ସମ୍ବଲପୁର/ନୁଆପଡା, ୨୮ ଅକ୍ଟୋବର (ହି.ସ.) ନୁଆପଡା

ବିଧାନସଭା ଉପନିର୍ବାଚନ ପାଇଁ ବିଜେପି ପକ୍ଷରୁ ଏକ ବୁଦ୍ଧିଜୀବୀ ସମାବେଶ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଏକ ହୋଟେଲରେ ଅଞ୍ଚଳର ସମସ୍ତ ସାମାଜିକ, ସାଂସ୍କୃତିକ, ସ୍ଵେଚ୍ଛାସେବୀ ଅନୁଷ୍ଠାନର କର୍ମକର୍ତ୍ତାଙ୍କ ସମେତ ସମାଜର ବିଭିନ୍ନ କ୍ଷେତ୍ରରେ ସୁନାମ ଅର୍ଜନ କରିଥିବା ବ୍ୟକ୍ତି ବିଶେଷ ଓ ବୁଦ୍ଧିଜୀବୀ ଏହି ସମାବେଶରେ ସାମିଲ ହୋଇଥିଲେ । କେନ୍ଦ୍ରରେ ବିଜେପି ଓ ଅଣ ବିଜେପି ସରକାର ମଧ୍ୟରେ ପାର୍ଥକ୍ୟ ଏବଂ ରାଜ୍ୟରେ ଗତ ୧୬ ମାସର ମୋହନ ମାଝୀଙ୍କ ସରକାରର ଉପଲବ୍ଧି, ମୋଦୀ ଶାସନରେ ଦେଶର ଆଭ୍ୟନ୍ତରୀଣ ଓ ବାହ୍ୟ ସୁରକ୍ଷା, ଦୁର୍ନୀତି ଭ୍ରଷ୍ଟାଚାରକୁ ନେଇ ଶୂନ୍ୟ ସହନଶୀଳତା, ମୋହନ୍ ମାଝୀ ସରକାରଙ୍କର ଦୃତ ବିକାଶ ବିଷୟରେ ଉପସ୍ଥିତ ବିଜେପି ନେତୃବୃନ୍ଦ ଆଲୋକପାତ କରିଥିଲେ । ଏଣୁ ବିଜେପି ହିଁ ବିକାଶର ଏକମାତ୍ର ମାଧ୍ୟମ ଓ ଏଥିପାଇଁ ବିଜେପି ପ୍ରାର୍ଥୀ ଜୟ ଢୋଲକିଆଙ୍କୁ ସମର୍ଥନ ଦେଇ ତାଙ୍କୁ ବିଜୟୀ କରାଇବା ପାଇଁ ଉପସ୍ଥିତ ବିଜେପି ନେତୃମଣ୍ଡଳୀ ସଚେତନ କରାଇଥିଲେ । ଏହି ସମାବେଶରେ ଓଡ଼ିଶା ସରକାରଙ୍କ ଗୃହ ଓ ନଗର ଉନ୍ନୟନ ମନ୍ତ୍ରୀ ଡ.କୃଷ୍ଣ ଚନ୍ଦ୍ର ମହାପାତ୍ର, କନ୍ଧମାଳ ସାଂସଦ ସୁ କାନ୍ତ ପାଣିଗ୍ରାହୀ, ଖରିଆର ରୋଡ଼ ଏନ୍ଏସି ପୌରାଧ୍ୟକ୍ଷା ସାନିଆ ଜୈନ, ପୁର୍ବତନ ବିଧାୟକ କାନ୍ଦ୍ରା ସୋରେନ୍, ଜିଲ୍ଲା ବିଜେପି ଉପସଭାପତି ଗୋଲ୍ଡି ଅଗ୍ରୱାଲ ପ୍ରମୁଖ ସାମିଲ ହୋଇଥିଲେ ।

---------------

ହିନ୍ଦୁସ୍ଥାନ ସମାଚାର / ଶୈଳେଶ