ପାଟନା, ୨୩ ଡିସେମ୍ବର (ହି.ସ.) - ଭାରତୀୟ ଜନତା ପାର୍ଟି (ବିଜେପି)ର ଜାତୀୟ କାର୍ଯ୍ୟକାରୀ ସଭାପତି ଏବଂ ପାଟନାର ବାଙ୍କିପୁର ବିଧାନସଭା ନିର୍ବାଚନମଣ୍ଡଳୀର ବିଧାୟକ ନୀତିନ ନବୀନଙ୍କ ଆଗମନକୁ ନେଇ ମଙ୍ଗଳବାର ଏକ ବିଶାଳ ରୋଡଶୋ ଆୟୋଜନ କରାଯାଇଥିଲା। ପାଟନା ବିମାନବନ୍ଦର ନିକଟ ଅରଣ୍ୟ ଭବନରୁ ଆରମ୍ଭ ହୋଇଥିବା ଏହି ରୋଡଶୋ ବୀରଚାନ୍ଦ ପଟେଲ ମାର୍ଗରେ ଥିବା ରାଜ୍ୟ ବିଜେପି କାର୍ଯ୍ୟାଳୟ ନିକଟ ମିଲର ହାଇସ୍କୁଲ ପଡ଼ିଆରେ ଶେଷ ହୋଇଥିଲା। ରୋଡଶୋ ସମୟରେ ପ୍ରାୟ ଛଅ କିଲୋମିଟର ଲମ୍ବା ଟ୍ରାଫିକ ଜାମ୍ ହୋଇଥିଲା।
ବିଜେପିର ଜାତୀୟ କାର୍ଯ୍ୟକାରୀ ସଭାପତି ହେବା ପରେ ପ୍ରଥମ ଥର ପାଇଁ ପାଟନାରେ ନବୀନଙ୍କୁ ସ୍ୱାଗତ କରିବା ପାଇଁ ବିଜେପି କର୍ମୀମାନେ ଏକାଠି ହୋଇଥିଲେ। ଏହା ଫଳରେ ସହରର ଅଧିକାଂଶ ସ୍ଥାନରେ, ବିଶେଷକରି ପାଟନା ବିମାନବନ୍ଦର ନିକଟରେ ପ୍ରବଳ ଟ୍ରାଫିକ ଜାମ୍ ହୋଇଥିଲା। ତାଙ୍କୁ ସ୍ୱାଗତ କରିବାକୁ ବିମାନବନ୍ଦରକୁ ଯାଉଥିବା ଉପମୁଖ୍ୟମନ୍ତ୍ରୀ ବିଜୟ କୁମାର ସିହ୍ନା, ମନ୍ତ୍ରୀ ଦିଲୀପ ଜୟସୱାଲ, ମଙ୍ଗଲ ପାଣ୍ଡେ, ଋତୁରାଜ ସିହ୍ନା ଏବଂ ସଞ୍ଜୀବ ଚୌରାସିଆ ରାସ୍ତା ମଝିରେ ନିଜ ଗାଡ଼ିରୁ ଓହ୍ଲାଇ ବିମାନବନ୍ଦରକୁ ଚାଲିଯାଇଥିଲେ।
----------------
---------------
ହିନ୍ଦୁସ୍ଥାନ ସମାଚାର / ଗଗନ