ଡେରାଡୁନ୍‌, ୨୫ ଅକ୍ଟୋବର (ହି.ସ.)- ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଆଗାମୀ ଉତରାଖଣ୍ଡ ଗସ୍ତ ପାଇଁ ରାଷ୍ଟ୍ରପତିଙ୍କ କାର୍ଯ୍ୟାଳୟ ଏକ ବିସ୍ତୃତ ଯାତ୍ରା ତାଲିକା ପ୍ରକାଶ କରିଛି। ଯାତ୍ରା ତାଲିକା ଅନୁଯାୟୀ, ରାଷ୍ଟ୍ରପତି ନଭେମ୍ବର ୨ ରେ ଡେରାଡୁନ୍ ପହଂଚିବେ। ତାଙ୍କ ଆଗମନ ପରେ, ସେ ମୁଖ୍ୟ ଅତିଥି ଭାବରେ ହରିଦ୍ୱାରରେ ପତଞ୍ଜଳି ବିଶ୍ୱବିଦ୍ୟାଳୟର ସମାବର୍ତନ ଉତ୍ସବରେ ଯୋଗଦେବେ।

ସଂଧ୍ୟାରେ, ରାଷ୍ଟ୍ରପତି ଡେରାଡୁନ୍ର ରାଜପୁର ରୋଡରେ ଥିବା ରାଷ୍ଟ୍ରପତି ନିକେତନରେ ରାତ୍ରୀଯାପନ କରିବେ। ପରଦିନ, ନଭେମ୍ବର ୩ ରେ, ରାଷ୍ଟ୍ରପତି ଉତରାଖଣ୍ଡ ବିଧାନସଭାର ଏକ ସ୍ୱତନ୍ତ୍ର ଅଧିବେଶନକୁ ସମ୍ବୋଧିତ କରିବେ। ସେହି ସନ୍ଧ୍ୟାରେ, ସେ ନୈନିତାଲ ଅଭିମୁଖେ ଯାତ୍ରା କରିବେ ଏବଂ ନୈନିତାଲର ରାଜଭବନରେ ରାତ୍ରୀଯାପନ କରିବେ।

୪ ନଭେମ୍ବରରେ ରାଷ୍ଟ୍ରପତି କୈଂଚି ଧାମ ଗସ୍ତ କରିବେ ଏବଂ ପରେ କୁମାଉନ୍ ବିଶ୍ୱବିଦ୍ୟାଳୟର ସମାବର୍ତନ ଉତ୍ସବରେ ମୁଖ୍ୟ ଅତିଥି ଭାବରେ ଯୋଗଦେବେ। ସେ ଉତ୍ସବରେ ଛାତ୍ରମାନଙ୍କୁ ସମ୍ମାନିତ ମଧ୍ୟ କରିବେ। ତାଙ୍କ ଗସ୍ତ ଶେଷ କରିବା ପରେ, ରାଷ୍ଟ୍ରପତି ୪ ନଭେମ୍ବର ଅପରାହ୍ନରେ ନୂଆଦିଲ୍ଲୀ ଫେରିଯିବେ।

---------

---------------

ହିନ୍ଦୁସ୍ଥାନ ସମାଚାର / ଗଗନ