ଭୁବନେଶ୍ୱର, ୩୧
ଜୁଲାଇ (ହି.ସ.): ଓଡ଼ିଶାର ରାଜ୍ୟପାଳ ଡ. ହରିବାବୁ କମ୍ଭମପତି କମନୱେଲଥ୍ ଗେମ୍ସ–୨୦୨୬ରେ ଉଲ୍ଲେଖନୀୟ
ସଫଳତା ହାସଲ କରିଥିବା ଭାରତୀୟ ଖେଳାଳି ଲଭପ୍ରୀତ ସିଂହ ଓ ସୀମା କାଲିରାମନାଙ୍କୁ ହାର୍ଦ୍ଦିକ
ଅଭିନନ୍ଦନ ଜଣାଇଛନ୍ତି।
ଲଭପ୍ରୀତ ସିଂହ ପୁରୁଷ ୧୧୦
କିଲୋଗ୍ରାମରୁ ଅଧିକ ଭାରୋତ୍ତୋଳନ ବିଭାଗରେ ରୌପ୍ୟ ପଦକ ଜିତିଥିବାବେଳେ ସୀମା କାଲିରାମନା ମହିଳା
ଡିସ୍କସ୍ ଥ୍ରୋ ପ୍ରତିଯୋଗିତାରେ ବ୍ରୋଞ୍ଜ ପଦକ ହାସଲ କରି ଦେଶ ପାଇଁ ଗୌରବ ଆଣିଛନ୍ତି।
ସୋସିଆଲ ମିଡିଆରେ ପ୍ରକାଶିତ
ନିଜ ବାର୍ତ୍ତାରେ ରାଜ୍ୟପାଳ ଉଭୟ ଖେଳାଳିଙ୍କ ଚମତ୍କାର ପ୍ରଦର୍ଶନର ପ୍ରଶଂସା କରି କହିଛନ୍ତି ଯେ, ସେମାନଙ୍କର
ଏହି ସଫଳତା ଦୃଢ଼ ସଂକଳ୍ପ, ଶୃଙ୍ଖଳା ଓ କ୍ରୀଡ଼ା ଉତ୍କର୍ଷର ଏକ ଉଜ୍ଜ୍ୱଳ ପ୍ରତୀକ।
ସେ ଆଶା ପ୍ରକାଶ କରିଛନ୍ତି
ଯେ, ଉଭୟ
ଖେଳାଳି ଭବିଷ୍ୟତରେ ମଧ୍ୟ ଏଭଳି ଉତ୍କୃଷ୍ଟ ପ୍ରଦର୍ଶନ ଜାରି ରଖି ଦେଶ ପାଇଁ ଆହୁରି ଅଧିକ ଗୌରବ
ଆଣିବେ। ଏହି ଖେଳାଳିମାନଙ୍କର ସଫଳତା ଅନ୍ତର୍ଜାତୀୟ କ୍ରୀଡ଼ା ମଞ୍ଚରେ ଭାରତର ବୃଦ୍ଧି ପାଉଥିବା
ପ୍ରତିଷ୍ଠାକୁ ପୁଣିଥରେ ଉଜାଗର କରିଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
