ନୂଆଦିଲ୍ଲୀ, ୨୦ ଅଗଷ୍ଟ (ହି.ସ.)- ଭାରତ ପାଲେଷ୍ଟାଇନରେ ନିଜର ଅଷ୍ଟମ ତ୍ୱରିତ ପ୍ରଭାବ ପ୍ରକଳ୍ପ ଅଧୀନରେ ଜେରିକୋସ୍ଥିତ ମହିଳା ଚାରିଟେବଲ ସୋସାଇଟି ସ୍କୁଲରେ ଶିକ୍ଷାଗତ ସୁବିଧାର ଉନ୍ନତି କରିଛି। ପ୍ରକଳ୍ପର ଉଦ୍ଦେଶ୍ୟ ସ୍ଥାନୀୟ ଛାତ୍ରଛାତ୍ରୀଙ୍କ ପାଇଁ ଉନ୍ନତ ଏବଂ ଆଧୁନିକ ଶିକ୍ଷଣ ପରିବେଶ ଉପଲବ୍ଧ କରାଇବା। ଏଥିରେ ଶ୍ରେଣୀଗୃହଗୁଡ଼ିକରେ କମ୍ପ୍ୟୁଟର ଏବଂ ଅନ୍ୟାନ୍ୟ ଆବଶ୍ୟକ ଶିକ୍ଷାଗତ ଉପକରଣ ଉପଲବ୍ଧ କରାଯାଇଛି।
ବିଦେଶ ମନ୍ତ୍ରଣାଳୟ ଅନୁଯାୟୀ ସଚିବ (ସିପିଭି ଏବଂ ଓଆଇଏ) ରାଜଦୂତ ଶ୍ରୀପ୍ରିୟା ରଙ୍ଗନାଥନ ଜେରିକୋ ମହିଳା ଚାରିଟେବଲ ସୋସାଇଟି ସ୍କୁଲରେ ପ୍ରକଳ୍ପର ଉଦଘାଟନ କରିଛନ୍ତି। ଏହି ଅବସରରେ ଜେରିକୋ ଏବଂ ଜର୍ଡାନ ଉପତ୍ୟକାର ରାଜ୍ୟପାଳ ଡ. ହୁସେନ ହମାୟେଲଙ୍କ ସମେତ ସ୍ଥାନୀୟ ଅଧିକାରୀମାନେ ଉପସ୍ଥିତ ଥିଲେ। ଉଦଘାଟନ ସମୟରେ ନୂତନ କମ୍ପ୍ୟୁଟର କକ୍ଷ ଏବଂ ଶିକ୍ଷାଗତ ସୁବିଧାଗୁଡ଼ିକର ନିରୀକ୍ଷଣ କରାଯାଇଥିଲା।
ଭାରତର ତ୍ୱରିତ ପ୍ରଭାବ ପ୍ରକଳ୍ପଗୁଡ଼ିକ ସ୍ଥାନୀୟ ସମୁଦାୟର ଆବଶ୍ୟକତା ଅନୁରୂପ ଛୋଟ ସ୍ତରର ବିକାଶ ପ୍ରକଳ୍ପଗୁଡ଼ିକୁ ସମର୍ଥନ କରେ। ପାଲେଷ୍ଟାଇନରେ ଶିକ୍ଷା, ସ୍ୱାସ୍ଥ୍ୟ, ପ୍ରଯୁକ୍ତି ଏବଂ ସାମୁଦାୟିକ ବିକାଶ କ୍ଷେତ୍ରରେ ଏପରି ପ୍ରକଳ୍ପ ମାଧ୍ୟମରେ ଭାରତ ସ୍ଥାନୀୟ ସ୍ତରରେ ପ୍ରତ୍ୟକ୍ଷ ଲାଭ ପହଂଚାଇବା ଉପରେ ଜୋର ଦେଉଛି।
---------------------
---------------
ହିନ୍ଦୁସ୍ଥାନ ସମାଚାର / ଗଗନ