ଜୟପୁର, ୨୪ ଜୁନ୍ (ହି.ସ.) - ରବି ମଣ୍ଡିରେ ଅବ୍ୟବସ୍ଥା ନେଇ କୃଷକ କଲ୍ୟାଣ ମଂଚ କୋରାପୁଟର ଚାଷି ପ୍ରଶାସନର ଦ୍ୱାରସ୍ଥ ହୋଇଛନ୍ତି । ଏନେଇ ଆଜି ଜିଲା ଯୋଗାଣ ଅଧିକାରାଙ୍କ କାର୍ଯ୍ୟାଳୟର ଦ୍ୱାରସ୍ଥ ହୋଇଛନ୍ତି। ମଂଚ ସମ୍ପାଦକ ନରେନ୍ଦ୍ର କୁମାର ପ୍ରଧାନଙ୍କ ନେତୃତ୍ୱରେ କୋଟପାଡ, କୁନ୍ଦୁରାର ଚାଷି ଜିଲା ମୁଖ୍ୟ ଯୋଗାଣ ଅଧିକାରି ପ୍ରଦିପ କୁମାର ପଣ୍ଡା ଙ୍କ ଦ୍ୱାରସ୍ଥ ହୋଇଥିଲେ । ଏନେଇ ଗତ କାଲି ପଯ୍ୟନ୍ତ ୬ ଲକ୍ଷ ୬୦ ହଜାର କ୍ୱିଂଟାଲ ଧାନ କ୍ରୟ ହୋଇଥିବା ବିଷୟ ବିଭାଗ ସୁଚନା ଦେଇଥିବା ବେଳେ ଚାଷି ଏହାକୁ ଖଣ୍ଡନ କରିଛି । ଚାଷି ଙ୍କ ତଥ୍ୟ ଅନୁଯାଇ ୪ ଲକ୍ଷ କ୍ୱିଂଟାଲ ଠାରୁ କମ ଧାନ କ୍ରୟ ହୋଇଥିବା ମଂଚ ତରଫରୁ ଦାବି କରାଯାଇଛି । ଜିଲାରେ ୯ ଲକ୍ଷ କ୍ୱିଂଟାଲ ଧାନ କ୍ରୟ କରିବାକୁ ଟାର୍ଗେଟ ଥିବା ବେଳେ ୫ ଲକ୍ଷ ୫୦ ହଜାର କ୍ୱିଂଟାଲ ଧାନ ମଣ୍ଡିରେ ପଡିଥିବା ମଂଚ ଅଭିଯୋଗ କରିଛି । ଅନ୍ୟପଟେ ମିଲରଙ୍କ ଅଧିକୃତ ଚିଠା ଦିଆନ ଯିବାରୁ ୩ ଦିନ ହେବ ଧାନ କିଣାରେ ବାଧାପ୍ରାପ୍ତ ହୋଇ ଥିବା ଚାଷି ମାନେ ଅଭିଯୋଗ କରିଥିଲେ । ଜିଲା ମୁଖ୍ୟ ଯୋଗାଣ ଅଧିକାରି ପ୍ରଦିପ କୁମାର ପଣ୍ଡା ଶିଘ୍ର ମଣ୍ଡିରୁ ଧାନ କ୍ରୟ କରାଯିବ ବୋଲି ପ୍ରତିଶ୍ରୃତି ଦେଇଥିଲେ । ରବି ମଣ୍ଡି ଆସନ୍ତା ୩୦ ତାରିଖରେ ଶେଷ ହେବ । ଟୋକେନର ଅବଧି ମାତ୍ର ୬ ଦିନ ରହିଛି । ଜିଲାର ଟାର୍ଗେଟ ଠାରୁ ଅଧାବି ଧାନ କ୍ରୟ କରାଯାଇ ନାହିଁ । ସମସ୍ତ ମଣ୍ଡିରେ ଚାଷି ଧାନକୁ ଜଗି ଅପେକ୍ଷା କରି ବସିଛି । ବର୍ଷା ରେ ଧାନ ଭିଜିଲାଣି । କେବେ ପ୍ରଶାସନ ଧାନ କ୍ରୟ କରିବ କେବେ ଟଙ୍କା ମେଳିବ ଚାଷି ଖରିଫ ଫସଲ କରିବ ବୋଲି ଚାଷି ପ୍ରଶ୍ନ କରିଛନ୍ତି । ଏନେଇ ଧାନ ଶିଘ୍ର ନ ଉଠିଲେ ଜାତିୟ ରାଜ ପଥ ଅବରୋଧ କରିବା ସରକାରି କାଯ୍ୟାଳୟ ରେ ତାଲା ପକାଯିବ ବୋଲି ସମ୍ପାଦକ ନରେନ୍ଦ୍ର କୁମାର ପ୍ରଧାନ ଚେତାବନି ଦେଇଛନ୍ତି । ଯେଉଁ ଧାନ ବଳକା ରହୁଛି ଧାଯ୍ୟ ସମୟ ଭିତରେ କ୍ରୟ ହୋଇ ପାରିବ ନାହିଁ । ୬ ଦିନ ଭିତରେ ଟାର୍ଗେଟର ଅଧା ଧାନ କିପରି କ୍ରୟ କରାଯିବ ବୋଲି ଚାଷି ପ୍ରଶ୍ନ କରିଛି ।
ହିନ୍ଦୁସ୍ଥାନ ସମାଚାର / ପିକେପି
