ଭଦ୍ରକ, ୨୬ ଅଗଷ୍ଟ (ହି.ସ.) - ଭଦ୍ରକ ଜିଲା ଧାମନଗର ବ୍ଲକ ଅଧୀନ ଭଗବାନପୁର ପଂଚାୟତ ପଳିକିରି ଗ୍ରାମର ଜଣେ ଯୁବତୀଙ୍କ ସହିତ ଅସଦାଚରଣ କରାଯାଇଥିବା ଅଭିଯୋଗ ହୋଇଛି।ଧାମନଗର ଥାନାରେ ହୋଇଥିବା ଅଭିଯୋଗ ଅନୁଯାୟୀ ଦୁଇ ଦିନ ତଳେ ପଳିକିରି ଗ୍ରାମର ପ୍ରୀତିପ୍ରଭା ଜେନା(୨୦) ତାଙ୍କ ଭାଇ ପ୍ରେମ ଶେଖର ଜେନାଙ୍କ ସହିତ ଏକ ବାଇକରେ କଲେଜରୁ ଘରକୁ ଫେରୁଥିଲେ।ପଳିକିରି ଅଂଚଳର ପାଗଳ ମାଝୀ(୨୭)ନାମକ ଜଣେ ଯୁବକ ତାଙ୍କୁ ରାସ୍ତାରେ ଅଟକାଇବା ସହ ତାଙ୍କୁ ଏବଂ ତାଙ୍କ ଭାଇଙ୍କୁ ଗାଳିଗୁଲଜ କରିଥିଲେ।ଅଭିଯୁକ୍ତ ପାଗଳ ତାଙ୍କୁ ରାସ୍ତାରୁ ଉଠାଇ ନେବାକୁ ଧମକ ଦେଇଥିଲେ।ନିକଟରେ ଥିବା ସୁବାସିନୀ ଜେନା ଘଟଣାର ପ୍ରତିବାଦ କରିବାରୁ ପାଗଳ ମାଝୀ ତାଙ୍କୁ ମଧ୍ୟ ଗାଳିଗୁଲଜ କରିଥିଲେ ଏବଂ ଏକ ମଟର ସାଇକେଲରେ ଉଦେଶ୍ୟମୂଳକ ଭାବେ ଧକ୍କା ଦେଇଥିଲେ।ଯେଉଁଥିରେ ସୁବାସିନୀ ଆହତ ହୋଇ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି ହୋଇଛନ୍ତି।ଏନେଇ ଧାମନଗର ଥାନାରେ କେସ ନଂ-୩୫୭/୨୬ରୁଜୁ ହୋଇଥିବା ଜଣାପଡିଛି।

ହିନ୍ଦୁସ୍ଥାନ ସମାଚାର / ପ୍ରମୋଦ କୁମାର ରାୟ