ନୂଆଦିଲ୍ଲୀ, ଅଗଷ୍ଟ ୫ (ହି.ସ.) - କ୍ୟାବିନେଟ ସଚିବ ଡକ୍ଟର ଟି. ଭି. ସୋମନାଥନ ଏବଂ ଗୃହ ସଚିବ ଗୋବିନ୍ଦ ମୋହନଙ୍କୁ ଏକ ବର୍ଷର ସମ୍ପ୍ରସାରଣ ଦିଆଯାଇଛି। ମନ୍ତ୍ରିମଣ୍ଡଳର ନିଯୁକ୍ତି କମିଟି ଚାକିରିର ସମ୍ପ୍ରସାରଣକୁ ଅନୁମୋଦନ କରିଛି। ବୁଧବାର ଦିନ ପୃଥକ ନିର୍ଦ୍ଦେଶରେ ଏହା ସୂଚନା ଦିଆଯାଇଥିଲା।
କ୍ୟାବିନେଟ ସଚିବ ଟି. ଭି. ସୋମନାଥନ ଆସନ୍ତା ବର୍ଷ ଅଗଷ୍ଟ ୩୦ ପର୍ଯ୍ୟନ୍ତ ଏବଂ କେନ୍ଦ୍ର ଗୃହ ସଚିବ ଗୋବିନ୍ଦ ମୋହନ ଆସନ୍ତା ବର୍ଷ ଅଗଷ୍ଟ ୨୨ ପର୍ଯ୍ୟନ୍ତ ତାଙ୍କ ପଦବୀରେ ରହିବେ। ଅର୍ଥଶାସ୍ତ୍ରରେ ପିଏଚଡି କରିଥିବା ପୂର୍ବତନ ଅର୍ଥ ସଚିବ ସୋମନାଥନ୍ ୩୦ ଅଗଷ୍ଟ ୨୦୨୪ ରେ ଦୁଇ ବର୍ଷର ପ୍ରାରମ୍ଭିକ କାର୍ଯ୍ୟକାଳ ପାଇଁ କାର୍ଯ୍ୟଭାର ଗ୍ରହଣ କରିଥିଲେ। ସିକିମ୍ କ୍ୟାଡରର ୧୯୮୯ ବ୍ୟାଚ୍ ଆଇ. ଏ. ଏସ୍. ଅଧିକାରୀ ଗୋବିନ୍ଦ ମୋହନ ସଂସ୍କୃତି ସଚିବ ଭାବେ କାର୍ଯ୍ୟ କରିବା ପରେ ଅଗଷ୍ଟ ୨୦୨୪ରେ ଦାୟିତ୍ୱ ଗ୍ରହଣ କରିଥିଲେ। ତାଙ୍କର ପ୍ରାରମ୍ଭିକ ଅବସର ତାରିଖ ପରେ ଏହା ହେଉଛି ଦ୍ୱିତୀୟ କାର୍ଯ୍ୟକାଳ ସମ୍ପ୍ରସାରଣ।
ଉଲ୍ଲେଖନୀୟ କଥା ହେଉଛି, ଡକ୍ଟର ଟି. ଭି. ସୋମନାଥନ୍ ୧୯୮୭ ବ୍ୟାଚ୍ ତାମିଲନାଡ଼ୁ କ୍ୟାଡରର ଜଣେ ଆଇଏଏସ୍ ଅଧିକାରୀ। ସେ ଅର୍ଥଶାସ୍ତ୍ରରେ ପିଏଚଡି, ଚାର୍ଟାର୍ଡ ଆକାଉଟାଂଟ, କଷ୍ଟ ଆକାଉଟାଂଟ ଏବଂ କମ୍ପାନୀ ସେକ୍ରେଟାରୀ ଅଟନ୍ତି। ସେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ, ଅର୍ଥ ମନ୍ତ୍ରଣାଳୟ, ବିଶ୍ୱ ବ୍ୟାଙ୍କ ଏବଂ ତାମିଲନାଡ଼ୁ ସରକାରରେ ଅନେକ ଗୁରୁତ୍ୱପୂର୍ଣ୍ଣ ପଦବୀରେ କାର୍ଯ୍ୟ କରିଛନ୍ତି। ସେ ଅର୍ଥନୀତି ଏବଂ ସାର୍ବଜନୀନ ନୀତି ଉପରେ ତିନୋଟି ପୁସ୍ତକ ଏବଂ ୮୦ ରୁ ଅଧିକ ଗବେଷଣା ନିବନ୍ଧ ପ୍ରକାଶ କରିଛନ୍ତି।
ହିନ୍ଦୁସ୍ଥାନ ସମାଚାର / ଭାନୁ ଚରଣ