ପୁରୀ, ୪ ନଭେମ୍ବର (ହି.ସ.)- ପୁରୀ ଜିଲ୍ଲା ବ୍ରହ୍ମଗିରି ବ୍ଲକ ବିଜିପୁର ଗ୍ରାମର ସଦ୍ୟାନ୍ତ ଶତପଥୀଙ୍କୁ ଭୁବନେଶ୍ବର ଗୀତ ଗୋବିନ୍ଦ ସଦନ ଠାରେ ଅନୁଷ୍ଠିତ ସପ୍ତମ ଜାତୀୟ ବହୁଭାଷୀ ଶିଶୁ ସାହିତ୍ୟି ମହୋତ୍ସବରେ ସମ୍ମାନିତ କରାଯାଇଛି । ସାମାଜିକ ସଂସ୍ଥା ଅଙ୍କୁର ଫାଉଣ୍ଡେସନ ପକ୍ଷରୁ ନଭେମ୍ବର ୨ ଓ ୩ ତାରିଖ ଦୁଇଦିନ ଧରି ଏହି ମହୋତ୍ସବ ଅନୁଷ୍ଠିତ ହୋଇଯାଇଛି । ପୁରୀ ମଦର୍ସ ସ୍କୁଲରେ ସପ୍ତମ ଶ୍ରେଣୀରେ ପଢୁଥିବା ସଦ୍ୟାନ୍ତଙ୍କ ଦ୍ବାରା ଲେଖା ଯାଇଥିବା ସୃଜନଶୀଳତା, ପ୍ରକାଶନ ଏବଂ ସମର୍ପଣ ପ୍ରଦର୍ଶନ କରିଥିବାରୁ ଏହି ସମ୍ମାନ ମିଳିପାରିଛି । ସେ ତରୁଣ ଲେଖକ ପ୍ୟାନେଲ ଆଲୋଚନାରେ ଅଂଶଗ୍ରହଣ କରିଥିଲେ । ତାଙ୍କ ଦ୍ବାରା ଲିଖିତ ଶିଶୁ କାହାଣୀ ଉପସ୍ଥାପନ କରିଥିଲେ । ସଦ୍ୟାନ୍ତ ଗଳ୍ପମାଳା ଏବଂ ଡୋଣ୍ଟ ଜଜ୍ ଦ ବୁକ୍ ବାଏ ଇଟସ୍ କଭର୍ ନାମକ ଦୁଇଟି ପୁସ୍ତକ ପୂର୍ବରୁ ପ୍ରକାଶିତ ହୋଇଛି । ପିଲାଟି ବହୁତ ସୃଜନଶୀଳ, ଅଧ୍ୟୟନ ଏବଂ ଲେଖାରେ ଉଦ୍ଭାବନଶୀଳ।

ଏହି ଦୁଇ ଦିନିଆ କାର୍ଯ୍ୟକ୍ରମରେ ଲେଖକ, କବି, ଶିକ୍ଷକ, କାହାଣୀକାର, ସାମାଜିକ କର୍ମୀ, ଗଣମାଧ୍ୟମ ବୃତ୍ତିଗତ କାର୍ଯ୍ୟକର୍ତ୍ତା, ଯୁବ ଲେଖକ ଅଂଶଗ୍ରହଣ କରିଥିଲେ। ଅଙ୍କୁର ଫାଉଣ୍ଡେସନ ଦ୍ୱାରା ଆୟୋଜିତ କଣ୍ଢେଇ ନାଚ, କାହାଣୀ କହିବା, ଚଳଚ୍ଚିତ୍ର ନିର୍ମାଣ, ସାହିତ୍ୟ କର୍ମଶାଳାରେ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନେ ଅଂଶଗ୍ରହଣ କରିଥିଲେ । ଅଙ୍କୁର ଫାଉଣ୍ଡେସନର ଅଧ୍ୟକ୍ଷା ଏବଂ ପରିଚାଳନା ଟ୍ରଷ୍ଟି ଚିନ୍ମୟୀ ପଣ୍ଡା ସେଠାରେ ଅଂଶଗ୍ରହଣ କରିଥିବା ସମସ୍ତ ପିଲାଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ ।

ହିନ୍ଦୁସ୍ଥାନ ସମାଚାର / ବିଜୟ