ନୂଆଦିଲ୍ଲୀ, ୨୯ ଅଗଷ୍ଟ (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଦିନ ଜାତୀୟ କ୍ରୀଡ଼ା ଦିବସ' ଅବସରରେ ସମସ୍ତ କ୍ରୀଡ଼ା ପ୍ରେମୀଙ୍କୁ ହାର୍ଦ୍ଦିକ ଶୁଭେଚ୍ଛା ଜଣାଇଛନ୍ତି । ଖେଳାଳିମାନଙ୍କ ସମର୍ପଣ, ଉତ୍ସାହ ଏବଂ ଦୃଢ଼ ସଂକଳ୍ପ ସମଗ୍ର ଦେଶକୁ ଗର୍ବିତ କରେ', ପ୍ରଧାନମନ୍ତ୍ରୀ ମୋଦୀ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ କହିଛନ୍ତି । ଆମେ କିମ୍ବଦନ୍ତୀ ମେଜର ଧ୍ୟାନଚାନ୍ଦ ଜୀଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରୁଛୁ, ଯାହାଙ୍କ ପ୍ରତିଭା ପିଢ଼ି ପରେ ପିଢ଼ି ଅନୁପ୍ରାଣିତ କରିବ ।

ଉଲ୍ଲେଖନୀୟ କଥା ହେଉଛି, ଏହି ଦିନ ମେଜର ଧ୍ୟାନଚାନ୍ଦଙ୍କ ଜନ୍ମଦିନ (ଅଗଷ୍ଟ ୨୯,୧୯୦୫) ଉପଲକ୍ଷେ ପାଳନ କରାଯାଇଥାଏ । ସେ ଭାରତକୁ ୧୯୨୮, ୧୯୩୨ ଏବଂ ୧୯୩୬ର ଅଲମ୍ପିକ୍ ଗେମ୍ସରେ ସ୍ୱର୍ଣ୍ଣ ପଦକ ଜିତାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ ।

କେନ୍ଦ୍ର ସରକାର ୨୦୧୨ ରେ ପ୍ରଥମ ଥର ପାଇଁ ଏହି ଦିନକୁ ଆନୁଷ୍ଠାନିକ ଭାବରେ କ୍ରୀଡ଼ା ଦିବସ ଭାବରେ ଘୋଷଣା କରିଥିଲେ । ଏହି ଦିନ ସାରା ଦେଶରେ କ୍ରୀଡ଼ା ଏବଂ ଶାରୀରିକ ସୁସ୍ଥତା ପ୍ରତି ସଚେତନତା ବୃଦ୍ଧି କରାଯାଇଥାଏ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ