ସମ୍ବଲପୁର, ୧୭ ଅକ୍ଟୋବର (ହି.ସ.) - ରେଳବାଇ ଟ୍ରେନ ଟିକେଟର ଅଗ୍ରୀମ ସଂରକ୍ଷଣ ସମୟରେ ପରିବର୍ତନ ଆସିଛି । ଅଗ୍ରୀମ ସଂରକ୍ଷଣ ଅବଧି ୩୦ ଦିନରୁ ୧୨୦ ଦିନ ମଧ୍ୟରେ ବଦଳିଛି । ବିଭିନ୍ନ ଅବଧିର ଅଭିଜ୍ଞତା ଉପରେ ଆଧାର କରି ୬୦ଦିନ ଅଗ୍ରୀମ ସଂରକ୍ଷଣ ଅବଧି ଯାତ୍ରୀ ଚାହିଦା ଦୃଷ୍ଟିକୋଣରୁ ସର୍ବୋତମ ସମୟ ଭାବରେ ପାଳନ କରାଯାଇଛି । ଅବଧି ଅଗ୍ରୀମ ସଂରକ୍ଷଣ ଏପ୍ରିଲ୍, ୧୯୮୧ ରୁ ଜାନୁୟାରୀ, ୧୯୮୫ = ୧୨୦ ଦିନ, ୦୧.୦୨.୧୯୮୫ ରୁ ୩୧.୦୮.୧୯୮୮ = ୯୦ ଦିନ, ୦୧.୦୯.୧୯୮୮ ରୁ ୩୦.୦୯.୧୯୯୩ = ୬୦ ଦିନ, ୦୧.୧୦.୧୯୯୩ ରୁ ୩୦.୦୬.୧୯୯୫ = ୪୫ ଦିନ, ୦୧.୦୯.୧୯୯୫ ରୁ ୩୧.୦୧.୧୯୯୮ = ୩୦ ଦିନ. ୦୧.୦୨.୧୯୯୮ ରୁ ୨୮.୦୨.୨୦୦୭ = ୬୦ ଦିନ, ୦୧.୦୩.୨୦୦୭ ରୁ ୧୪.୦୭.୨୦୦୭ = ୯୦ ଦିନ, ୧୫.୦୭.୨୦୦୭ ରୁ ୩୧.୦୧.୨୦୦୮ = ୬୦ ଦିନ, ୦୧.୦୨.୨୦୦୮ ରୁ ୦୯.୦୩.୨୦୧୨ = ୯୦ ଦିନ, ୧୦.୦୩.୨୦୧୨ ରୁ ୩୦.୦୪.୨୦୧୩ = ୧୨୦ ଦିନ, ୦୧.୦୫.୨୦୧୩ ରୁ ୩୧.୦୩.୨୦୧୫ = ୬୦ ଦିନ, ୦୧.୦୪.୨୦୧୫ ରୁ ୩୧.୧୦.୨୦୨୪ = ୧୨୦ ଦିନ । ୬୦ ଦିନ ଅଗ୍ରୀମ ସଂରକ୍ଷଣ ସମୟର ଲାଭ ଟ୍ରେନ ଯାତ୍ରା ଯୋଜନା ପାଇଁ ୧୨୦ ଦିନ ବହୁତ ଲମ୍ବା ଥିଲା, ଫଳସ୍ୱରୂପ ଯାତ୍ରୀମାନେ ଯାତ୍ରା ପାଇଁ ନଆସିବାରୁ ଉଚ୍ଚ ବାତିଲ୍ ଏବଂ ସିଟ୍ / ବର୍ଥର ଅପଚୟ ହେଉଥିଲା । ବର୍ତମାନ, ପ୍ରାୟ ୨୧% ବାତିଲ୍ ହୁଏ ଏବଂ ୪ - ୫% ଯାତ୍ରୀ ଯାତ୍ରା କରନ୍ତି ନାହିଁ । ଯାତ୍ରା କରୁନଥିବା ଯାତ୍ରୀଙ୍କ ସମସ୍ୟା: ଅନେକ କ୍ଷେତ୍ରରେ ଏହା ଦେଖାଯାଏ ଯେ ଯାତ୍ରୀମାନେ ସେମାନଙ୍କର ଟିକେଟ୍ ବାତିଲ୍ କରନ୍ତି ନାହିଁ ଏବଂ ଯାତ୍ରା ପାଇଁ ଆସନ୍ତି ନାହିଁ । ଏହା ଠକେଇର କାରଣ ହୋଇଥାଏ - ଯେପରିକି ଛଦ୍ମନାମ ଉପଯୋଗ କରି ଅଗ୍ରୀମ ଟିକେଟ ବୁକ କରିବା ଏବଂ ରେଳ ଅଧିକାରୀମାନେ ବେଆଇନ ଭାବରେ ଟଙ୍କା ନେଉଛନ୍ତି ବୋଲି ସଫେଇ ଦେବା ଇତ୍ୟାଦି । ବର୍ତମାନ, ଏହାକୁ ରୋକାଯାଇପାରିବ । ଅଧିକ ସମୟ ସହିତ, କିଛି ଲୋକ ଟିକେଟ ଅବରୋଧ କରିବାର ଅଧିକ ସମ୍ଭାବନା ଥିଲା । ଟ୍ରେନ ଟିକେଟ ବୁକ କରିବାର ଛୋଟ ଅବଧି ପ୍ରକୃତ ଯାତ୍ରୀମାନଙ୍କ ଦ୍ୱାରା ଅଧିକ ଟିକେଟ୍ ବୁକ କରିବାର ପ୍ରୋତ୍ସାହନ ଦେବ । ସାଧାରଣ ଶ୍ରେଣୀର ଟିକେଟ୍ ଉପରେ କୌଣସି ପ୍ରଭାବ ପଡ଼ିବ ନାହିଁ, କାରଣ ସେମାନେ ଯାତ୍ରା ପୂର୍ବରୁ ଟ୍ରେନ ଟିକେଟ କିଣନ୍ତି । କମ୍ ବାତିଲ୍ ଏବଂ ଯାତ୍ରା କରୁନଥିବା ଯାତ୍ରୀଙ୍କ ଯୋଗୁଁ ଚାହିଦାକୁ ଅଧିକ ଦୃଶ୍ୟମାନ କରିବା ସହିତ ରେଳବାଇ ଅଧିକ ସ୍ୱତନ୍ତ୍ର ଟ୍ରେନ୍ ଯୋଜନା କରିପାରିବ ।
ହିନ୍ଦୁସ୍ଥାନ ସମାଚାର/ଶୈଳେଶ/ଭାନୁ
ହିନ୍ଦୁସ୍ଥାନ ସମାଚାର / ଶୈଳେଶ
