଦ୍ରର ୩୪ତମ ବାର୍ଷିକ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି। ଉତ୍ସବର ପ୍ରଥମ ଅଧିବେଶନରେ ବିଶିଷ୍ଟ ସମାଜସେବୀ ଶ୍ରୀଯୁକ୍ତ ପ୍ରକାଶ କୁମାର ନାୟକ ସଭାପତିତ୍ୱ କରିଥିଲେ। ମୁଖ୍ୟ ଅତିଥି ଭାବେ ଓଡ଼ିଶା ଭାଷା, ସାହିତ୍ୟ ଓ ସଂସ୍କୃତି ବିଭାଗର ସହ ନିର୍ଦ୍ଦେଶକ ଲାଲ୍ଥାଙ୍କୁମାର୍ ସେଓଫ୍ ଯୋଗ ଦେଇଥିବା ବେଳେ, ସମ୍ମାନିତ ଅତିଥି ଭାବେ ଜିଲ୍ଲା ସଂସ୍କୃତି ଲେଖକଧାରୀ କୃଷ୍ଣଚନ୍ଦ୍ର ନିଶଙ୍କ, ବିଭାଗୀୟ ଅଧିକାରୀ ଜୟଦେବ ବେହେରା, ହରିକାନ୍ତ ପାତ୍ରୀ ଏବଂ ଶ୍ରୀନାଥ ମିଶ୍ର ଉପସ୍ଥିତ ଥିଲେ।

ଅନୁଷ୍ଠାନର ସଂସ୍ଥାପକ ତଥା ନିର୍ଦ୍ଦେଶକ ଗୁରୁ ଶ୍ରୀ ଡ. କାହ୍ନୁ ଚରଣ ପ୍ରଧାନ ଏବଂ ମଂଚ ପରିଚାଳକ ଆଲୋକ ମହାରଣା (କାକା) କାର୍ଯ୍ୟକ୍ରମକୁ ସଫଳତାର ସହ ପରିଚାଳନା କରିଥିଲେ। ଏହି ଅବସରରେ ଗୁରୁ ଲୋକନାଥ ଦାସ, ଡ. ରାଜେନ୍ଦ୍ର ଧାରୀ, ଏବଂ ବିରଂଚି ନାରାୟଣ ପାଣ୍ଡିଆରୀଙ୍କ ସମେତ ଅନେକ ବିଶିଷ୍ଟ ବ୍ୟକ୍ତିଙ୍କୁ ସଂବର୍ଦ୍ଧିତ କରାଯାଇଥିଲା। ଦ୍ୱିତୀୟ ଅଧିବେଶନରେ ଅନୁଷ୍ଠାନର ଛାତ୍ରଛାତ୍ରୀମାନଙ୍କ ଦ୍ୱାରା ଏକ ଆକର୍ଷଣୀୟ ଓଡ଼ିଶୀ ନୃତ୍ୟ ପ୍ରଦର୍ଶିତ ହୋଇଥିଲା, ଯାହାର ନିର୍ଦ୍ଦେଶନା ଗୁରୁ ଲିଙ୍ଗରାଜ ସ୍ୱାଇଁ, ପ୍ରଶାନ୍ତ କୁମାର ସାହୁ ଏବଂ ଗୁରୁଜୀବାଲି ପ୍ରଧାନ ଦେଇଥିଲେ। କାର୍ଯ୍ୟକ୍ରମରେ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହି କଳାକାରମାନଙ୍କୁ ଉତ୍ସାହିତ କରିଥିଲେ।

ଏହି ଭିଡିଓରେ ଓଡ଼ିଆରେ ସମ୍ବାଦପତ୍ର ଉପରେ ଏକ ସୁନ୍ଦର ରଚନା ଉପସ୍ଥାପନ କରାଯାଇଛି ଯାହା ଆପଣଙ୍କ ଲେଖନ ଶୈଳୀକୁ ଅଧିକ ସମୃଦ୍ଧ କରିବ ।

ହିନ୍ଦୁସ୍ଥାନ ସମାଚାର / ପିକେପି