ନୂଆଦିଲ୍ଲୀ, 3 ନଭେମ୍ବର (ହି.ସ.)

-ଭାରତୀୟ ଜନତା ପାର୍ଟି (ବିଜେପି)ର ଶୀର୍ଷ ନେତା, ପ୍ରଖର ବକ୍ତା, ସବୁଠୁ ଲୋକପ୍ରିୟ

ପ୍ରଚାରକ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ବିହାର ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଆଜି

ପୁଣିଥରେ ଦୁଇଟି ବଡ଼ ସଭା କରିବାକୁ ଯାଉଛନ୍ତି। ଦିନିକିଆ ଗସ୍ତରେ ଆସୁଥିବା ପ୍ରଧାନମନ୍ତ୍ରୀ

ମୋଦୀ ବିହାରର ଦୁଇଟି ଜିଲ୍ଲାରେ ଦୁଇଟି ବିଶାଳ ନିର୍ବାଚନୀ ସଭାକୁ ସମ୍ବୋଧନ କରିବେ। ବିଜେପି ତାର

ଏକ୍ସ ହ୍ୟାଣ୍ଡେଲରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆଜିର ବିହାର ଗସ୍ତର କାର୍ଯ୍ୟକ୍ରମ

ସେୟାର କରିଛି।

ବିଜେପିର ଏକ୍ସ ହ୍ୟାଣ୍ଡେଲ ଅନୁସାରେ, ପ୍ରଧାନମନ୍ତ୍ରୀ

ମୋଦୀ ଦ୍ୱିପ୍ରହର 1.45ରେ ସହରସାରେ ଜନସଭାକୁ ସମ୍ବୋଧନ କରିବେ। ତା’ପରେ ସେ କଟିହାର

ଯିବେ। ପ୍ରଧାନମନ୍ତ୍ରୀ ଦ୍ୱିପ୍ରହର 3.30ରେ ହଥିଆ ଦିଆର ଗାଁରେ ବିଜେପି ନେତୃତ୍ୱାଧୀନ ଏନଡିଏ ପ୍ରାର୍ଥୀମାନଙ୍କ

ପକ୍ଷରେ ଜନସଭା କରିବେ। ବିହାରର ସଭାରେ ଭାଜପା ନେତା ମୋଦୀ ନିରନ୍ତର ଭାବରେ ମେଂଟର ଦୁଇ ପ୍ରମୁଖ

ଦଳ — କଂଗ୍ରେସ ଏବଂ

ରାଷ୍ଟ୍ରୀୟ ଜନତା ଦଳ (ଆରଜେଡି)କୁ ଟାର୍ଗେଟ କରୁଛନ୍ତି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା