ନୂଆଦିଲ୍ଲୀ, ୧୪ ସେପ୍ଟେମ୍ବର (ହି.ସ.)- ଭାରତୀୟ ଜନତା ପାର୍ଟି (ବିଜେପି) ର ରାଷ୍ଟ୍ରୀୟ ଅଧ୍ୟକ୍ଷ ନିତିନ ନବୀନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମଦିନରେ ଆଶୀର୍ବାଦର ଦୀପ' ଜଳାଇବାକୁ ଦେଶବାସୀଙ୍କୁ ନିବେଦନ କରିଛନ୍ତି । ସେ କହିଥିଲେ ଯେ, ପ୍ରଧାନମନ୍ତ୍ରୀଙ୍କ ମୂଳ ଲକ୍ଷ୍ୟ ହେଉଛି ଜନ ସେବା ସେ ଦେଶ ସେବା 'ଏବଂ ଗତ ୨୫ ବର୍ଷ ମଧ୍ୟରେ ସେ ଏହି ସଂକଳ୍ପ ସହିତ ଦେଶର ସେବା କରିଛନ୍ତି ।

ସୋମବାର ଜାରି ହୋଇଥିବା ଏକ ଭିଡିଓ ବାର୍ତାରେ ନୀତିନ ନବୀନ କହିଛନ୍ତି ଯେ, ଯେତେବେଳେ ମୋଦି ଦେଶର ନେତୃତ୍ୱ ନେଇଥିଲେ, ସେତେବେଳେ ଦେଶ ସମ୍ମୁଖରେ ଅନେକ ଆହ୍ୱାନ ଥିଲା । ସେ ନୂତନ ନୀତି ଏବଂ ଯୋଜନା ମାଧ୍ୟମରେ ସାଧାରଣ ଲୋକଙ୍କ ଜୀବନରେ ପରିବର୍ତନ ଆଣିବା ପାଇଁ କାର୍ଯ୍ୟ କରିଥିଲେ । ଏପରିକି କୋରୋନା ମହାମାରୀ ସମୟରେ ମଧ୍ୟ ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଦେଶ ଏହି ସଙ୍କଟକୁ ଏକ ସୁଯୋଗରେ ପରିଣତ କରିବାକୁ ଚେଷ୍ଟା କରିଥିଲା ଏବଂ ଟୀକା ବିକଶିତ କରି ଏକ ଆତ୍ମନିର୍ଭରଶୀଳ ଭାରତ ଦିଗରେ ନିଜର ସାମର୍ଥ୍ୟ ପ୍ରଦର୍ଶନ କରିଥିଲା ।

ସେ କହିଥିଲେ ଯେ, ମୋଦୀ ସରକାର ଯୁବପିଢ଼ି ଏବଂ ମହିଳାମାନଙ୍କୁ ଆତ୍ମନିର୍ଭରଶୀଳ କରିବା ପାଇଁ ଅନେକ ପଦକ୍ଷେପ ନେଇଛନ୍ତି । ଯୁବକମାନେ ଷ୍ଟାର୍ଟଅପ୍ ମାଧ୍ୟମରେ ନୂତନ ସୁଯୋଗ ପାଇଥିବା ବେଳେ ଶୌଚାଳୟ ନିର୍ମାଣ ଏବଂ ଲକ୍ଷପତି ଦିଦି ଭଳି ଯୋଜନା ମାଧ୍ୟମରେ ମହିଳାମାନଙ୍କ ସମ୍ମାନ ଏବଂ ଆର୍ôଥକ ସଶକ୍ତିକରଣ ଉପରେ ଗୁରୁତ୍ୱ ଦିଆଯାଇଥିଲା ।

ବିଜେପି ଅଧ୍ୟକ୍ଷ କହିଛନ୍ତି ଯେ, ଦେଶର ସୁରକ୍ଷା କ୍ଷେତ୍ରରେ ମଧ୍ୟ ଏକ ବଡ଼ ପରିବର୍ତନ ଆସିଛି । ନକ୍ସଲବାଦର ପ୍ରଭାବ ବ୍ୟାପକ ଭାବେ ସମାପ୍ତ ହୋଇଛି ଏବଂ ସରକାର ମଧ୍ୟ ଆତଙ୍କବାଦ ବିରୋଧରେ କଠୋର ଆଭିମୁଖ୍ୟ ଗ୍ରହଣ କରିଛନ୍ତି । ସେ କହିଥିଲେ ଯେ, ଆଜି ଦେଶ ନିଜର ସୀମାର ସୁରକ୍ଷାକୁ ନେଇ ପୂର୍ବାପେକ୍ଷା ଅଧିକ ସୁଦୃଢ଼ ସ୍ଥିତିରେ ରହିଛି ।

ନୀତିନ ନବୀନ କହିଥିଲେ ଯେ, ଦେଶ ବିକଶିତ ଭାରତ ଅ ୨୦୪୭ 'ର ସଂକଳ୍ପ ନେଇ ଆଗକୁ ବଢ଼ୁଛି । ପ୍ରଧାନମନ୍ତ୍ରୀଙ୍କ ଜନ୍ମଦିନ ସେପ୍ଟେମ୍ବର ୧୭ ତାରିଖ ସନ୍ଧ୍ୟା ୬ଟାରୁ ୭ଟା ମଧ୍ୟରେ ନିଜ ଘରେ ଆଶୀର୍ବାଦର ଦୀପ' ଜଳାଇବାକୁ ସେ ଜନସାଧାରଣଙ୍କୁ ନିବେଦନ କରିଥିଲେ ଏବଂ ତାଙ୍କର ଦୀର୍ଘ ଓ ସୁସ୍ଥ ଜୀବନ କାମନା କରିଥିଲେ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ