ନୂଆଦିଲ୍ଲୀ, ୨୩ ଜୁନ (ହି.ସ.) ୧୯୯୩ ବୋବଜାର ବୋମା ବିସ୍ଫୋରଣରେ ଦୋଷୀ ସାବ୍ୟସ୍ତ ହୋଇଥିବା ମହମ୍ମଦ ରସିଦ ଖାନଙ୍କୁ ମୁକ୍ତ କରିବା ପାଇଁ ଦିଲ୍ଲୀ ହାଇକୋର୍ଟଙ୍କ ନିର୍ଦ୍ଦେଶ ଉପରେ ସୁପ୍ରିମକୋର୍ଟ ସ୍ଥଗିତାଦେଶ ଜାରି କରିଛନ୍ତି। ପଶ୍ଚିମବଙ୍ଗ ସରକାରଙ୍କ ଦ୍ୱାରା ଦାୟର ଏକ ଆବେଦନ ଉପରେ ଜଷ୍ଟିସ ପି.କେ. ମିଶ୍ରଙ୍କ ଅଧ୍ୟକ୍ଷତାରେ ଏକ ଖଣ୍ଡପୀଠ ଏହି ନିର୍ଦ୍ଦେଶ ଜାରି କରିଛନ୍ତି।

ଦିଲ୍ଲୀ ହାଇକୋର୍ଟ ରସିଦ ଖାନଙ୍କୁ ମୁକ୍ତ କରିବାକୁ ନିର୍ଦ୍ଦେଶ ଦେଇଥିଲେ ଏବଂ ଦଣ୍ଡାଦେଶରୁ ମୁକ୍ତି ପ୍ରଦାନ କରିଥିଲେ। ପଶ୍ଚିମବଙ୍ଗ ସରକାର ଆବେଦନରେ କହିଛନ୍ତି ଯେ ରସିଦ ଖାନ ବିସ୍ଫୋରଣର ମାଷ୍ଟରମାଇଣ୍ଡ ଥିଲେ ଏବଂ ଏହି ଘଟଣାର ସମାଜ ଉପରେ ଗମ୍ଭୀର ପ୍ରଭାବ ପଡ଼ିଛି।

ଜୁନ ୫ ତାରିଖରେ ଦିଲ୍ଲୀ ହାଇକୋର୍ଟ ରସିଦ ଖାନଙ୍କୁ ମୁକ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ହାଇକୋର୍ଟ କହିଛନ୍ତି ଯେ ରସିଦ ଖାନ ୩୩ ବର୍ଷରୁ ଅଧିକ ସମୟ ଧରି ଜେଲରେ ଅଛନ୍ତି ଏବଂ ତାଙ୍କ ଆଚରଣ ପୁନର୍ବାସ ଭିତିରେ ମୁକ୍ତି ଆବଶ୍ୟକ। ହାଇକୋର୍ଟ କହିଥିଲେ ଯେ ତିନି ଦଶନ୍ଧିରୁ ଅଧିକ ସମୟ ଜେଲଦଣ୍ଡ ପରେ, ଦଣ୍ଡାଦେଶର ଉଦ୍ଦେଶ୍ୟ ପୂରଣ ହୋଇଛି ଏବଂ ଅନ୍ୟ କୌଣସି ମାମଲାରେ ଆବଶ୍ୟକ ନହେଲେ ତାଙ୍କୁ ତୁରନ୍ତ ମୁକ୍ତ କରାଯିବା ଉଚିତ। ୧୯୯୩ ମସିହାରୁ ଏହି ମାମଲାରେ ରସିଦ ଖାନ ଜେଲରେ ଅଛନ୍ତି।

--------------------

---------------

ହିନ୍ଦୁସ୍ଥାନ ସମାଚାର / ଗଗନ