ନବସାରୀ, ୨୯ ଅଗଷ୍ଟ (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ୮ ସେପ୍େଟମ୍ବର ୨୦୨୬, ମଙ୍ଗଳବାର ଦିନ ଗୁଜରାଟର ନବସାରୀ ଜିଲ୍ଲା ଗସ୍ତରେ ଆସିବେ। ପ୍ରଧାନମନ୍ତ୍ରୀ ଅପରାହ୍ନ ୨ଟାରେ ଗ୍ରିଡ୍ ରାଜପଥ ସ୍ଥିତ ନବନିର୍ମିତ ଭାରତୀୟ ଜନତା ପାର୍ଟି (ବିଜେପି) କାର୍ଯ୍ୟାଳୟ ‘କମଲମ’ର ଲୋକାର୍ପଣ କରିବେ।
ପ୍ରଧାନମନ୍ତ୍ରୀଙ୍କ ପ୍ରସ୍ତାବିତ ଗସ୍ତର ପ୍ରସ୍ତୁତିକୁ ନେଇ କେନ୍ଦ୍ରୀୟ ଜଳ ଶକ୍ତି ମନ୍ତ୍ରୀ ସି.ଆ.ର୍ର ପାଟିଲଙ୍କ ବିଶେଷ ଉପସ୍ଥିତି ଏବଂ ଅଧ୍ୟକ୍ଷତାରେ ଉଚ୍ଚସ୍ତରୀୟ ସମୀକ୍ଷା ବୈଠକ ଆୟୋଜିତ ହୋଇଥିଲା। ଏଥିରେ ପ୍ରଧାନମନ୍ତ୍ରୀଙ୍କ ଗସ୍ତକୁ ନେଇ କରାଯାଉଥିବା ପ୍ରସ୍ତୁତିର ବିସ୍ତୃତ ସମୀକ୍ଷା କରାଯାଇଥିଲା।
ବୈଠକରେ ଜିଲ୍ଲା ପ୍ରଶାସନ ଏବଂ ପୁଲିସ ଅଧିକାରୀଙ୍କ ସହ ସୁରକ୍ଷା ବ୍ୟବସ୍ଥା, ରାଜପଥର ସ୍ୱଚ୍ଛତା, ସଭାସ୍ଥଳ, ପାର୍କିଂ ବ୍ୟବସ୍ଥା ତଥା କାର୍ଯ୍ୟକ୍ରମ ସ୍ଥଳର ପ୍ରସ୍ତୁତିକୁ ନେଇ ବିସ୍ତୃତ ଆଲୋଚନା କରାଯାଇଥିଲା। ପ୍ରଧାନମନ୍ତ୍ରୀଙ୍କ ଗସ୍ତ ସମୟରେ ‘ସ୍ୱଚ୍ଛତା ହିଁ ସେବା’ ଏବଂ ‘ଜଳ ସଂଚୟ’ ସହ ଜଡ଼ିତ ଜନକଲ୍ୟାଣକାରୀ କାର୍ଯ୍ୟକ୍ରମ ଉପରେ ମଧ୍ୟ ବିଶେଷ ଜୋର ଦିଆଯିବ। କେନ୍ଦ୍ରୀୟ ମନ୍ତ୍ରୀ ସି.ଆ.ର୍ ର ପାଟିଲ ପ୍ରଧାନମନ୍ତ୍ରୀଙ୍କ ଭବ୍ୟ ସ୍ୱାଗତ ସମେତ ସମଗ୍ର ଲୋକାର୍ପଣ କାର୍ଯ୍ୟକ୍ରମକୁ ସୁବ୍ୟବସ୍ଥିତ ଏବଂ ସଫଳତାର ସହ ସମ୍ପନ୍ନ କରାଇବା ପାଇଁ ଅଧିକାରୀମାନଙ୍କୁ ଆବଶ୍ୟକ ଦିଗନିର୍ଦ୍ଦେଶ ଦେଇଥିଲେ।
ବୈଠକରେ ଅର୍ଥମନ୍ତ୍ରୀ ଏବଂ ପ୍ରଭାରୀ ମନ୍ତ୍ରୀ କନୁଭାଇ ଦେସାଇ, ଆଦିବାସୀ ବିକାଶ ତଥା ଖଦି-ଗ୍ରାମୋଦ୍ୟୋଗ ମନ୍ତ୍ରୀ ନରେଶଭାଇ ପଟେଲ, ବିଧାୟକ ରାକେଶଭାଇ ଦେସାଇ ଏବଂ ସଙ୍ଗୀତା ପାଟିଲ, ସଂଗଠନ ଅଧ୍ୟକ୍ଷ ଭୂରାଭାଇ, ଜିଲ୍ଲା କଲେକ୍ଟର ମନୀଷ ଗୁରୱାନୀ, ଜିଲ୍ଲା ବିକାଶ ଅଧିକାରୀ କାର୍ତିକ ଜୀବାଣୀ, ପୁଲିସ ଅଧୀକ୍ଷକ ରାହୁଲ ପଟେଲଙ୍କ ସମେତ ବିଭିନ୍ନ ବିଭାଗର ବରିଷ୍ଠ ଅଧିକାରୀ ଉପସ୍ଥିତ ଥିଲେ।
---------------
---------------
ହିନ୍ଦୁସ୍ଥାନ ସମାଚାର / ଗଗନ