ଖୋର୍ଦ୍ଧା,2 ଏପ୍ରିଲ୍ (ହି.ସ.)ସାରା ରାଜ୍ୟରେ ଆଜି ପ୍ରବେଶ ଉତ୍ସବ ଓ ଖଡ଼ିଛୁଆଁ ପର୍ବ ଅନୁଷ୍ଠିତ ହୋଇଯାଇଛି। ଏହି ଅବସରରେ ଖୋର୍ଦ୍ଧା ଜିଲ୍ଲାର ବିଭିନ୍ନ ବିଦ୍ୟାଳୟରେ ପ୍ରବେଶ ଉତ୍ସବ ଓ ଖଡ଼ିଛୁଆଁ ପର୍ବ ପାଳନ ହୋଇଛି।ତେବେ ବୁଧବାର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଆଡଖଣ୍ଡିଆ ଠାରେ (ପ୍ରବେଶ ଉତ୍ସବ ଓ ଖଡ଼ିଛୁଆଁ )ପର୍ବ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଟୁନୀ ଦେଈଙ୍କ ଅଧକ୍ଷତାରେ ଅନୁଷ୍ଠିତ ହୋଇ ଯାଇଛି

ଏଥିରେ ବ୍ଲକ ଅଧ୍ୟକ୍ଷା ଶ୍ରୀମୟୀ ପ୍ରିୟଦର୍ଶିନୀ, ବଙ୍ଗିଦା ପଂଚାୟତର ସରପଞ୍ଚ ଶ୍ରୀଯୁକ୍ତ ଦିଲ୍ଲୀପ କୁମାର ମହାପାତ୍ର, ଖୋର୍ଦ୍ଧା ବ୍ଲକ ଉପଗୋଷ୍ଠୀ ଶିକ୍ଷା ଅଧିକାରୀ ଭରତ ଚନ୍ଦ୍ର ପ୍ରଧାନ, ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ବାଗେଶ୍ରୀ ମହାପାତ୍ର ଅତିଥି ଭାବରେ ଯୋଗ ଦେଇ ସଭାଟିକୁ ସାଫଲ୍ୟ ମଣ୍ଡିତ କରିଥିଲେ ।ଏହି ପର୍ବରେ ତିନୋଟି ଷ୍ଟଲ ଯେପରି ସାକ୍ଷରତା, ସଂଖ୍ୟା ଜ୍ଞାନ ଓ ସୃଜନାତ୍ମକ ଷ୍ଟଲ ବିଭିନ୍ନ ଶିକ୍ଷଣ ସାମଗ୍ରୀରେ ମାଧ୍ୟମରେ ନୂତନ ଶ୍ରେଣୀ ଶିଶୁ ବାଟିକା, ପ୍ରଥମ ଶ୍ରେଣୀରେ ନାମ ଲେଖାଇବାକୁ ଥିବା ପିଲାମାନଙ୍କୁ ଫୁଲଚନ୍ଦନ ଦ୍ୱାରା ସ୍ୱାଗତ କରା ଯାଇଥିଲା ।ପରେ ନମନ୍ତ୍ରିତ ଅତିଥି ମାନଙ୍କ ଦ୍ୱାରା ଖଡ଼ିଛୁଆଁ ପର୍ବ ପାଳନ କରାଯିବା ସହିତ ସେମାନଂକୁ ମିଷ୍ଟାନ୍ନ ଆଉ ସରକାରଙ୍କ ତରଫରୁ ଆସିଥିବା କିଟ (ସାମଗ୍ରୀ )ବଣ୍ଟନ

କରାଯାଇଥିଲା ।ଅତିଥିମାନେ ସରକାରଙ୍କର ଏହି ପଦକ୍ଷେପକୁ ଭୁୟସୀ ପ୍ରଶଂସା କରିବା ସହ ଏହା ପିଲାମାନଂକୁ ସରକାରୀ ବିଦ୍ୟାଳୟରେ ନାମ ଲେଖାଇବା ଓ ସର୍ବାଙ୍ଗୀନ ବିକାଶ ରେ ସହାୟକ ହେବ ବୋଲି ମତବ୍ୟକ୍ତ କରିଥିଲେ। ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ମୃତୁଞ୍ଜୟ ମହାପାତ୍ର ଅନୁପମା ସାହୁ ବନିତା ରାଣୀ ଭୂୟାଁ ଏହି କାର୍ଯ୍ୟକ୍ରମକୁ ପରିଚାଳନା କରିବାରେ ସହଯୋଗ କରିଥିଲେ

---------------

ହିନ୍ଦୁସ୍ଥାନ ସମାଚାର / ରାକେଶ