କାଠମାଣ୍ଡୁ, ୦୬ ଅଗଷ୍ଟ (ହି.ସ.)- ଭାରତୀୟ ସ୍ତଳସେନା ପ୍ରମୁଖ ଜେନେରାଲ ଧୀରଜ ସେଠ ୧୬ ଅଗଷ୍ଟରୁ ନେପାଳର ପାଂଚ ଦିନିଆ ଆଧିକାରିକ ଯାତ୍ରାରେ କାଠମାଣ୍ଡୁ ପହଂଚିବେ। ଏହା ଦୌରା ନେପାଳୀ ସେନାର ପ୍ରମୁଖ ଜେନେରାଲ ଅଶୋକ ସିଗ୍ଦେଲଙ୍କ ଔପଚାରିକ ନିମନ୍ତ୍ରଣରେ ହେଉଛି। ଏହି ଯାତ୍ରାକୁ ଭାରତ ଏବଂ ନେପାଳ ମଧ୍ୟରେ ଦୀର୍ଘ ସମୟ ଧରି ଚାଲିଆସୁଥିବା ସାମରିକ ସହଯୋଗ ତଥା ପ୍ରତିରକ୍ଷା ସମ୍ପର୍କକୁ ଆହୁରି ସୁଦୃଢ଼ କରିବା ଦିଗରେ ଗୁରୁତ୍ୱପୂର୍ଣ୍ଣ ବୋଲି ମନେ କରାଯାଉଛି।
ଯାତ୍ରା ସମୟରେ ଜେନେରାଲ ଧୀରଜ ସେଠଙ୍କୁ ନେପାଳୀ ସେନା ପକ୍ଷରୁ ମାନାର୍ଥ ମହାରଥୀ'ର ପ୍ରତିଷ୍ଠିତ ଉପାଧି ପ୍ରଦାନ କରାଯିବ। ଏହି ସମ୍ମାନ ଭାରତ ଏବଂ ନେପାଳର ସେନାମାନଙ୍କ ମଧ୍ୟରେ ପାରମ୍ପରିକ ମିତ୍ରତା, ପାରସ୍ପରିକ ବିଶ୍ୱାସ ଏବଂ ପ୍ରତିରକ୍ଷା ସହଯୋଗର ପ୍ରତୀକ ବୋଲି ମନେ କରାଯାଏ। ରାଷ୍ଟ୍ରପତି ଭବନ ଶୀତଳ ନିବାସ'ରେ ୧୭ ଅଗଷ୍ଟରେ ଏକ ବିଶେଷ ସମାରୋହରେ ନେପାଳର ରାଷ୍ଟ୍ରପତି ରାମଚନ୍ଦ୍ର ପୌଡେଲ ଭାରତୀୟ ସ୍ତଳସେନା ପ୍ରମୁଖଙ୍କୁ ଏହି ଉପାଧି ରେ ଅଲଙ୍କୃତ କରିବେ। ଏହି ଅବସରରେ ନେପାଳ ସରକାର, ନେପାଳୀ ସେନା ଏବଂ ଭାରତର ବରିଷ୍ଠ ସାମରିକ ଏବଂ କୂଟନୈତିକ ଅଧିକାରୀମାନେ ମଧ୍ୟ ଉପସ୍ଥିତ ରହିବେ।
ଭାରତ ଏବଂ ନେପାଳ ମଧ୍ୟରେ ଦଶକ ପୁରୁଣା ପରମ୍ପରା ଅନୁଯାୟୀ ଉଭୟ ଦେଶର ସେନା ପ୍ରମୁଖମାନଙ୍କୁ ପରସ୍ପରଙ୍କ ସେନାର ମାନଦ ଜେନେରାଲ ଉପାଧିରେ ସମ୍ମାନିତ କରାଯାଏ। ଏହି ପରମ୍ପରାର ଆରମ୍ଭ ବର୍ଷ ୧୯୫୦ ଦଶକରେ ହୋଇଥିଲା ଏବଂ ଏହାକୁ ଉଭୟ ଦେଶର ବିଶେଷ ପ୍ରତିରକ୍ଷା ସମ୍ପର୍କର ପ୍ରତୀକ ବୋଲି ମନେ କରାଯାଏ।
ନେପାଳ ପ୍ରବାସ ସମୟରେ ଜେନେରାଲ ଧୀରଜ ସେଠ ନେପାଳୀ ସେନାର ବରିଷ୍ଠ ଅଧିକାରୀମାନଙ୍କ ସହ ଦ୍ୱିପକ୍ଷୀୟ ବୈଠକ ମଧ୍ୟ କରିବେ। ଏହି ବୈଠକଗୁଡ଼ିକରେ ସୀମା ସୁରକ୍ଷା, ସାମରିକ ପ୍ରଶିକ୍ଷଣ, ଯୁକ୍ତ ଅଭ୍ୟାସ, ବିପର୍ଯ୍ୟୟ ପରିଚାଳନା, କ୍ଷମତା ନିର୍ମାଣ ତଥା ପ୍ରତିରକ୍ଷା ସହଯୋଗକୁ ଆହୁରି ସୁଦୃଢ଼ କରିବା ଭଳି ବିଷୟଗୁଡ଼ିକ ଉପରେ ଆଲୋଚନା ହେବାର ସମ୍ଭାବନା ରହିଛି।
---------------------------
---------------
ହିନ୍ଦୁସ୍ଥାନ ସମାଚାର / ଗଗନ