ନୂଆଦିଲ୍ଲୀ, ୧ ଜୁନ୍ (ହିସ): ପ୍ରବର୍ତନ ନିର୍ଦ୍ଦେଶାଳୟ କୋଟକ ମହିନ୍ଦ୍ରା ବ୍ୟାଙ୍କ ଠକେଇ ମାମଲାରେ ବ୍ୟାଙ୍କର ସହାୟକ ଉପାଧ୍ୟକ୍ଷ ପୁଷ୍ପେନ୍ଦ୍ର ସିଂହଙ୍କୁ ଗିରଫ କରିଛି।

ଇଡିର ଚଣ୍ଡିଗଡ଼ ଜୋନାଲ ଅଫିସ ତାଙ୍କୁ ଜୁନ୍ ୧ ରେ ମନି ଲଣ୍ଡରିଂ ନିବାରଣ ଆଇନ , ୨୦୦୨ ର ଧାରା ୧୯(୧) ଅନୁଯାୟୀ ଗିରଫ କରିଥିଲା। ପଂଚକୁଲାର ସ୍ୱତନ୍ତ୍ର ଚଗଖଇ କୋର୍ଟ ସିଂହଙ୍କୁ ନଅ ଦିନ ପାଇଁ ଇଡି ହାଜତକୁ ପଠାଇଛି, ଯାହା ଜୁନ୍ ୯ ପର୍ଯ୍ୟନ୍ତ ଚାଲିବ। ପଂଚକୁଲାର ଏସିବି ଦ୍ୱାରା ଦାୟର କରାଯାଇଥିବା ଏକ ଏଫଆଇଆର ସହିତ ତଦନ୍ତ ଆରମ୍ଭ ହୋଇଥିଲା, ଯେଉଁଥିରେ ପଂଚକୁଲାର ମ୍ୟୁନିସିପାଲ କର୍ପୋରେସନରୁ ୧୪୫ କୋଟି ଟଙ୍କା ହଡ଼ପ କରାଯାଇଥିବା ଅଭିଯୋଗ କରାଯାଇଥିଲା।

ଇଡି ତଦନ୍ତରୁ ଜଣାପଡିଛି ଯେ ପୌର ଅଧିକାରୀ, ବ୍ୟାଙ୍କ ଅଧିକାରୀ ଏବଂ ବ୍ୟକ୍ତିଗତ ବ୍ୟକ୍ତି ସରକାରୀ ପାଣ୍ଠି ହଡ଼ପ କରିବାରେ ସହଯୋଗ କରିଥିଲେ। ପୁଷ୍ପେନ୍ଦ୍ର ସିଂହ ଏବଂ ବିକାଶ କୌଶିକ (ପୂର୍ବତନ ବରିଷ୍ଠ ଆକାଉଂଟ ଅଧିକାରୀ, ପଂଚକୁଲା ନଗର ନିଗମ)ଙ୍କ ସହ ମିଶି ଦିଲୀପ କୁମାର ରାଘବ (ଗ୍ରାହକ ସମ୍ପର୍କ ପରିଚାଳକ) ନକଲି କାଗଜପତ୍ର ବ୍ୟବହାର କରି ନଗର ନିଗମ ନାମରେ ଦୁଇଟି ବ୍ୟାଙ୍କ ଆକାଉଂଟ ଖୋଲିଥିଲେ।

ନକଲି ପ୍ରାଧିକରଣ ପତ୍ର ବ୍ୟବହାର କରି ଏହି ଆକାଉଂଟଗୁଡ଼ିକରୁ ଏହି ବେଆଇନ ଆକାଉଂଟଗୁଡ଼ିକୁ ଟଙ୍କା ସ୍ଥାନାନ୍ତର କରାଯାଇଥିଲା। ଏହି ଟଙ୍କା ପରବର୍ତୀ ସମୟରେ ରଜତ ଡାହରା, ସ୍ୱାତୀ ତୋମାର, କପିଳ କୁମାର ଏବଂ ବିନୋଦ କୁମାରଙ୍କ ସମେତ ଆର୍ôଥକ ସଂସ୍ଥାଗୁଡ଼ିକୁ ପଠାଯାଇଥିଲା। ତଦନ୍ତରୁ ଜଣାପଡିଛି ଯେ ଏହି ସମସ୍ତ ଆର୍ôଥକ ସଂସ୍ଥା ପୁଷ୍ପେନ୍ଦ୍ର ସିଂହଙ୍କ ନିର୍ଦ୍ଦେଶରେ କାର୍ଯ୍ୟ କରୁଥିଲେ।

ଇଡି କହିଛି ଯେ ଏହି ଆର୍ôଥକ ସଂସ୍ଥାଗୁଡ଼ିକ ଦ୍ୱାରା ପ୍ରାପ୍ତ ପାଣ୍ଠି ପୁଷ୍ପେନ୍ଦ୍ର ସିଂହ ଏବଂ ତାଙ୍କ ପତ୍ନୀ ପ୍ରୀତି ଠାକୁରଙ୍କୁ ଫେରାଇ ଦିଆଯାଇଥିଲା। ଏହା ବ୍ୟତୀତ, ରିଅଲ୍ ଇଷ୍ଟେଟ୍ କମ୍ପାନୀ ଏବଂ ଅନ୍ୟାନ୍ୟ ବ୍ୟକ୍ତିଗତ ବ୍ୟକ୍ତିଙ୍କୁ ମଧ୍ୟ ପାଣ୍ଠି ସ୍ଥାନାନ୍ତର କରାଯାଇଥିଲା। ଇଡି କହିଛି ଯେ ଏହି ମାମଲାରେ ଅଧିକ ତଦନ୍ତ ଜାରି ରହିଛି।

-----------------------------

---------------

ହିନ୍ଦୁସ୍ଥାନ ସମାଚାର / ଗଗନ