ଖୋର୍ଦ୍ଧା , 28 ନଭେମ୍ବର (ହି.ସ.) - ଖୋର୍ଦ୍ଧା ସ୍ଥିତ ବିଜୁ ପଟ୍ଟନାୟକ ବହୁ ମୂଖୀ ଇଣ୍ଡୋର ହଲ୍ ଠାରେ ଖୋର୍ଦ୍ଧା ଜିଲ୍ଲା ଯୁବ ବ୍ୟାଡ ମିଣ୍ଟନ୍ ଆସୋସିଏସନ୍ ଦ୍ୱାରା ଆୟୋଜିତ ୯ମ ରାଜ୍ୟସ୍ତରୀୟ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟର ଭବ୍ୟ ସମାପନୀ ସମାରୋହ ସଫଳତାର ସହିତ ଅନୁଷ୍ଠିତ ହୋଇଯାଇଅଛି।ଏହି ଟୁର୍ଣ୍ଣାମେଣ୍ଟ ଅଣ୍ଡର–୧୩, ଜିଲ୍ଲାସ୍ତରୀୟ ଓ ରାଜ୍ୟସ୍ତରୀୟ—ମୋଟ ତିନିଟି ଶ୍ରେଣୀରେ ସଂଚାଳିତ ହୋଇଥିଲା।ଅଣ୍ଡର–୧୩ ଶ୍ରେଣୀରେ କେ ତନିଷ୍ କୁମାର ବିଜେତା ଏବଂ ସାଈ ସୁର୍ଯ୍ୟାସୁଂ ଉପବିଜେତା ହୋଇ ଅତିଥି ମାନଙ୍କଠାରୁ ପୁରସ୍କାର ରାଶି ସହିତ ଟ୍ରଫି ଗ୍ରହଣ କରିଥିଲେ ।ଜିଲ୍ଲାସ୍ତରରେ କହ୍ନେଇ ଘଡେଇ ଓ ରଜତ୍ କୁମାର ରଣସିଂହ ବିଜେତା ହୋଇ ୮,୦୦୦ ଟଙ୍କା ପୁରସ୍କାର ରାଶି ସହିତ ଟ୍ରଫି ଗ୍ରହଣ କରିଥିଲେ ଏବଂ ଦିବ୍ୟଜ୍ୟୋତ୍ କୁମାର ସେଠୀ ଓ ମଳୟ ବେହେରା ଉପବିଜେତା ହୋଇ ୬,୦୦୦ ଟଙ୍କା ପୁରସ୍କାର ରାଶି ସହିତ ଟ୍ରଫି ଗ୍ରହଣ କରିଥିଲେ।ରାଜ୍ୟସ୍ତରରେ ତନ୍ମୟ ସାହୁ ଓ ଅଭିଜିତ୍ ମହାରଣା ବିଜେତା ହୋଇ ୧୨,୦୦୦ ଟଙ୍କା ପୁରସ୍କାର ରାଶି ସହିତ ଟ୍ରଫି ଗ୍ରହଣ କରିଥିଲେ। ଏବଂ ଉପ ବିଜେତା ଭାବରେ ପାରଶ୍ ମାଥୁର ଓ ଅନିର୍ବାଣ ମଣ୍ଡଳ ୮,୦୦୦ ଟଙ୍କା ପୁରସ୍କାର ରାଶି ସହିତ ଟ୍ରଫି ଗ୍ରହଣ କରିଥିଲେ।ପୁରସ୍କାର ବିତରଣ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଅତିରିକ୍ତ ଜିଲ୍ଲା ଆରକ୍ଷୀ ଅଧିକ୍ଷକ,ଖୋର୍ଦ୍ଧା ଶ୍ରୀନିଵାସ ମହାନ୍ତି ଏବଂ ସମ୍ମାନିତ ଅତିଥି ଭାବରେ ଉପ ଜିଲ୍ଲାପାଳ, ଖୋର୍ଦ୍ଧା କିଶୋର ଚନ୍ଦ୍ର ପଣ୍ଡା ଯୋଗଦାନ କରିଥିଲେ। ଖୋର୍ଦ୍ଧା ଜିଲ୍ଲା ଯୁବ ବ୍ୟାଡମିଣ୍ଟନ ସଂଘର ସମ୍ପାଦକ ରାଜେଶ ଦାସ ଙ୍କ ଦ୍ୱାରା କାର୍ଯ୍ୟକ୍ରମ ସଫଳତାର ସହିତ ସମ୍ପନ୍ନ ହୋଇଥିଲା। ସଫଳତାର ସହିତ ଟୁର୍ଣ୍ଣାମେଣ୍ଟ ଆୟୋଜନ ହୋଇଥିବାରୁ ସଂଘର ସଭାପତି ରାଜେନ୍ଦ୍ର କୁମାର ସାହୁ ସଂଘର ସମସ୍ତ କର୍ମକର୍ତ୍ତାଙ୍କୁ ଧନ୍ୟବାଦ ଅର୍ପଣ କରିବା ସହିତ କୃତ୍ତି ପ୍ରତିଯୋଗି ମାନଙ୍କୁ ଶୁଭେଚ୍ଛା ଜଣାଇଥିଲେ । ଏହି କ୍ରୀଡା ଆୟୋଜନ ଉପସ୍ଥିତ କ୍ରିଡ଼ାପ୍ରେମୀ ଓ ରାଜ୍ୟର କୋଣ ଅନୁକୋଣରୁ ଅଂଶଗ୍ରହଣ କରିଥିବା ପ୍ରତିଯୋଗିଙ୍କ ଦ୍ଵାରା ପ୍ରଶଂସିତ ହେବା ସହିତ ରାଜ୍ୟର ଯୁବ ପ୍ରତିଭାମାନଙ୍କ ପାଇଁ ଏକ ଗୌରବମୟ ମଞ୍ଚ ସୃଷ୍ଟି କରିଛି।
---------------
ହିନ୍ଦୁସ୍ଥାନ ସମାଚାର / ରାକେଶ
