କାଁୱଡି଼ ଯାତ୍ରା କେବଳ ଏକ ଧାର୍ମିକ ଆୟୋଜନ ନୁହେଁ, ବରଂ ଉତର ଭାରତର ଅର୍ଥନୀତି ପାଇଁ ଏକ ବଡ଼ 'ଇକୋନୋମି ବୁଷ୍ଟର

ଲକ୍ଷେ୍ଣø, ୩୧ ଜୁଲାଇ (ହି.ସ.)- କାଁୱଡି଼ ଯାତ୍ରା କେବଳ ଏକ ଧାର୍ମିକ ଆୟୋଜନ ନୁହେଁ, ବରଂ ଉତର ଭାରତର ଅର୍ଥନୀତି ପାଇଁ ଏକ ବଡ଼ 'ଇକୋନୋମି ବୁଷ୍ଟର' ଅଟେ, ଯାହା ପ୍ରତିବର୍ଷ ୧,୦୦୦ କୋଟି ଟଙ୍କାରୁ ୫,୦୦୦ କୋଟି ଟଙ୍କା ପର୍ଯ୍ୟନ୍ତ ବିପୁଳ କାରବାର ସୃଷ୍ଟି କରେ। ଶ୍ରାବଣ ମାସରେ କୋଟି କୋଟି କାଁୱଡ଼ିଆଙ୍କ ଯାତାୟାତ ଯୋଗୁଁ ଉତର ପ୍ରଦେଶ, ଉତରାଖଣ୍ଡ, ହରିୟାଣା ଏବଂ ଦିଲ୍ଲୀ ପରି ରାଜ୍ୟଗୁଡ଼ିକରେ ବ୍ୟବସାୟିକ କାର୍ଯ୍ୟକଳାପ ଚରମ ସୀମାରେ ପହଂଚିଯାଏ। ଉଲ୍ଲେଖଯୋଗ୍ୟ ଯେ ୩୦ ଜୁଲାଇରେ ଶ୍ରାବଣ ମାସ ଆରମ୍ଭ ସହ କାଁୱଡି଼ ଯାତ୍ରା ଆରମ୍ଭ ହୋଇସାରିଛି, ଯାହା ୧୧ ଅଗଷ୍ଟ ଶ୍ରାବଣ ଶିବରାତ୍ରି ପର୍ଯ୍ୟନ୍ତ ଚାଲିବ।

ଯାତ୍ରା ସମୟରେ ଲକ୍ଷ ଲକ୍ଷ ବାଉଁଶର କାଁୱଡି଼, ମାଠିଆ, ପିତଳ-ପ୍ଲାଷ୍ଟିକ ପାତ୍ର, ସଜାବଟ ସାମଗ୍ରୀ, ପତାକା ଏବଂ ଟି-ଶାର୍ଟର ବଡ଼ ଧରଣର ଉତ୍ପାଦନ ଏବଂ ବିକ୍ରି ହୁଏ। କାଁୱଡି଼ ଋତୁରେ ସହାରନପୁରରେ ମୁଖ୍ୟତଃ ଟି-ଶାର୍ଟ ସମେତ ସମଗ୍ର ହୋଜିରି ଏବଂ ଧାର୍ମିକ ପୋଷାକର ବ୍ୟବସାୟ ୫୦ କୋଟିରୁ ୧୫୦ କୋଟି ଟଙ୍କା ପର୍ଯ୍ୟନ୍ତ ହୁଏ। କେବଳ ସମଗ୍ର କାଁୱଡି଼ ସାମଗ୍ରୀ ଏବଂ ପୋଷାକର ଏହି ବଜାର ଅନେକ ସମୟରେ ଆନୁମାନିକ ଭାବେ ୧୫୦ରୁ ୨୦୦ କୋଟି ଟଙ୍କାର ସୀମା ଅତିକ୍ରମ କରିଯାଏ।

ବ୍ୟବସାୟୀ ବୈଭବ କମ୍ବୋଜ କହିଛନ୍ତି ଯେ ହୋଜିରି ବ୍ୟବସାୟୀମାନଙ୍କୁ ଦିଲ୍ଲୀ, ଉତରାଖଣ୍ଡ ଏବଂ ଉତର ପ୍ରଦେଶର ଅନେକ ଜିଲ୍ଲାରୁ ଟି-ଶାର୍ଟ ପାଇଁ ବହୁ ପରିମାଣର ଅର୍ଡର ମିଳିଛି। ଏଥର ବଜାରରେ ମହାକାଳ ଏବଂ ଭୋଳେନାଥଙ୍କ ପ୍ରିଂଟ ଥିବା ପୋଷାକର ସର୍ବାଧିକ ଚାହିଦା ରହିଛି। ମୋଦୀ-ଯୋଗୀ ଛାପ ଥିବା ଟି-ଶାର୍ଟର ମଧ୍ୟ ଚାହିଦା ରହିଛି। ଏହି ଋତୁରେ ପ୍ରାୟ ୫୦ଟି ନୂଆ ଡିଜାଇନ ବଜାରକୁ ଆସିଛି। ବଜାରରେ ୧୫୦ ଟଙ୍କାରୁ ୭୦୦ ଟଙ୍କା ପର୍ଯ୍ୟନ୍ତ ଟି-ଶାର୍ଟ, ୫୦ରୁ ୧୫୦ ଟଙ୍କା ପର୍ଯ୍ୟନ୍ତ ଭଗବା ଗାମୁଛା, ୧୦୦ରୁ ୧,୦୦୦ ଟଙ୍କା ପର୍ଯ୍ୟନ୍ତ କାଁୱଡ଼ି ସଜାବଟ ସାମଗ୍ରୀ ଏବଂ ବିଭିନ୍ନ ଦରରେ ରୁଦ୍ରାକ୍ଷ ମାଳା, ହାତ ବ୍ୟାଣ୍ଡ ଓ ଶିବ ଷ୍ଟିକର ଉପଲବ୍ଧ ଅଛି। ଏହା ବ୍ୟତୀତ ଏଲଇଡି ଲାଇଟ, ରଙ୍ଗବେରଙ୍ଗ ଝାଲର ଏବଂ ସଜାବଟ ସାମଗ୍ରୀ ଦ୍ୱାରା କାଁୱଡି଼କୁ ଆକର୍ଷଣୀୟ କରିବାର ପ୍ରଚଳନ ମଧ୍ୟ ବଢ଼ିଛି। ବ୍ୟବସାୟୀମାନଙ୍କ ବିଶ୍ୱାସ ଯେ ପ୍ରତିବର୍ଷ କାଁୱଡି଼ ଯାତ୍ରା ସେମାନଙ୍କ ବ୍ୟବସାୟରେ ନୂତନ ଶକ୍ତି ଆଣିଥାଏ।

------------------------------

---------------

ହିନ୍ଦୁସ୍ଥାନ ସମାଚାର / ଗଗନ