ସମ୍ବଲପୁର, ୨୪ ଜୁନ୍ (ହି.ସ.)- ଆଜି ଜୁନ ୨୫, ଆଜି ଠୁ ୫୦ ବର୍ଷ ପୂର୍ବେ ଆଜିର ଦିନରେ ୧୯୭୫ ମସିହାରେ ଦେଶରେ ଘୋଷଣା ହୋଇଥିଲା ରାଷ୍ଟୀୟ ଆପାତକାଳ । ରାଷ୍ଟ୍ରୀୟ ଆପାତକାଳ ର ସେହି ୨୧ ମାସ ହେଉଛି ଭାରତୀୟ ଗଣତନ୍ତ୍ର ର କଳା ଅଧ୍ୟାୟ । ଏହି ଦିନକୁ ବିଜେପି ପକ୍ଷରୁ ଦେଶ ବ୍ୟାପି ସମ୍ବିଧାନ କଳା ଦିବସ ଭାବେ ପାଳନ କରାଯାଏ । ଏହି ଅବସରରେ ଆଜି ବିଜେପି ପକ୍ଷରୁ ବିଭିନ୍ନ ପ୍ରକାରର କାର୍ଯ୍ୟକ୍ରମର ଆୟୋଜନ କରାଯାଇଛି । ଏଥିପାଇଁ ଆଜି ସମ୍ବଲପୁର ଆସୁଛନ୍ତି କେନ୍ଦ୍ରାପଡା ସାଂସଦ ତଥା ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ଓ ପ୍ରବକ୍ତା ବୈଜୟନ୍ତ ପଣ୍ଡା । ସକାଳୁ ପହଞ୍ଚି ପୋତାପାଲି ଶ୍ରୀକୃଷ୍ଣ ଗୌଶାଲା ଠାରେ କରିବେ ବୃକ୍ଷ ରୋପଣ ପରେ ସମ୍ବଲପୁର ବିଶ୍ୱବିଦ୍ୟାଳୟ ଠାରେ ହେଉଥିବା ମୋକ ପାର୍ଲିଆମେଣ୍ଟ ରେ ସାମିଲ ହେବେ । ଏହାପରେ ହୋଟେଲ ରିଭର ଇନ୍ ରେ ଆୟୋଜିତ ସାମ୍ବାଦିକ ସମ୍ମିଳନୀରେ ଯୋଗ ଦେବେ । ସେଠାରେ ଏକ ପ୍ରଦର୍ଶନୀକୁ ଉଦଘାଟନ କରି ମୁଖ୍ୟ କାର୍ଯ୍ୟକ୍ରମ ସମ୍ବିଧାନ କଳା ଦିବସର ସାଧାରଣ ସଭାରେ ସାମିଲ ହେବେ । ବିଜେପି ଉପାଧ୍ୟକ୍ଷ ଶ୍ରୀ ପଣ୍ଡାଙ୍କ ଗସ୍ତକୁ ନେଇ ବିଜେପି ପକ୍ଷରୁ କାଲି ସମସ୍ତ ଆୟୋଜନକୁ ଚୂଡାନ୍ତ ରୂପ ଦିଆଯାଇଛି । ସାଂସଦ ଶ୍ରୀ ପଣ୍ଡାଙ୍କ ଅଗ୍ରୀମ ଟିମ ସହିତ ବିଜେପିର ଏକ ପ୍ରତିନିଧି ଦଳ ଏମ.ସି.ଏଲ ହେଲିପେଡ ରୁ ଆରମ୍ଭ କରି ହୋଟେଲ ରିଭର ଇନ ପର୍ଯ୍ୟନ୍ତ ସମସ୍ତ କାର୍ଯ୍ୟକ୍ରମ ସ୍ଥାନକୁ ଯାଇ ସମସ୍ତ ବ୍ୟବସ୍ଥା ପଚାରି ବୁଝିଛନ୍ତି ।
ଏଠାରେ ଉଲ୍ଲେଖଯୋଗ୍ୟ ଯେ, ଜିଲ୍ଲା ସାଧାରଣ ସମ୍ପାଦକ ଅନିଲ ବେହେରାଙ୍କ ନେତୃତ୍ୱରେ ଗତ ଦୁଇ ଦିନ ପୂର୍ବରୁ ଏହି କାର୍ଯ୍ୟକ୍ରମ ପାଇଁ ଦଳୀୟ କାର୍ଯ୍ୟାଳୟରେ ଏକ ପ୍ରସ୍ତୁତି ବୈଠକ ମଧ୍ୟ ଅନୁଷ୍ଠିତ ହୋଇଥିଲା । ବିଜେପିର ଏହି ଦଳରେ ବରିଷ୍ଠ ବିଜେପି ନେତା ଡ଼. ପ୍ରମୋଦ ରଥ, କୃଷକ ମୋର୍ଚ୍ଚା ଜିଲ୍ଲା ସଭାପତି ସମୀର ରଞ୍ଜନ ବାବୁ, ରାଜ୍ୟ ପେନାଲିଷ୍ଟ ମାନସ ରଞ୍ଜନ ବକ୍ସି, ବୃକ୍ଷ ରୋପଣ ସଂଯୋଜକ ପରାଗ ଅଗ୍ରୱାଲ, ସମ୍ବିଧାନ କଳା ଦିବସ ସଂଯୋଜକ ନିରଞ୍ଜନ କିଶୋର ଦାସ, ଜିଲ୍ଲା ଗଣମାଧ୍ୟମ ସଂଯୋଜକ ସଞ୍ଜୟ ଷଡଙ୍ଗୀ, ସକ୍ରିୟ ସଦସ୍ୟ ଅଜିତ ବେହେରା ପ୍ରମୁଖ ସାମିଲ ଥିଲେ ।
ହିନ୍ଦୁସ୍ଥାନ ସମାଚାର / ଶୈଳେଶ
