ନୂଆଦିଲ୍ଲୀ, ୨୩ ସେପ୍ଟେମ୍ବର (ହି.ସ.)। ଭାରତୀୟ ଜନତା ପାର୍ଟି (ବିଜେପି) ନବନିଯୁକ୍ତ ଜାତୀୟ ମହାସଚିବ ସ୍ମୃତି ଇରାନୀଙ୍କୁ ହରିୟାଣା ଏବଂ ଦାଦ୍ରା ନଗର ହାଭେଲୀର ପ୍ରଭାରୀ, ବିନୋଦ ତାୱଡେଙ୍କୁ ଉତ୍ତରପ୍ରଦେଶ, ସତୀଶ ପୁନିଆଙ୍କୁ ପଞ୍ଜାବ ଓ ଜମ୍ମୁ-କଶ୍ମୀର ଏବଂ ବିପ୍ଲବ ଦେବଙ୍କୁ ମଧ୍ୟପ୍ରଦେଶର ପ୍ରଭାରୀ ନିଯୁକ୍ତ କରିଛି। ଅଗଷ୍ଟରେ ଜାତୀୟ ପଦାଧିକାରୀଙ୍କ ନିଯୁକ୍ତିର ଏକ ମାସ ପରେ ବୁଧବାର ଦଳ ପକ୍ଷରୁ ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ପାଇଁ ନୂତନ ପ୍ରଭାରୀ ଓ ସହପ୍ରଭାରୀଙ୍କ ଘୋଷଣା କରାଯାଇଛି। ବିଜେପି ଅଧ୍ୟକ୍ଷ ନିତିନ ନବୀନଙ୍କ ଅନୁମୋଦନ ପରେ ଏହି ନିଯୁକ୍ତିଗୁଡ଼ିକ ତତ୍କାଳ ପ୍ରଭାବରେ ଲାଗୁ ହୋଇଛି।
ଦଳର ଜାତୀୟ ମୁଖ୍ୟାଳୟ ପ୍ରଭାରୀ ତଥା ରାଜ୍ୟସଭା ସାଂସଦ ତରୁଣ ଚୁଘ ଏଠାରେ ଏକ ବିଜ୍ଞପ୍ତି ମାଧ୍ୟମରେ ନୂତନ ତାଲିକା ଜାରି କରିଛନ୍ତି। ତାଲିକା ଅନୁଯାୟୀ, ଦିଲ୍ଲୀର ପ୍ରଭାରୀ ଭାବେ ବିନୟ ସହସ୍ରବୁଦ୍ଧେଙ୍କୁ ନିଯୁକ୍ତ କରାଯାଇଥିବାବେଳେ ଜାମୟାଙ୍ଗ ତ୍ସେରିଙ୍ଗ ନାମଗ୍ୟାଲ ଓ ଦର୍ଶନା ବେନ୍ ଜରଦୋଶଙ୍କୁ ସହପ୍ରଭାରୀ କରାଯାଇଛି। ଗୁଜରାଟର ପ୍ରଭାରୀ ଭାବେ ତରୁଣ ଚୁଘ ଏବଂ ସହପ୍ରଭାରୀ ଭାବେ ଅଜୟ ମହାୱର ଓ ଗୋମତୀ ସାଇଙ୍କୁ ଦାୟିତ୍ୱ ଦିଆଯାଇଛି।
ହରିୟାଣାରେ ସ୍ମୃତି ଇରାନୀଙ୍କୁ ପ୍ରଭାରୀ ଏବଂ ଭୋଲା ସିଂହଙ୍କୁ ସହପ୍ରଭାରୀ କରାଯାଇଛି। ଛତିଶଗଡ଼ରେ ମଧ୍ୟ ସ୍ମୃତି ଇରାନୀଙ୍କୁ ପ୍ରଭାରୀ ଏବଂ ସିଦ୍ଧାର୍ଥ ଶମ୍ଭୁଙ୍କୁ ସହପ୍ରଭାରୀ ଦାୟିତ୍ୱ ଦିଆଯାଇଛି। ଉତ୍ତରପ୍ରଦେଶର ପ୍ରଭାରୀ ବିନୋଦ ତାୱଡେ ହୋଇଥିବାବେଳେ ଜଗଦୀଶ ପଟେଲ, ମେଧା କୁଲକର୍ଣ୍ଣୀ, ପ୍ରଦୀପ ବର୍ମା ଓ ଅନନ୍ତ ଓଝାଙ୍କୁ ସହପ୍ରଭାରୀ ନିଯୁକ୍ତ କରାଯାଇଛି।
ମହାରାଷ୍ଟ୍ରର ପ୍ରଭାରୀ ଭାବେ ବୈଜୟନ୍ତ ଜୟ ପଣ୍ଡାଙ୍କୁ ଏବଂ ସହପ୍ରଭାରୀ ଭାବେ ଅମିତ ମାଲବୀୟ, ସଦାନନ୍ଦ ଶେଟ୍ ତାନାୱଡେ ଓ କମଲଜିତ ସହରାୱତଙ୍କୁ ନିଯୁକ୍ତ କରାଯାଇଛି। ରାଜସ୍ଥାନର ପ୍ରଭାରୀ ସଞ୍ଜୟ ଭାଟିଆ ହୋଇଥିବାବେଳେ କବିତା ପାଟିଦାର ଓ କୁଲଜିତ ଚହଲଙ୍କୁ ସହପ୍ରଭାରୀ କରାଯାଇଛି।
କର୍ଣ୍ଣାଟକର ପ୍ରଭାରୀ ଭାବେ ହରିଶ ଦ୍ୱିବେଦୀ, କେରଳର ପ୍ରଭାରୀ ଭାବେ ପ୍ରଫେସର ଏମ୍. ନାଗରାଜ, ମଧ୍ୟପ୍ରଦେଶର ପ୍ରଭାରୀ ଭାବେ ବିପ୍ଲବ କୁମାର ଦେବ, ଓଡ଼ିଶାର ପ୍ରଭାରୀ ଭାବେ ଡି. ପୁରନ୍ଦେଶ୍ୱରୀ, ସହ ପ୍ରଭାରୀ ଭାବେ ସ୍ୱଦେଶ ସିଂହ ପଞ୍ଜାବ ଓ ଜମ୍ମୁ-କଶ୍ମୀରର ପ୍ରଭାରୀ ଭାବେ ଡ. ସତୀଶ ପୁନିଆ ଏବଂ ପଶ୍ଚିମବଙ୍ଗ ଓ ତେଲଙ୍ଗାନାର ପ୍ରଭାରୀ ଭାବେ ସୁନୀଲ ବଂସଲଙ୍କୁ ନିଯୁକ୍ତ କରାଯାଇଛି। ଜମ୍ମୁ-କଶ୍ମୀରର ସହପ୍ରଭାରୀ ଭାବେ ରୀନା କଶ୍ୟପଙ୍କୁ ଦାୟିତ୍ୱ ଦିଆଯାଇଛି।
ଆନ୍ଧ୍ରପ୍ରଦେଶର ପ୍ରଭାରୀ ଭାବେ ଅରବିନ୍ଦ ଭଦୌରିଆ ଏବଂ ସହପ୍ରଭାରୀ ଭାବେ ବନଥୀ ଶ୍ରୀନିବାସନଙ୍କୁ ନିଯୁକ୍ତ କରାଯାଇଛି। ଆସାମର ପ୍ରଭାରୀ ମଙ୍ଗଳ ପାଣ୍ଡେ ହୋଇଥିବାବେଳେ ଫାଙ୍ଗନୋନ କୋନ୍ୟାକ ଓ ମନୋଜ ଟିଗ୍ଗାଙ୍କୁ ସହପ୍ରଭାରୀ କରାଯାଇଛି। ବିହାରର ପ୍ରଭାରୀ ହରିଶ ଦ୍ୱିବେଦୀ ଏବଂ ସହପ୍ରଭାରୀ ଭାବେ ସଙ୍ଗୀତା ଯାଦବ ଓ ରୋହନ ଗୁପ୍ତାଙ୍କୁ ନିଯୁକ୍ତ କରାଯାଇଛି।
ଉତ୍ତରାଖଣ୍ଡର ପ୍ରଭାରୀ ଭାବେ ରାମ ମାଧବ ଏବଂ ସହପ୍ରଭାରୀ ଭାବେ ଅରବିନ୍ଦ ମେନନ ଓ ବାଂଶୁରୀ ସ୍ୱରାଜଙ୍କୁ ଦାୟିତ୍ୱ ଦିଆଯାଇଛି। ତେଲଙ୍ଗାନାର ପ୍ରଭାରୀ ସୁନୀଲ ବଂସଲ ଏବଂ ସହପ୍ରଭାରୀ ଅଭୟ ପାଟିଲ ଓ ରେଖା ଶର୍ମା ହୋଇଛନ୍ତି। ହିମାଚଳ ପ୍ରଦେଶର ପ୍ରଭାରୀ ଭାବେ ଶ୍ରୀକାନ୍ତ ଶର୍ମା ଏବଂ ସହପ୍ରଭାରୀ ଭାବେ ଦର୍ଶନା ସିଂହଙ୍କୁ ନିଯୁକ୍ତ କରାଯାଇଛି।
ଏହାବ୍ୟତୀତ ଜୟ ପ୍ରକାଶଙ୍କୁ ଆଣ୍ଡାମାନ ଓ ନିକୋବରର, ଦେବେଶ କୁମାରଙ୍କୁ ଅରୁଣାଚଳ ପ୍ରଦେଶର, ମହେନ୍ଦ୍ର ପାଣ୍ଡେଙ୍କୁ ଚଣ୍ଡିଗଡ଼ର ଏବଂ ବର୍ଷାବେନ ନରେନ୍ଦ୍ରଭାଇ ଦୋଶୀଙ୍କୁ ଦାଦ୍ରା ନଗର ହାଭେଲୀ ଓ ଦମନ-ଦୀଉର ପ୍ରଭାରୀ କରାଯାଇଛି। ଗୋଆର ପ୍ରଭାରୀ ଭାବେ ଡ. ଭାରତୀ ପ୍ରବୀଣ ପୱାର ଏବଂ ସହପ୍ରଭାରୀ ଭାବେ ଅନିଲ ଆଣ୍ଟୋନୀଙ୍କୁ ଦାୟିତ୍ୱ ଦିଆଯାଇଛି।
ଝାଡ଼ଖଣ୍ଡର ପ୍ରଭାରୀ ଭାବେ ଗଜେନ୍ଦ୍ର ପଟେଲ, କର୍ଣ୍ଣାଟକର ପ୍ରଭାରୀ ଭାବେ ହରିଶ ଦ୍ୱିବେଦୀ, ଲଦାଖର ପ୍ରଭାରୀ ଭାବେ ରାଜକୁମାର ଭାଟିଆ ଏବଂ ଲକ୍ଷଦ୍ୱୀପର ପ୍ରଭାରୀ ଭାବେ ଜର୍ଜ କୁରିଆନଙ୍କୁ ନିଯୁକ୍ତ କରାଯାଇଛି।
--------
ହିନ୍ଦୁସ୍ଥାନ ସମାଚାର / Sachin Budhauliya
23 Sep 2026