ଆବୁଧାବି ପରୀକ୍ଷା କେନ୍ଦ୍ର ଆବଂଟନ ଉପରେ ଏନ୍ଟିଏ କହିଲା

ନୂଆଦିଲ୍ଲୀ, ୨୦ ଜୁନ୍(ହି.ସ.) – ନ୍ୟାସନାଲ ଟେଷ୍ଟିଂ ଏଜେନ୍ସି(ଏନ୍.ଟି.ଏ.) ଶନିବାର ଦିନ ଜଣେ ନାଗପୁର ପ୍ରାର୍ଥୀଙ୍କୁ ଆବୁଧାବି ପରୀକ୍ଷା କେନ୍ଦ୍ର ଭାବେ ଆବଂଟିତ କରାଯିବା ନେଇ ସ୍ପଷ୍ଟୀକରଣ ଜାରି କରି କହିଛି ଯେ ପରୀକ୍ଷା ସହରରେ ପରିବର୍ତନ ପ୍ରାର୍ଥୀଙ୍କ ନିଜସ୍ୱ ପଞ୍ଜୀକୃତ ଲଗଇନ୍ ମାଧ୍ୟମରେ କରାଯାଇଛି ଏବଂ ଏଜେନ୍ସିର ରେକର୍ଡରେ ସେହି ବ୍ୟବହାରକାରୀଙ୍କ ଦ୍ୱାରା କ୍ରମାଗତ ଭାବେ ପ୍ରବେଶ କରାଯିବାର ଏକ ଧାରା ରେକର୍ଡ କରାଯାଇଛି।

ଏନ୍.ଟି.ଏ. କହିଛି ଯେ ଜାତୀୟ ଯୋଗ୍ୟତା ତଥା ପ୍ରବେଶିକା ପରୀକ୍ଷା-ସ୍ନାତକ(ଏନ୍.ଇ.ଇ.ଟି.-ୟୁ.ଜି.) ୨୦୨୬ ପରୀକ୍ଷାର ପୁନଃନିର୍ଦ୍ଧାରଣ ପରେ ପ୍ରାର୍ଥୀଙ୍କ ସୁବିଧା ପାଇଁ ପରୀକ୍ଷା ସହର ସଂଶୋଧନ ୱିଣ୍ଡୋ ପୁନର୍ବାର ଖୋଲାଯାଇଥିଲା। ଏହି ସମୟରେ ପ୍ରାୟ ୩ ଲକ୍ଷ ପ୍ରାର୍ଥୀ ସେମାନଙ୍କ ପରୀକ୍ଷା ସହରକୁ ସଂଶୋଧନ କରିଥିଲେ ଏବଂ ସେମାନଙ୍କ ମଧ୍ୟରୁ ୯୯.୫ ପ୍ରତିଶତରୁ ଅଧିକଙ୍କୁ ସେମାନଙ୍କ ପସନ୍ଦର ପରୀକ୍ଷା ସହର ଆବଣ୍ଟନ କରାଯାଇଥିଲା।

ଏଜେନ୍ସି ଅନୁଯାୟୀ, ସମ୍ପୃକ୍ତ ମାମଲାରେ, ପ୍ରାର୍ଥୀଙ୍କ ପଞ୍ଜୀକୃତ ଲଗଇନରୁ ଆବୁଧାବି’ ପରୀକ୍ଷା କେନ୍ଦ୍ର ଚୟନ କରାଯାଇଥିଲା। ୱେବ୍ କାର୍ଯ୍ୟକଳାପ ରେକର୍ଡରୁ ଏହା ମଧ୍ୟ ସ୍ପଷ୍ଟ ହୋଇଛି ଯେ ସେହି ବ୍ୟବହାରକାରୀ ସଂଶୋଧନ ପ୍ରକ୍ରିୟା ସମୟରେ ଲଗଇନ୍ କରିଥିଲେ ଏବଂ କ୍ରମାଗତ ଭାବରେ ପ୍ରବେଶ କରିଥିଲେ।

ଏନ୍.ଟି.ଏ. ରିପୋର୍ଟ କରିଛି ଯେ ଏହାର ରେକର୍ଡ଼ ଅନୁଯାୟୀ, ଆବୁଧାବି କେନ୍ଦ୍ର ସହିତ ଜଡିତ କାର୍ଯ୍ୟକଳାପ ତିନୋଟି ପୃଥକ ଅବସରରେ ରେକର୍ଡ କରାଯାଇଥିଲା। ଥରେ ପ୍ରାର୍ଥୀଙ୍କ ପରିଚୟପତ୍ର ବ୍ୟବହାର କରି ପରୀକ୍ଷା କେନ୍ଦ୍ରକୁ ଆବୁଧାବିକୁ ପରିବର୍ତନ କରାଯାଇଥିଲା, ଅନ୍ୟ ଦୁଇଟି ଅବସରରେ, ପ୍ରାର୍ଥୀ ତାଙ୍କ ପରୀକ୍ଷା କେନ୍ଦ୍ରକୁ ଆବୁଧାବି ଭାବରେ ଦର୍ଶାଇଥିବା ଏକ ପୂର୍ବରୂପ ମଧ୍ୟ ଦେଖିଥିଲେ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି