- ତଥ୍ୟ ପୁନରୁଦ୍ଧାର ଏବଂ ଚାଟ୍ ରୁ ପ୍ରମାଣ ଆଧାରରେ ସିବିଆଇ ଲୋଡିଛି ରିମାଣ୍ଡ
ଚଣ୍ଡିଗଡ଼, ୨୯ ଅକ୍ଟୋବର (ହି.ସ.)- ଦୁର୍ନୀତି ଅଭିଯୋଗରେ ଗିରଫ ହୋଇଥିବା ପଞ୍ଜାବ ଡିଆଇଜି ଏଚଏସ. ଭୁଲ୍ଲରଙ୍କ ମଧ୍ୟସ୍ଥିଙ୍କୁ ପୁଣି ନଅ ଦିନିଆ ରିମାଣ୍ଡରେ ନେଇଛି। ବୁଧବାର ସକାଳେ କୋର୍ଟରେ ସିବିଆଇ ଦଳର ରିମାଣ୍ଡ ଆବେଦନର ଶୁଣାଣି ହୋଇଥିଲା। ଅଭିଯୁକ୍ତ କୃଷ୍ଣୁ ଶାରଦାଙ୍କ ପ୍ରତିନିଧିତ୍ୱ କରୁଥିବା ଓକିଲ ରିମାଣ୍ଡ ପାଇଁ ପବ୍ଲିକ ପ୍ରସିକ୍ୟୁଟରଙ୍କ ଆବେଦନକୁ ବିରୋଧ କରିଥିଲେ।
୧୬ ଅକ୍ଟୋବରରେ, ଚଣ୍ଡିଗଡ଼ ସିବିଆଇ ଜଣେ ବ୍ୟବସାୟୀଙ୍କଠାରୁ ଲାଂଚ ଗ୍ରହଣ କରିବା ଅଭିଯୋଗରେ ପୂର୍ବତନ ଡିଆଇଜି ହରଚରଣ ସିଂହ ଭୁଲ୍ଲରଙ୍କୁ ଗିରଫ କରିଥିଲା। ପରବର୍ତୀ ସର୍ଚ୍ଚ ଅପରେସନ ସମୟରେ, ପୂର୍ବତନ ଡିଆଇଜିଙ୍କ ଘରୁ ୭.୫ କୋଟି ନଗଦ, ମହଙ୍ଗା ଘଂଟା ଏବଂ ଅନେକ ଲକର ଜବତ କରାଯାଇଥିଲା। ଭୁଲ୍ଲରଙ୍କ ନିକଟରୁ ଅନେକ ବେନାମୀ ସମ୍ପତିର କାଗଜପତ୍ର ମଧ୍ୟ ମିଳିଛି। ଏହା ମଧ୍ୟ ପ୍ରକାଶ ପାଇଛି ଯେ ତାଙ୍କର ଭାରତ ଏବଂ ବିଦେଶରେ ଅନେକ ସମ୍ପତି ଅଛି।
---------
ହିନ୍ଦୁସ୍ଥାନ ସମାଚାର / ଗଗନ