ନୂଆଦିଲ୍ଲୀ, ୨୩ ସେପ୍େଟମ୍ବର (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱାସ୍ଥ୍ୟସେବା ପଦକ୍ଷେପ ‘ଆୟୁଷ୍ମାନ ଭାରତ’ର ଆଠ ବର୍ଷ ପୂର୍ତି ଅବସରରେ ଯୋଜନାର ସଫଳତାକୁ ରେଖାଙ୍କିତ କରି କହିଛନ୍ତି ଯେ ଏହାର ଉଦ୍ଦେଶ୍ୟ ଦେଶର ପ୍ରତ୍ୟେକ ନାଗରିକଙ୍କୁ ଗୁଣାତ୍ମକ ଏବଂ ସୁଲଭ ସ୍ୱାସ୍ଥ୍ୟସେବା ଉପଲବ୍ଧ କରାଇବା। ସେ କହିଛନ୍ତି ଯେ ଆଜି ୬୦ କୋଟିରୁ ଅଧିକ ଲୋକଙ୍କୁ ପ୍ରତିବର୍ଷ ପାଂଚ ଲକ୍ଷ ଟଙ୍କା ପର୍ଯ୍ୟନ୍ତର ସ୍ୱାସ୍ଥ୍ୟ ସୁରକ୍ଷା କବଚ ମିଳୁଛି।
ପ୍ରଧାନମନ୍ତ୍ରୀ ବୁଧବାର ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଜାରି କରିଥିବା ପୋଷ୍ଟରେ କହିଛନ୍ତି ଯେ ଆଠ ବର୍ଷ ପୂର୍ବେ ଆୟୁଷ୍ମାନ ଭାରତର ଆରମ୍ଭ ଏହି ଚିନ୍ତାଧାରା ସହିତ କରାଯାଇଥିଲା ଯେ ଦେଶର ପ୍ରତ୍ୟେକ ନାଗରିକଙ୍କୁ ଉନ୍ନତ ଏବଂ ସୁଲଭ ଚିକିତ୍ସା ସୁବିଧା ମିଳିପାରିବ। ସେ କହିଛନ୍ତି ଯେ ଯୋଜନା ଅଧୀନରେ କୋଟି କୋଟି ନାଗରିକଙ୍କୁ ପାଂଚ ଲକ୍ଷ ଟଙ୍କା ପର୍ଯ୍ୟନ୍ତର ବାର୍ଷିକ ସ୍ୱାସ୍ଥ୍ୟ କଭର ଉପଲବ୍ଧ କରାଯାଉଛି।
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଆୟୁଷ୍ମାନ ଭାରତ ମାଧ୍ୟମରେ ଲୋକଙ୍କ ଚିକିତ୍ସା ଖର୍ଚ୍ଚରେ ବଡ଼ ସଂଚୟ ସମ୍ଭବ ହୋଇଛି। ଏହାର ବ୍ୟାପକ ଲାଭ ଗରିବ ଏବଂ ମଧ୍ୟବିତ ପରିବାରଗୁଡ଼ିକୁ ମିଳିଛି। ଯୋଜନା ଆର୍ôଥକ ଭାବେ ଦୁର୍ବଳ ପରିବାରଗୁଡ଼ିକ ପାଇଁ ଗୁରୁତର ରୋଗର ଚିକିତ୍ସା ସହ ଜଡ଼ିତ ଖର୍ଚ୍ଚର ଭାର କମାଇବାରେ ସାହାଯ୍ୟ କରିଛି।
ପ୍ରଧାନମନ୍ତ୍ରୀ ସ୍ୱାସ୍ଥ୍ୟସେବାକୁ ଘରେ ଘରେ ନିକଟତର କରି ପହଂଚାଇବା ଦିଗରେ ହୋଇଥିବା ପ୍ରଗତିର ମଧ୍ୟ ଉଲ୍ଲେଖ କରିଛନ୍ତି। ସେ କହିଛନ୍ତି ଯେ ଦେଶବ୍ୟାପୀ ସ୍ଥାପିତ ‘ଆୟୁଷ୍ମାନ ଆରୋଗ୍ୟ ମନ୍ଦିର’ ପ୍ରାଥମିକ ସ୍ୱାସ୍ଥ୍ୟସେବା ବଢ଼ାଇବାରେ ଗୁରୁତ୍ୱପୂର୍ଣ୍ଣ ଭୂମିକା ନିଭାଉଛି। ଏହି କେନ୍ଦ୍ରଗୁଡ଼ିକରେ ଏପର୍ଯ୍ୟନ୍ତ ୫୦୦ କୋଟିରୁ ଅଧିକ ଲୋକଙ୍କ ଭିଜିଟ୍ ରେକର୍ଡ ହୋଇଛି।
ସେ କହିଛନ୍ତି ଯେ ଆୟୁଷ୍ମାନ ଆରୋଗ୍ୟ ମନ୍ଦିରଗୁଡ଼ିକର ବିସ୍ତାର ଦ୍ୱାରା ତୃଣମୂଳ ସ୍ତରରେ ପ୍ରାଥମିକ ସ୍ୱାସ୍ଥ୍ୟ ଢାଂଚା ସୁଦୃଢ଼ ହୋଇଛି ଏବଂ ଲୋକଙ୍କୁ ସେମାନଙ୍କ ଆଖପାଖରେ ସ୍ୱାସ୍ଥ୍ୟ ସୁବିଧା ଉପଲବ୍ଧ ହେଉଛି। ଏହା ସ୍ୱାସ୍ଥ୍ୟସେବାର ପହଂଚକୁ ଅଧିକ ବ୍ୟାପକ କରିବାରେ ସାହାଯ୍ୟ କରିଛି।
ପ୍ରଧାନମନ୍ତ୍ରୀ କହିଛନ୍ତି ଯେ ଆୟୁଷ୍ମାନ ଭାରତର ବିସ୍ତାର ଦେଶରେ ସ୍ୱାସ୍ଥ୍ୟସେବାକୁ ଅଧିକ ସୁଲଭ ଏବଂ କିଫାୟତୀ କରିବା ଦିଗରେ କରାଯାଇଥିବା ପ୍ରୟାସର ଏକ ଅଂଶ। ଏହି ଅବସରରେ ସେ ଯୋଜନାର ସମସ୍ତ ହିତାଧିକାରୀଙ୍କୁ ଶୁଭେଚ୍ଛା ମଧ୍ୟ ଜଣାଇଛନ୍ତି
----------------------
---------------
ହିନ୍ଦୁସ୍ଥାନ ସମାଚାର / ଗଗନ
23 Sep 2026