ନୂଆଦିଲ୍ଲୀ, ଅଗଷ୍ଟ 5 (ହି.ସ) : ତେଲେଙ୍ଗାନା ମୁଖ୍ୟମନ୍ତ୍ରୀ ଏ ରେଭନ୍ତ ରେଡ୍ଡୀ ବୁଧବାର ଏଠାରେ କେନ୍ଦ୍ର ଜଳ ଶକ୍ତି ମନ୍ତ୍ରୀ ସି. ଆର. ପାଟିଲଙ୍କୁ ଭେଟିଛନ୍ତି। ତୁମ୍ମିଡିହାଟ୍ଟି ବ୍ୟାରେଜର ପ୍ରସ୍ତାବିତ ଉଚ୍ଚତାକୁ ନେଇ ମହାରାଷ୍ଟ୍ର ଏବଂ ତେଲେଙ୍ଗାନା ମଧ୍ୟରେ ଦୀର୍ଘ ଦିନ ଧରି ଚାଲିଥିବା ବିବାଦର ସମାଧାନ ପାଇଁ ସେ କେନ୍ଦ୍ର ସରକାରଙ୍କ ହସ୍ତକ୍ଷେପ ଲୋଡିଥିଲେ। 150 ମିଟର ପର୍ଯ୍ୟନ୍ତ ବ୍ୟାରେଜର ଉଚ୍ଚତା ଅନୁମୋଦନ କରିବାକୁ ସେ ମହାରାଷ୍ଟ୍ର ସରକାରଙ୍କୁ ଅନୁରୋଧ କରିଥିଲେ।

ସୂତ୍ରରୁ ପ୍ରକାଶ ଯେ ତେଲେଙ୍ଗାନା ଜଳସେଚନ ମନ୍ତ୍ରୀ ଏନ୍ ଉତ୍ତମ କୁମାର ରେଡ୍ଡୀ ଏବଂ ରାଜ୍ୟର ଅନେକ ସାଂସଦ ମଧ୍ୟ ଏହି ବୈଠକରେ ଉପସ୍ଥିତ ଥିଲେ। ଏହି ବୈଠକରେ ମୁଖ୍ୟମନ୍ତ୍ରୀ କେନ୍ଦ୍ର ମନ୍ତ୍ରୀଙ୍କୁ କହିଥିଲେ ଯେ ତେଲେଙ୍ଗାନା ସରକାର 150 ମିଟର ଉଚ୍ଚତାରେ ତୁମ୍ମିଡିହାଟ୍ଟି ବ୍ୟାରେଜ ନିର୍ମାଣ କରିବାକୁ ଚାହୁଁଥିବାବେଳେ ମହାରାଷ୍ଟ୍ର ସରକାର 148 ମିଟର ଉଚ୍ଚତା ପାଇଁ ରାଜି ହୋଇଛନ୍ତି। ସେ କହିଥିଲେ ଯେ ଏହି ମତ ପାର୍ଥକ୍ୟ କାରଣରୁ ପ୍ରକଳ୍ପ ଆଗକୁ ବଢ଼ୁନାହିଁ।

ରେଡ୍ଡୀ ଜଳ ଶକ୍ତି ମନ୍ତ୍ରୀଙ୍କୁ ଅନୁରୋଧ କରିଛନ୍ତି ଯେ ବିବାଦର ଶୀଘ୍ର ସମାଧାନ ପାଇଁ ଦୁଇ ରାଜ୍ୟ ମଧ୍ୟରେ ସମନ୍ୱୟ ରକ୍ଷା କରନ୍ତୁ ଯାହା ଦ୍ୱାରା ପ୍ରକଳ୍ପ ଉପରେ କାର୍ଯ୍ୟ ଆଗକୁ ବଢ଼ିପାରିବ। ରାଜ୍ୟର ଜଳସେଚନ ଆବଶ୍ୟକତା ପାଇଁ ଏହି ପ୍ରକଳ୍ପ ଗୁରୁତ୍ୱପୂର୍ଣ୍ଣ ଏବଂ ଏହାର ବିଚାରାଧୀନତା ବିକାଶ କାର୍ଯ୍ୟକୁ ପ୍ରଭାବିତ କରୁଛି ବୋଲି ସେ କହିଛନ୍ତି।

--------

ହିନ୍ଦୁସ୍ଥାନ ସମାଚାର / ସ୍ୱାଗତିକା