ଭୁବନେଶ୍ୱର, 18 ମେ (ହି.ସ.)
-
ଉପମୁଖ୍ୟମନ୍ତ୍ରୀ କେଭି ସିଂହଦେଓ ରବିବାର ନୂଆଦିଲ୍ଲୀରେ କେନ୍ଦ୍ର ରେଳମନ୍ତ୍ରୀ ଶ୍ରୀ ଅଶ୍ୱିନୀ
ବୈଷ୍ଣବଙ୍କୁ ଔପଚାରିକ ସାକ୍ଷାତ କରିଛନ୍ତି । ଏହି ଅବସରରେ ରାଜ୍ୟର ରେଳ ଅବସଂରଚନା ଓ ସଂପର୍କ
ବ୍ୟବସ୍ଥାକୁ ସୁଦୃଢ କରିବାକୁ ନେଇ ରଚନାତ୍ମକ ଆଲୋଚନା ହୋଇଛି ।
ସିଂହଦେଓ ଏହି ସାକ୍ଷାତର
ସୂଚନା ସୋସିଆଲ ମିଡିଆରେ ସେୟାର କରି ଲେଖିଛନ୍ତି, ଆଜି ନୂଆଦିଲ୍ଲୀରେ ମାନନୀୟ କେନ୍ଦ୍ର
ରେଳମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବଙ୍କ ସହ ସୌହାର୍ଦ୍ଦ୍ୟପୂର୍ଣ୍ଣ ସାକ୍ଷାତ ହୋଇଛି । ରେଲୱେ
ଅବସଂରଚନା ଓ ସଂପର୍କ ସହିତ ଜଡିତ ଗୁରୁତ୍ୱପୂର୍ଣ୍ଣ ପଦକ୍ଷେପ ଉପରେ ସଫଳ ଆଲୋଚନା ହୋଇଛି,
ଯେଉଁଥିରେ ଓଡ଼ିଶାର ପରିବହନ ନେଟୱର୍କ ଓ ସମଗ୍ର ବିକାଶକୁ ଆଗକୁ ବଢାଇବାର ପ୍ରତିବଦ୍ଧତା ପୁଣିଥରେ
ସ୍ପଷ୍ଟ ହୋଇଛି ।
ସାକ୍ଷାତ ସମୟରେ ଓଡ଼ିଶାରେ
ରେଲୱେ ସଂପର୍କକୁ ମଜବୁତ କରିବା, ଭିତ୍ତିଭୂମି ସଂରଚନାକୁ ଉନ୍ନତ କରିବା ଓ ଚାଲୁ ଓ ପ୍ରସ୍ତାବିତ
ପ୍ରକଳ୍ପକୁ ଦ୍ରୁତଗତିରେ କରିବା ଉପରେ ବିଶେଷ ଗୁରୁତ୍ୱ ଦିଆଯାଇଛି ।
ଉପମୁଖ୍ୟମନ୍ତ୍ରୀ ସିଂହଦେଓ
କେନ୍ଦ୍ର ଓ ରାଜ୍ୟ ସରକାର ମଧ୍ୟରେ ନିରନ୍ତର ସହଯୋଗର ଆବଶ୍ୟକତା ଉପରେ ଗୁରୁତ୍ୱ ଦେଇ କହିଛନ୍ତି
ଯେ, ଏହାଦ୍ୱାରା ରାଜ୍ୟରେ ସମାବେଶୀ ବିକାଶ ଓ ଉନ୍ନତ ସାର୍ବଜନୀନ ପରିବହନ ସୁବିଧା ସୁନିଶ୍ଚିତ
କରାଯାଇପାରିବ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
18 May 2025
