ପ୍ରତାପଗଡ଼, ଅଗଷ୍ଟ 6 (ହି.ସ)। ଉତ୍ତର ପ୍ରଦେଶର ପ୍ରତାପଗଡ଼ ଜିଲ୍ଲାର ନଗର କୋଟୱାଲି ଅନ୍ତର୍ଗତ ମାହୁଲି ମଣ୍ଡି ନିକଟରେ ଗୁରୁବାର ଭୋର ପ୍ରାୟ 3ଟା ବେଳେ ରାତିରୁ ଲାଗିରହିଥିବା ବର୍ଷା ଯୋଗୁଁ ଏକ ଜରାଜୀର୍ଣ୍ଣ ଘରର ଛାତ ଭୁଶୁଡ଼ି ପଡ଼ିଛି। ଏହି ଦୁର୍ଘଟଣାରେ ଗୋଟିଏ ପରିବାରର 6 ଜଣ ସଦସ୍ୟଙ୍କ ମୃତ୍ୟୁ ଘଟିଛି।

ଖବର ପାଇ ପୋଲିସ ଓ ଜିଲ୍ଲା ପ୍ରଶାସନ ଅଧିକାରୀମାନେ ଘଟଣା ସ୍ଥଳରେ ପହଞ୍ଚିଥିଲେ। ଦୁଇ ଘଣ୍ଟାରୁ ଅଧିକ ସମୟ ଧରି ଉଦ୍ଧାର କାର୍ଯ୍ୟ ପରେ, ଛଅ ଜଣଙ୍କୁ ଭଗ୍ନାବଶେଷରୁ ବାହାର କରି ଜିଲ୍ଲା ଡାକ୍ତରଖାନାକୁ ନିଆଯାଇଥିଲା। ଡାକ୍ତରମାନେ ସେମାନଙ୍କୁ ମୃତ ଘୋଷଣା କରିଥିଲେ। ପରିବାରର କେବଳ ଜଣେ ସଦସ୍ୟ ଦୁର୍ଘଟଣାରୁ ବଞ୍ଚିଥିଲେ।

ସର୍କଲ ଅଫିସର (ସିଟି) ଆଶୁତୋଷ ମିଶ୍ର କହିଛନ୍ତି ଯେ ପ୍ରମୋଦ ଶ୍ରୀବାସ୍ତବ (60), ତାଙ୍କ ପତ୍ନୀ ରୀତା ଶ୍ରୀବାସ୍ତବ (55), ପୁଅ ନିତିନ (25), ମାଧୁରୀ (23), ମାଧବ (2) ଏବଂ ଚାରି ମାସର ଏକ ଶିଶୁର ଦୁର୍ଘଟଣାରେ ମୃତ୍ୟୁ ଘଟିଛି। ଏହି ଘଟଣାରେ ପରିବାର ଲୋକେ ଅକ୍ଷତ ଅବସ୍ଥାରେ ରକ୍ଷା ପାଇଯାଇଥିଲେ। ଏହି ଘରଟି ପାଖାପାଖି 100 ବର୍ଷ ପୁରୁଣା ବୋଲି କୁହାଯାଉଛି।

ହିନ୍ଦୁସ୍ଥାନ ସମାଚାର / ସ୍ୱାଗତିକା