ବାରାଣସୀ, ୦୨ ଏପ୍ରିଲ (ହି.ସ.) – ଚୈତ୍ର ନବରାତ୍ରର ଚତୁର୍ଥ ଦିନ ବୁଧବାର ଦିନ ଉତର ପ୍ରଦେଶର ବାରଣାସୀସ୍ଥିତ ଜ୍ଞାନବ୍ୟାପି ପରିସର ସ୍ଥିତ ମାତା ଶୃଙ୍ଗାର ଗୌରୀଙ୍କ ଦର୍ଶନ, ପୂଜନ ପାଇଁ ବିଭିନ୍ନ ସଂଗଠନ ସହିତ ଶ୍ରଦ୍ଧାଳୁ ମାନଙ୍କ ଭିଡ଼ ଜମିଥିଲା । ମାତା ଶୃଙ୍ଗାରଗୌରୀ ମାମଲାର ମହିଳା ମୋକଦ୍ଦମାକାରୀ ତଥା ହିନ୍ଦ ପକ୍ଷର ଓକିଲ ତଥା ଓକିଲମାନେ ଜ୍ଞାନବ୍ୟାପି ମହାପରିଷଦର କର୍ମକର୍ତାମାନେ ମଧ୍ୟ ଦର୍ଶନ ଏବଂ ପୂଜାପାଠ ପାଇଁ ବର୍ଷର ଗୋଟିଏ ଦିନ ପାଇଁ ଖୋଲା ଯାଇଥିବା ମାତା ଦରବାରରେ ପହଂଚିଥିଲେ । ଦରବାରରେ ଶ୍ରଦ୍ଧାଳୁ ମହିଳାମାନେ ବିଧି ବିଧାନ ଅନୁସାରେ ମାତାଙ୍କ ଦର୍ଶନ କରି ଶୃଙ୍ଗାର ସାମଗ୍ରୀ ଅର୍ପଣ କରି ତାଙ୍କର ସୌଭାଗ୍ୟର ଆଶୀର୍ବାଦ ମାଗିଥିଲେ । ଏହା ପୂର୍ବରୁ ବାଦିନୀ ମହିଳା ଓକିଲ ବିଷ୍ଣୁ ଶଙ୍କର ଜୈନଙ୍କ ନେତୃତ୍ୱରେ ମାଇଦାଗିନରେ ଅବସ୍ଥିତ ଗୋରେଖନାଥ ମଠନରେ ମା ଶୃଙ୍ଗାର ଗୌରୀଙ୍କ ପୂଜା ପାଇଁ ଏକ ଶୋଭାଯାତ୍ରା କରାଯାଇଥିଲା । ଏଥିରେ ଚାରିଜଣ ବାଦିନୀ ମହିଳା ମଧ୍ୟ ସାମିଲ ହୋଇଥିଲେ ।

ଶୃଙ୍ଗାରଗୌରୀ କେସର ମୁଖ୍ୟ ଅଧିବକ୍ତା ବିଷ୍ଣୁ ଶଙ୍କର ଜୈନ ସାମ୍ବାଦିକ ମାନଙ୍କୁ କହିଛନ୍ତି ଯେ, ସେ ମା ଶୃଙ୍ଗାର ଗୌରିଙ୍କ ଦର୍ଶନ ପାଇଁ ଯାଉଛନ୍ତି । ତାଙ୍କ ଚରଣରେ ଆମେ କାମନା କରିବୁ ଯେ, ଯେଉଁ ନ୍ୟାୟାଳୟରେ ସଂଘର୍ଷ ଚାଲୁଛି, ତାଙ୍କୁ ବିଜୟ ପ୍ରଦାନ କରନ୍ତୁ । ଏହି କ୍ରମରେ ଜ୍ଞାନବ୍ୟାପି ମହା ପରିଷଦର ଗୋଷ୍ଠୀ ମଧ୍ୟ ମାତା ରାଣୀଙ୍କ ଆରତୀ ପରିବେଷଣ କରିଥିଲେ । ଏହି ସମୟରେ ଜ୍ଞାନବ୍ୟାପି କ୍ୟାମ୍ପସରେ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଥିଲା । ସକାଳ ୮.୩୦ରୁ ଭକ୍ତ ମାନଙ୍କୁ ସତ୍ୟନାରାଣ ମନ୍ଦିର ଏବଂ ବିଶ୍ୱନାଥ ମନ୍ଦିରର ଗେଟ୍ ନମ୍ବର ୪-ବିରୁ ପ୍ରବେଶ ଅନୁମତି ଦିଆଯାଇଥିଲା । ଦର୍ଶନ ପୂଜାରେ ମହିଳା ଭକ୍ତ ମାନଙ୍କୁ ପ୍ରାଥମିକତା ଦିଆଯାଇଥିଲା, ଯେଉଁଥିପାଇଁ ସେମାନଙ୍କର ଧାଡ଼ି ଆଗରେ ରହିଲା । ଜ୍ଞାନବ୍ୟାପି ମୁକ୍ତି ମହାପରିଷଦର ବୟାନରେ ଭକ୍ତଙ୍କ ଏକ ଦଳ କଳସରେ ଗଙ୍ଗା ଜଳ ନେଇ ମନ୍ଦିରରେ ପହଂଚିଥିଲେ । ସମଗ୍ର ଧାମ ଅଂଚଳ ହର ହର ମହାଦେବ, ଶଙ୍ଖନାଦ, ଡମ୍ବରୁ ବାଦନ ଏବଂ ମନ୍ତ୍ର ଜପ କରିବା ସହିତ ସ୍ୱର ଉଠାଇଥିଲେ । ଶ୍ରଦ୍ଧାଳୁମାନେ ମା ଶୃଙ୍ଗାର ଗୌରୀଙ୍କ ପୁରୁଣା ପ୍ରତିମାର ଭଙ୍ଗା ପଥର ରେ ସିନ୍ଦୁର ଏବଂ ଚନ୍ଦନ ଲେପନ କରିଥିଲେ । ଏହା ପରେ ପୁଷ୍ପ ଏବଂ ନୈବେଦ୍ୟ ଅର୍ପଣ କରଥିଲେ । ପୂଜାରୀ ବୈଦିକ ମନ୍ତ୍ର ସହିତ ମାତାଙ୍କ ପୂଜାପାଠ କରିଥିଲେ ।

ହିନ୍ଦୁସ୍ଥାନ ସମାଚାର/ଭାନୁ

ହିନ୍ଦୁସ୍ଥାନ ସମାଚାର / ଭାନୁ ଚରଣ