ଗୌହାଟି, ଅଗଷ୍ଟ ୨୧ (ହି.ସ.)-ଆସାମର ପାଞ୍ଚଟି ଜିଲ୍ଲାର ୯୨ଟି ଗାଁର ୧୪,୭୯୯ ଜଣ ବାସିନ୍ଦା ଏବେ ବି ବନ୍ୟା ଦ୍ୱାରା ପ୍ରଭାବିତ। ନଦୀର ଜଳସ୍ତର ହ୍ରାସ ପାଇବା ସହିତ, ବନ୍ୟା ପ୍ରଭାବିତଙ୍କ ପାଇଁ ଜୀବନ ଧୀରେ ଧୀରେ ସ୍ୱାଭାବିକ ହେଉଛି। ପ୍ରଭାବିତ ଲୋକମାନେ ସେମାନଙ୍କର ଘର ଏବଂ ଚାଷକୁ ପୁନରୁଦ୍ଧାର କରିବା ପାଇଁ ସଂଘର୍ଷ କରୁଛନ୍ତି।ମୁଖ୍ୟମନ୍ତ୍ରୀ ଡକ୍ଟର ହିମନ୍ତ ବିଶ୍ୱ ଶର୍ମା ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟି ରାଜ୍ୟରେ ବନ୍ୟା ଯୋଗୁଁ ହୋଇଥିବା ଜୀବନ ଏବଂ ସମ୍ପତ୍ତିର କ୍ଷତି ଏବଂ ଜାରି ରହିଥିବା ରିଲିଫ୍ ଏବଂ ପୁନର୍ବାସ କାର୍ଯ୍ୟ ବିଷୟରେ ବିସ୍ତୃତ ସୂଚନା ପ୍ରଦାନ କରିଛନ୍ତି।ଆସାମ ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷଙ୍କ ଦ୍ୱାରା ଅଗଷ୍ଟ ୨୦ ତାରିଖ ପର୍ଯ୍ୟନ୍ତ ମିଳିଥିବା ତଥ୍ୟ ଅନୁଯାୟୀ, ସମସ୍ତ ନଦୀ ଏବେ ବିପଦ ସଙ୍କେତ ତଳେ ପ୍ରବାହିତ ହେଉଛି। ଏପର୍ଯ୍ୟନ୍ତ ୧୦୬ ଜଣଙ୍କର ମୃତ୍ୟୁ ହୋଇଛି। ଶିବସାଗର, ଚରାଇଦେଓ, ଜୋରହାଟ ଏବଂ ଗୋଲାଘାଟ ଜିଲ୍ଲା ସର୍ବାଧିକ କ୍ଷତି ସହିଛି। ରାଜ୍ୟର ୩୦୮୩ ହେକ୍ଟର କୃଷି ଜମି ବୁଡ଼ି ରହିଛି।ବର୍ତ୍ତମାନ ୨୩୮ ଜଣ ଲୋକ ରିଲିଫ୍ ଶିବିରରେ ଆଶ୍ରୟ ନେଉଛନ୍ତି। ୧,୧୬୫ ଜଣ ଶିବିର ବାହାରେ ରହୁଥିବା ବାସିନ୍ଦା ରିଲିଫ୍ ବଣ୍ଟନ କେନ୍ଦ୍ରଗୁଡ଼ିକରେ ରିଲିଫ୍ ପାଉଛନ୍ତି। ରାଜ୍ୟ ସରକାର ଗୁରୁବାର ପ୍ରଭାବିତ ଅଞ୍ଚଳକୁ ଚାରୋଟି ଡାକ୍ତରୀ ଦଳ ମୁତୟନ କରିଛନ୍ତି। ସରକାରୀ ଅଧିକାରୀମାନେ କ୍ଷୟକ୍ଷତିର ଆକଳନ କରୁଛନ୍ତି।
---------------
ହିନ୍ଦୁସ୍ଥାନ ସମାଚାର / ରଶ୍ମିତା