ହରିଦ୍ୱାର, ୨ ଜାନୁଆରୀ (ହି.ସ.)- ହରିଦ୍ୱାର- ଦିଲ୍ଲୀ ହାଇୱେରେ ଗତକାଲି ବିଳମ୍ବିତ ରାତିରେ ବହଦରାବାଦ ଥାନା ପୂର୍ବରୁ ଶନିଦେବ ମନ୍ଦିର ନିକଟରେ ଏକ କାର୍ ରାସ୍ତା ପାଶ୍ୱର୍ରେ ଛିଡା ହୋଇଥିବା ଏକ ଟ୍ରକ୍ କୁ ଧକ୍କା ଦେଇଥିଲା । ଏହି ଦୁର୍ଘଟଣାରେ କାର୍ ରେ ଯାତ୍ରା କରୁଥିବା ରେବାଡ଼ି (ହରିୟାଣା)ର ୪ ଜଣଙ୍କ ମୃତ୍ୟୁ ଘଟିଛି । ଅନ୍ୟ ଜଣେ ଗୁରୁତର ହୋଇଛନ୍ତି । ତାଙ୍କୁ ଚିକିତ୍ସା ନିମନ୍ତେ ଏମ୍ସ ରେ ଭର୍ତି କରାଯାଇଛି । ମୃତକ ମାନେ ହେଲେ କେୟର ସିଂହ (୩୫), ଆଦିତ୍ୟ ସିଂହ (୩୮), ମନୀଷ (୩୬)ଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି । ଦୁର୍ଘଟଣାରେ ଆହତ ୨ ଜଣଙ୍କୁ ଜିଲ୍ଲା ହସ୍ପିଟାଲରେ ଭର୍ତି କରାଯାଇଛି । ହେଲେ ସେଠାରେ ଡାକ୍ତର ୪୦ ବର୍ଷିୟ ପ୍ରକାଶଙ୍କୁ ମୃତ ଘୋଷଣା କରିଥିଲେ । ଆହତ ମହିପାଲଙ୍କୁ ଅଧିକ ଚିକିତ୍ସା ନିମନ୍ତେ ଅନ୍ୟତ୍ର ସ୍ଥାନାନ୍ତରିତ କରାଯାଇଛି । ଖବର ପାଇ ପୋଲିସ ଘଟଣାସ୍ଥଳରେ ପହଂଚି ମୃତକ ମାନଙ୍କ ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇବା ସହ ଘଟଣାର ତଦନ୍ତ କରୁଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ