ନୂଆଦିଲ୍ଲୀ, ୧ ଜୁନ(ହି.ସ) ଦେଶର ତୈଳ ବିପଣନ କମ୍ପାନୀଗୁଡ଼ିକ ପୁଣିଥରେ ଏଲପିଜି ସିଲିଣ୍ଡରର ମୂଲ୍ୟ ବୃଦ୍ଧି ଘୋଷଣା କରିଛନ୍ତି। ତେବେ ମୂଲ୍ୟ ବୃଦ୍ଧି 19 କିଲୋଗ୍ରାମର ବାଣିଜ୍ୟିକ ଗ୍ୟାସ ସିଲିଣ୍ଡର ଏବଂ ପାଞ୍ଚ କିଲୋଗ୍ରାମର ଛୋଟ ସିଲିଣ୍ଡର ମଧ୍ୟରେ ସୀମିତ ରହିଛି। 14ର ଘରୋଇ ଏଲପିଜି ସିଲିଣ୍ଡରର ମୂଲ୍ୟରେ କୌଣସି ବୃଦ୍ଧି କରାଯାଇ ନାହିଁ। ତୈଳ ବିପଣନ କମ୍ପାନୀମାନେ 19 କିଲୋଗ୍ରାମ ବ୍ୟାବସାୟିକ ଗ୍ୟାସ ସିଲିଣ୍ଡରର ମୂଲ୍ୟ 42 ଟଙ୍କା ବୃଦ୍ଧି କରି 53 ଟଙ୍କା କରିଛନ୍ତି। ସିଲିଣ୍ଡରର ନୂଆ ମୂଲ୍ୟ ଆଜିଠାରୁ ଲାଗୁ ହୋଇଛି।

ଏହାପୂର୍ବରୁ, ଗତ ମାସର ପ୍ରଥମ ଦିନ ଅର୍ଥାତ୍ ମେ 1, ରେ ବାଣିଜ୍ୟିକ ସିଲିଣ୍ଡରର ମୂଲ୍ୟ ପ୍ରାୟ ଏକ ହଜାର ଟଙ୍କା ବୃଦ୍ଧି କରାଯାଇଥିଲା। ଦିଲ୍ଲୀରେ ଏହି ବୃଦ୍ଧି 993 ଟଙ୍କା ଥିବାବେଳେ କୋଲକାତାରେ ଏକ ବାଣିଜ୍ୟିକ ଗ୍ୟାସ ସିଲିଣ୍ଡରର ମୂଲ୍ୟ 998.5 ଟଙ୍କାକୁ ବୃଦ୍ଧି ପାଇଛି। ସେହିଭଳି, ମୁମ୍ବାଇରେ ଏକ ବାଣିଜ୍ୟିକ ଗ୍ୟାସ ସିଲିଣ୍ଡରର ମୂଲ୍ୟ 993 ଟଙ୍କା ବୃଦ୍ଧି କରାଯାଇଥିଲା। ଚେନ୍ନାଇରେ ଏକ ବ୍ୟାବସାୟିକ ଗ୍ୟାସ ସିଲିଣ୍ଡରର ମୂଲ୍ୟ 99.5 ଟଙ୍କା ବୃଦ୍ଧି ପାଇଛି।

ଆଜି ମୂଲ୍ୟ ବୃଦ୍ଧି ପରେ ରାଜଧାନୀ ଦିଲ୍ଲୀରେ ବାଣିଜ୍ୟିକ ଏଲପିଜି ଗ୍ୟାସ୍ ସିଲିଣ୍ଡରର ମୂଲ୍ୟ 3113.5 ଟଙ୍କାରେ ପହଞ୍ଚିଛି ଏବଂ କୋଲକାତାରେ ବାଣିଜ୍ୟିକ ଗ୍ୟାସ୍ ସିଲିଣ୍ଡରର ମୂଲ୍ୟ 3255.5 ଟଙ୍କାରେ ପହଞ୍ଚିଛି। ଆଜି ସକାଳଠାରୁ ମୁମ୍ବାଇରେ ବାଣିଜ୍ୟିକ ଗ୍ୟାସ ସିଲିଣ୍ଡରର ମୂଲ୍ୟ 3063.50 ଟଙ୍କା ଥିବାବେଳେ ଚେନ୍ନାଇରେ ବାଣିଜ୍ୟିକ ଗ୍ୟାସ ସିଲିଣ୍ଡରର ମୂଲ୍ୟ 3281.5 ଟଙ୍କାକୁ ବୃଦ୍ଧି ପାଇଛି।

--------

ହିନ୍ଦୁସ୍ଥାନ ସମାଚାର / ସ୍ୱାଗତିକା