ରାଂଚି, ୧୯ ଅଗଷ୍ଟ (ହି.ସ.)- ଝାରଖଣ୍ଡରେ ଛାତ୍ରମାନଙ୍କ ଆନ୍ଦୋଳନକୁ ଦୃଷ୍ଟିରେ ରଖି ୧୭ ଅଗଷ୍ଟରେ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଅଧ୍ୟକ୍ଷତାରେ ହୋଇଥିବା କ୍ୟାବିନେଟର ସ୍ୱତନ୍ତ୍ର ବୈଠକରେ ନିଆଯାଇଥିବା ନିଷ୍ପତି ସମ୍ବନ୍ଧୀୟ ଅଧିସୂଚନା ମଙ୍ଗଳବାର ବିଳମ୍ବିତ ରାତିରେ ଜାରି କରାଯାଇଛି। ସରକାରଙ୍କ ନିଷ୍ପତିର ସିଧାସଳଖ ପ୍ରଭାବ ମୋଟ ୪୫ଟି ପ୍ରତିଯୋଗିତାମୂଳକ ପରୀକ୍ଷା ଏବଂ ସେଗୁଡ଼ିକର ଫଳାଫଳ ଉପରେ ପଡ଼ିବ।
କ୍ୟାବିନେଟ ୨୨ଟି ପ୍ରତିଯୋଗିତାମୂଳକ ପରୀକ୍ଷା ବାତିଲ କରିବାକୁ ନିଷ୍ପତି ନେଇଛି। ଏଥିରେ ୧୧ତମରୁ ୧୩ତମ ଜେପିଏସସି ପରୀକ୍ଷା ବ୍ୟତୀତ ବାଲ ବିକାଶ ପ୍ରକଳ୍ପ ଅଧିକାରୀ (ସିଡିପିଓ) ଏବଂ ଝାରଖଣ୍ଡ କର୍ମଚାରୀ ଚୟନ ଆୟୋଗ (ଜେଏସଏସସି)ର ସିଜିଏଲ ପରୀକ୍ଷା ସାମିଲ ଅଛି। ସେହିପରି, ଛଅଟି ପରୀକ୍ଷା ସ୍ଥଗିତ କରାଯାଇଛି। ଏହି ପରୀକ୍ଷାଗୁଡ଼ିକର ତଦନ୍ତ ସିଆଇଡିକୁ ଦିଆଯାଇଛି। ଏହା ବ୍ୟତୀତ ଆଉ ୧୭ଟି ପରୀକ୍ଷାର ମଧ୍ୟ ସିଆଇଡି ତଦନ୍ତ କରାଇବାକୁ ନିଷ୍ପତି ନିଆଯାଇଛି। ଏହିପରି ମୋଟ ୨୩ଟି ପରୀକ୍ଷା ସିଆଇଡି ତଦନ୍ତ ପରିସରରେ ରହିବ।
ସରକାର ଏ ସମ୍ବନ୍ଧରେ ମୋଟ ଆଠଟି ଅଧିସୂଚନା ଜାରି କରିଛନ୍ତି। ଏଥିରେ ଟିଡିପିଏଲ ଏଜେନ୍ସି ଦ୍ୱାରା ଆୟୋଜିତ ବିଭିନ୍ନ ପରୀକ୍ଷାଗୁଡ଼ିକୁ ବାତିଲ କରିବାର ଉଲ୍ଲେଖ ରହିଛି। ସରକାର ସେହି ପରୀକ୍ଷାଗୁଡ଼ିକର ଫଳାଫଳ ମଧ୍ୟ ବାତିଲ କରିବାକୁ ନିଷ୍ପତି ନେଇଛନ୍ତି, ଯାହାର ପ୍ରାରମ୍ଭିକ ପ୍ରକ୍ରିୟା ଟିଡିପିଏଲ ବ୍ୟତୀତ ଅନ୍ୟ କୌଣସି ଏଜେନ୍ସି ମାଧ୍ୟମରେ କରାଯାଇଥିଲା।
---------------------
---------------
ହିନ୍ଦୁସ୍ଥାନ ସମାଚାର / ଗଗନ