ରାମେଶ୍ୱରମ, 24 ଡିସେମ୍ବର (ହି.ସ.)- ତାମିଲନାଡୁର ରାମେଶ୍ୱରମରସମୁଦ୍ରକୁ ମାଛ ଧରିବା ପାଇଁ ଯାଇଥିବା ୧୨ ଜଣ ମତ୍ସ୍ୟଜୀବୀଙ୍କୁ ସୀମା

ପାର କରିବା ଅଭିଯୋଗରେ ଶ୍ରୀଲଙ୍କା ନୌସେନା ଗିରଫ କରି ଜେଲ ପଠାଇ ଦେଇଛି। ଏହି ଘଟଣା ପ୍ରଭାବିତ

ମତ୍ସ୍ୟଜୀବୀଙ୍କ ପରିବାର ମଧ୍ୟରେ ଉତ୍ତେଜନା ସୃଷ୍ଟି କରିଛି। ସେମାନେ ତୁରନ୍ତ ମୁକ୍ତି ଦାବି କରି

ପ୍ରତିବାଦ ଆରମ୍ଭ କରିଛନ୍ତି।ମଙ୍ଗଳବାର ଅପରାହ୍ନ ପ୍ରାୟ ସାଢ଼େ ୪ଟା ସମୟରେ ମତ୍ସ୍ୟଜୀବୀଙ୍କ

ପରିବାର ଏବଂ ସ୍ଥାନୀୟ ବାସିନ୍ଦା ହଠାତ୍ ତାମିଲନାଡୁର ଏକ ଜାତୀୟ ରାଜପଥରେ ଧାରଣା ଦେଇଥିଲେ।

ବହୁ ସଂଖ୍ୟକ ମହିଳା ସମେତ ୩୦୦ ରୁ ଅଧିକ ଲୋକ ଏହି ପ୍ରତିବାଦରେ ଅଂଶଗ୍ରହଣ କରିଥିଲେ। ଜାତୀୟ

ରାଜପଥରେ ଯାତାୟାତ ବାଧାପ୍ରାପ୍ତ ହୋଇଥିଲା ଏବଂ ଯାନବାହାନର ଲମ୍ବା ଧାଡ଼ି ଲାଗି ଯାଇଥିଲା।ସୂଚନା ପାଇବା ପରେ, ରାମନାଥପୁରମ ଟିକସ ଡିଭିଜନାଲ କମିଶନର କବୀର ରହମାନି ଏବଂ ରାମେଶ୍ୱରମ

ସହାୟକ ପୋଲିସ ବରିଷ୍ଠ ଅଧିକାରୀ ମୀରାଙ୍କ ନେତୃତ୍ୱରେ ପ୍ରଶାସନିକ ଅଧିକାରୀମାନେ ଘଟଣାସ୍ଥଳରେ

ପହଞ୍ଚି ପ୍ରତିବାଦକାରୀଙ୍କ ସହ କଥା ହୋଇଥିଲେ। ପରିବାରମାନେ ସ୍ପଷ୍ଟ ଭାବରେ କହିଥିଲେ ଯେ ଗିରଫ

ମତ୍ସ୍ୟଜୀବୀଙ୍କୁ ମୁକ୍ତ ନହେବା ପର୍ଯ୍ୟନ୍ତ ସେମାନେ ପ୍ରତିବାଦ ସମାପ୍ତ କରିବେ ନାହିଁ।

ସରକାରଙ୍କ ପକ୍ଷରୁ ସେମାନଙ୍କ ମୁକ୍ତି ପାଇଁ ଆବଶ୍ୟକୀୟ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି

ପାଇବା ପରେ ଆନ୍ଦୋଳନକାରୀମାନେ ସେମାନଙ୍କର ଧାରଣା ସମାପ୍ତ କରିଥିଲେ।

---------------

ହିନ୍ଦୁସ୍ଥାନ ସମାଚାର / ରଶ୍ମିତା