ନୂଆଦିଲ୍ଲୀ, ୦୬ ଅଗଷ୍ଟ (ହି.ସ.)- କଂଗ୍ରେସ ଝାଡଖଣ୍ଡରେ ଜେପିଏସସି ଏବଂ ଜେଏସଏସସି ପରୀକ୍ଷାରେ କଥିତ ଅନିୟମିତତାକୁ ନେଇ ପ୍ରଦର୍ଶନ କରୁଥିବା ଛାତ୍ରମାନଙ୍କ ସମର୍ଥନର ଘୋଷଣା କରିଛି। ପାର୍ଟିର ଝାଡଖଣ୍ଡ ପ୍ରଭାରୀ କେ ରାଜୁ କହିଛନ୍ତି ଯେ କଂଗ୍ରେସ ନ୍ୟାୟର ଦାବି କରୁଥିବା ଛାତ୍ରମାନଙ୍କ ସହିତ ଦୃଢ଼ତାର ସହ ଛିଡ଼ା ହୋଇଛି ଏବଂ ସେମାନଙ୍କ ସମସ୍ୟାର ସମାଧାନ ପାଇଁ ପ୍ରୟାସ ଜାରି ରଖିବ।
ରାଜୁ ସୋସିଆଲ୍ ମିଡିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି ଯେ ଝାଡଖଣ୍ଡ ଯୁବ କଂଗ୍ରେସ ଏବଂ ଭାରତୀୟ ଜାତୀୟ ଛାତ୍ର ସଂଗଠନ (ଏନଏସୟୁଆଇ)ର ନେତାମାନେ ଏନଏସୟୁଆଇର ଜାତୀୟ ଅଧ୍ୟକ୍ଷ ତଥା ଭାରତୀୟ ଯୁବ କଂଗ୍ରେସର ଜାତୀୟ ସଚିବଙ୍କ ସହିତ ରାଂଚିରେ ଆନ୍ଦୋଳନରତ ଛାତ୍ରମାନଙ୍କ ପ୍ରତି ଏକଜୁଟତା ପ୍ରକାଶ କରିଥିଲେ। ସେ କହିଛନ୍ତି ଯେ ତାଙ୍କ ନେତୃତ୍ୱରେ କଂଗ୍ରେସର ଏକ ପ୍ରତିନିଧିମଣ୍ଡଳ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ସହିତ ସାକ୍ଷାତ କରି ତାଙ୍କୁ ସ୍ମାରକପତ୍ର ପ୍ରଦାନ କରିଥିଲା। ରାଜୁ ମୁଖ୍ୟମନ୍ତ୍ରୀଙ୍କ ଦ୍ୱାରା ଛାତ୍ରମାନଙ୍କ ଦାବି ଉପରେ ସକାରାତ୍ମକ ଏବଂ ସମ୍ବେଦନଶୀଳ ଆଭିମୁଖ୍ୟ ଗ୍ରହଣ କରି ମନ୍ତ୍ରୀସ୍ତରୀୟ ସମିତି ଗଠନ କରିବାର ନିଷ୍ପତିକୁ ସ୍ୱାଗତ କରିଛନ୍ତି। ଏହି ସମିତି ଆନ୍ଦୋଳନରତ ଛାତ୍ରମାନଙ୍କ ସହିତ ସଂଳାପ କରିବ ଏବଂ ସେମାନଙ୍କ ସମସ୍ୟାର ସମାଧାନ ପାଇଁ ଠୋସ ସୁପାରିଶ ଦେବ।
--------------------------
---------------
ହିନ୍ଦୁସ୍ଥାନ ସମାଚାର / ଗଗନ