ନୂଆଦିଲ୍ଲୀ, ୨୦ ଅଗଷ୍ଟ (ହି.ସ.)- କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ପିଏମ୍ କେୟାର୍ସ ଫଣ୍ଡକୁ ନେଇ ସାର୍ବଜନୀନ ଉତରଦାୟିତ୍ୱ ଏବଂ ସ୍ୱଚ୍ଛତାର ଦାବି କରିଛନ୍ତି। ସେ ଦାବି କରିଛନ୍ତି ଯେ ଆର୍ôଥକ ବର୍ଷ ୨୦୨୪-୨୫ର ଶେଷରେ ପିଏମ୍ କେୟାର୍ସ ଫଣ୍ଡରେ ୮,୪୫୨ କୋଟି ଟଙ୍କାର ରାଶି ଥିଲା, ଯେତେବେଳେ ଏହି ସମୟରେ ମାତ୍ର ୮୭.୮୫ ଲକ୍ଷ ଟଙ୍କା ଖର୍ଚ୍ଚ କରାଯାଇଥିଲା, ଯାହା ଫଣ୍ଡର ସମାପ୍ତି ଅବଶିଷ୍ଟ ରାଶିର ପ୍ରାୟ ୦.୦୧ ପ୍ରତିଶତ ଅଟେ।
ଖଡଗେ ଗୁରୁବାର ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ କହିଛନ୍ତି ପ୍ରଧାନମନ୍ତ୍ରୀଙ୍କ ନାମ ଥିବା ଏହି ଫଣ୍ଡକୁ ସାର୍ବଜନୀନ ନିରୀକ୍ଷଣର ସାଧାରଣ ବ୍ୟବସ୍ଥାରୁ ବାହାରେ କାହିଁକି ରଖାଯାଇଛି। ଜରୁରୀକାଳୀନ ଫଣ୍ଡରେ ହଜାର ହଜାର କୋଟି ଟଙ୍କା ଜମା ରହିବା ଏବଂ ଏକ ବର୍ଷରେ ଏହାର ଅବଶିଷ୍ଟ ରାଶିର ମାତ୍ର ୦.୦୧ ପ୍ରତିଶତ ଖର୍ଚ୍ଚ ହେବାର ଯଥାର୍ଥତା କ’ଣ। ପ୍ରଧାନମନ୍ତ୍ରୀ ପିଏମ୍ କେୟାର୍ସ ଫଣ୍ଡର ଅଧ୍ୟକ୍ଷ ଅଟନ୍ତି, ଯେତେବେଳେ ପ୍ରତିରକ୍ଷା, ଗୃହ ଏବଂ ଅର୍ଥମନ୍ତ୍ରୀ ଏହାର ଟ୍ରଷ୍ଟି ଅଟନ୍ତି। ଫଣ୍ଡକୁ କର୍ପୋରେଟ୍ ସାମାଜିକ ଦାୟିତ୍ୱ (ସିଏସ୍ଆ)ର୍ ଅଧୀନରେ ଅବଦାନ ଏବଂ କର ଛାଡ଼ଯୋଗ୍ୟ ଦାନ ମଧ୍ୟ ମିଳିଥାଏ। ଏହା ସତ୍ୱେ ଏହାକୁ ସୂଚନା ଅଧିକାର, ନିୟନ୍ତ୍ରକ ଏବଂ ମହାଲେଖା ପରୀକ୍ଷକଙ୍କ ଯାଂଚ ଏବଂ ସଂସଦ ସ୍ତରରେ ଉତରଦାୟିତ୍ୱରୁ ବାହାରେ କାହିଁକି ରଖାଯାଇଛି।
ଖଡଗେ ପ୍ରଧାନମନ୍ତ୍ରୀଙ୍କୁ ଦୁଇଟି ପ୍ରଶ୍ନ କରିଛନ୍ତି। ପ୍ରଥମ, ପ୍ରଧାନମନ୍ତ୍ରୀଙ୍କ ନାମ ଥିବା ଫଣ୍ଡକୁ ସାର୍ବଜନୀନ ଯାଂଚ-ପରୀକ୍ଷଣର ସାଧାରଣ ବ୍ୟବସ୍ଥାରୁ ବାହାରେ ରଖିବାର କାରଣ କ’ଣ? ଦ୍ୱିତୀୟ, ଯେତେବେଳେ ୨୦୨୪-୨୫ରେ ଫଣ୍ଡର ସମାପ୍ତି ଅବଶିଷ୍ଟ ରାଶିର ମାତ୍ର ୦.୦୧ ପ୍ରତିଶତ ଖର୍ଚ୍ଚ ହୋଇଛି, ତେବେ ହଜାର ହଜାର କୋଟି ଜମା ରଖିଥିବା ଜରୁରୀକାଳୀନ ଫଣ୍ଡର ଯଥାର୍ଥତା କ’ଣ? ଖଡଗେ କହିଛନ୍ତି ଯେ ତାଙ୍କୁ ପିଏମ୍ କେୟାର୍ସ ଫଣ୍ଡ ଏବଂ ଏହା ସହ ଜଡ଼ିତ ସାର୍ବଜନୀନ ଉତରଦାୟିତ୍ୱର ପ୍ରଶ୍ନଗୁଡ଼ିକର ଉତର ଦେବା ଉଚିତ। ସେ ଫଣ୍ଡର ରାଶି, ଏହାର ବ୍ୟବହାର ଏବଂ ନିରୀକ୍ଷଣର ବ୍ୟବସ୍ଥାକୁ ନେଇ ସ୍ୱଚ୍ଛତା ସୁନିଶ୍ଚିତ କରିବାର ଦାବି କରିଛନ୍ତି।ଉଲ୍ଲେଖନୀୟ ଯେ, ପିଏମ୍ କେୟାର୍ସ ଫଣ୍ଡର ଅଧିକାରିକ ୱେବସାଇଟରେ ଜାରି ୨୦୨୪-୨୫ର ଅଡିଟ୍ ହୋଇଥିବା ହିସାବ ଅନୁଯାୟୀ, ବର୍ଷ ୨୦୨୦ରେ ମାତ୍ର ୨.୨୫ ଲକ୍ଷ ଟଙ୍କାରୁ ଆରମ୍ଭ ହୋଇଥିବା ଏହି ଫଣ୍ଡରେ ୩୧ ମାର୍ଚ୍ଚ ୨୦୨୫ ପର୍ଯ୍ୟନ୍ତ ୮,୪୫୨ କୋଟି ଟଙ୍କା ଜମା ହୋଇସାରିଥିଲା। ଅଡିଟ୍ ରିପୋର୍ଟ ଅନୁଯାୟୀ ଆର୍ôଥକ ବର୍ଷ ୨୦୨୪-୨୫ରେ ଫଣ୍ଡକୁ ଦେଶ ଭିତରୁ ୪୭୯.୦୪ କୋଟି ଟଙ୍କା ଏବଂ ବିଦେଶରୁ ପ୍ରାୟ ୯୨ ଲକ୍ଷ ଟଙ୍କାର ଦାନ ମିଳିଥିଲା। ଏହା ବ୍ୟତୀତ ୪୭୫.୧୪ କୋଟି ଟଙ୍କା ସୁଧ ଭାବରେ ପ୍ରାପ୍ତ ହୋଇଥିଲା, ଯେଉଁଥିରେ ୪୬୯.୩୭ କୋଟି ଟଙ୍କା ଫିକ୍ସଡ୍ ଡିପୋଜିଟ୍ ଏବଂ ୫.୭୬ କୋଟି ଟଙ୍କା ବ୍ୟାଙ୍କ ଖାତାରୁ ମିଳିଥିଲା।
-------------------
---------------
ହିନ୍ଦୁସ୍ଥାନ ସମାଚାର / ଗଗନ