ଇସଲମାବାଦ, 25 ଅକ୍ଟୋବର (ହି.ସ.)
- ପଡ଼ୋଶୀ ଦେଶ
ଆଫଗାନିସ୍ତାନ ସହିତ କଡା ଉତ୍ତେଜନା କାରଣରୁ ସୀମାରେ ବାଣିଜ୍ୟିକ କାର୍ଯ୍ୟକଳାପ ବନ୍ଦ ରହିଛି।
ସୁରକ୍ଷା ସମସ୍ୟା ଦେଖି ପାକିସ୍ତାନ-ଆଫଗାନ ସୀମା ଶୁକ୍ରବାର ଦିନ ସମସ୍ତ ପ୍ରକାରର ବାଣିଜ୍ୟିକ
କାର୍ଯ୍ୟକଳାପ ପାଇଁ ବନ୍ଦ ରହିଛି। କର୍ତ୍ତୃପକ୍ଷମାନେ ଏହି ଦାବିକୁ ଅସାର ବୋଲି କହିଛନ୍ତି ଯେ ଇସଲମାବାଦ
ବାଲୋଚିସ୍ତାନ ପ୍ରାନ୍ତର ଚମନ କ୍ରସିଂକୁ ଆଫଗାନ ଟ୍ରାନ୍ଜିଟ ବ୍ୟବସାୟ ପାଇଁ ଆଂଶିକ ଭାବେ
ଖୋଲିଛି। କର୍ତ୍ତୃପକ୍ଷମାନଙ୍କ କଥା ଅନୁସାରେ, ପାଦଯାତ୍ରୀମାନଙ୍କୁ ମଧ୍ୟ ଦୁଇପଟୁ ସୀମା ଅତିକ୍ରମ କରିବାର ଅନୁମତି ନାହିଁ।
ଡନ୍ ସମ୍ବାଦପତ୍ରର ଏକ ଖବର
ଅନୁସାରେ, ବରିଷ୍ଠ ସୀମା ଶୁଳ୍କ
ଅଧିକାରୀ ଏହା କହିଛନ୍ତି— “ସୀମା ଗତ 12 ଦିନ
ଧରି ବନ୍ଦ ରହିଛି। ଏପର୍ଯ୍ୟନ୍ତ ଟ୍ରାନ୍ଜିଟ ବ୍ୟବସାୟ ସହିତ କୌଣସି ବାଣିଜ୍ୟିକ କାର୍ଯ୍ୟକଳାପ
ପାଇଁ ସୀମା ଖୋଲାଯାଇନି।” ଚମନ ସହରର
ପ୍ରଶାସନିକ ଅଧିକାରୀମାନେ କହିଛନ୍ତି ଯେ ତାଙ୍କୁ ଇସ୍ଲାମାବାଦର କେନ୍ଦ୍ରୀୟ କର୍ତ୍ତୃପକ୍ଷଙ୍କ
ପକ୍ଷରୁ ସୀମା ଖୋଲିବା ବିଷୟରେ କୌଣସି ନିର୍ଦ୍ଦେଶ ମିଳିନାହିଁ। ହେଲେ ଏହା ସତ୍ୟ ଯେ ଆଫଗାନ
ଶରଣାର୍ଥୀମାନଙ୍କୁ ସୀମିତ ସମୟ ପାଇଁ ଚମନ କ୍ରସିଂ ମାଧ୍ୟମରେ ତାଙ୍କ ଦେଶକୁ ପଠାଯାଇଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
25 Oct 2025