ହାଇଦ୍ରାବାଦ, ୩ ଜୁଲାଇ (ହି.ସ.): ଶୁକ୍ରବାର ସକାଳେ ଆନ୍ଧ୍ର ପ୍ରଦେଶର ମାରକାପୁର ଜିଲ୍ଲାରେ ଏକ ସଡ଼କ ଦୁର୍ଘଟଣାରେ ଚାରି ଜଣଙ୍କର ମୃତ୍ୟୁ ହୋଇଛି ଏବଂ ଅନେକ ଆହତ ହୋଇଛନ୍ତି। ସମସ୍ତ ମୃତକ ଗୋଟିଏ ପରିବାରର ବୋଲି ବିଶ୍ୱାସ କରାଯାଉଛି, ଯେଉଁମାନେ ଅଟୋ-ରିକ୍ସାରେ ବିବାହ ପାଇଁ ମନ୍ଦିରକୁ ଯାତ୍ରା କରୁଥିଲେ।
ମାରକାପୁର ଉପ-ବିଭାଗୀୟ ପୋଲିସ ଅଧିକାରୀ ୟୁ. ନାଗା ରାଜୁ କହିଛନ୍ତି ଯେ ବେଙ୍ଗାଲୁରୁ ରାଜପଥର କମ୍ବମରେ ରାତି ପ୍ରାୟ ୧ଟା ସମୟରେ କନ୍ୟା ରାସ୍ତା ପାର୍ଶ୍ୱରେ ଥିବା ବିନାୟକ ସ୍ୱାମୀ ମନ୍ଦିରକୁ ପ୍ରାର୍ଥନା କରିବାକୁ ଯାଇଥିବା ବେଳେ ଦୁର୍ଘଟଣା ଘଟିଥିଲା। ଅନ୍ୟମାନେ ଏକ ଗାଡ଼ିରେ ବାହାରେ ଅପେକ୍ଷା କରିଥିଲେ। କନ୍ୟା ପରିବାର ମନ୍ଦିର ନିକଟରେ ସେମାନଙ୍କର ଅଟୋ-ରିକ୍ସାକୁ ଅଟକାଇଥିଲେ, ସେତେବେଳେ ଏକ ଟ୍ରକ ସେମାନଙ୍କୁ ପଛରୁ ଧକ୍କା ଦେଇଥିଲା। ଚାରି ଜଣଙ୍କର ମୃତ୍ୟୁ ଘଟିଛି, ସେମାନଙ୍କ ମଧ୍ୟରେ ଅଛନ୍ତି କନ୍ୟାର ଦୁଇ ବଡ଼ ଭାଇ, ତାଙ୍କ ଭାଉଜ ଏବଂ ଜଣେ ସମ୍ପର୍କୀୟ ଭାଇ। ମୃତକଙ୍କ ପରିଚୟ ଅବୁଲ ଅଲକାନନ୍ଦ (୧୯), ଅବୁଲ ଅଙ୍କାଲୁ (୨୦), ଅବୁଲ ନାଗେଶ (୧୭) ଏବଂ ଅବୁଲ ନାଗେଶ୍ୱରୀ (୨) । ସେମାନେ ସମସ୍ତେ ଗିଦ୍ଦାଲୁରର ନାଲ୍ଲାବନ୍ଧା ବଜାରର ବାସିନ୍ଦା ଥିଲେ।
ସୌଭାଗ୍ୟବଶତଃ, କନ୍ୟା ସେହି ସମୟରେ ମନ୍ଦିର ଭିତରେ ଥିବାରୁ ଦୁର୍ଘଟଣାରୁ ବଂଚିଗଲେ। ପୋଲିସ କହିଛି ଯେ ଟ୍ରକ୍ ଡ୍ରାଇଭର ଘଟଣାସ୍ଥଳରୁ ଖସି ପଳାଇଛି ଏବଂ ଅଧିକ ତଦନ୍ତ ଚାଲିଛି।
-----------------
---------------
ହିନ୍ଦୁସ୍ଥାନ ସମାଚାର / ଗଗନ