ଶିମଲା ୧୦ ଜୁଲାଇ (ହି.ସ.)-ହିମାଚଳ

ପ୍ରଦେଶରେ ବର୍ଷା ଜାରି ରହିଛି,

ଯାହା ସାଧାରଣ

ଜୀବନକୁ ପ୍ରଭାବିତ କରିଛି। ରାଜଧାନୀ ଶିମଲା

ସମେତ ରାଜ୍ୟର ଅଧିକାଂଶ ସ୍ଥାନରେ ଗତକାଲି ରାତିରୁ ବର୍ଷା ଲାଗି ରହିଛି। ସର୍ବାଧିକ ପ୍ରଭାବିତ

ସିରମୌର ଜିଲ୍ଲାରେ ଗିରି ନଦୀ ଉଛୁଳି ପଡ଼ିଛି ଏବଂ ତ୍ରିଲୋକପୁରର ଖେରି ସେତୁରେ ଏକ ଖଡ୍ଡ

(ଉପନଦୀ)ର ପାଣି ପୋଲ ଉପରେ ପ୍ରବାହିତ ହେବାକୁ ଲାଗିଛି। ଏହା ଯାନବାହାନ ଚଳାଚଳରେ ବାଧା ସୃଷ୍ଟି

କରିଛି। ସିରମୌରର ଗିରି ଜଟୋନ୍ ଡ୍ୟାମରୁ ଗତକାଲି ରାତି ପରେ ଆଜି ସକାଳେ ମଧ୍ୟ ପାଣି

ଛଡ଼ାଯାଇଛି। ଏହା ଯୋଗୁଁ ଜିଲ୍ଲାର ନଦୀ ଏବଂ ନାଳର ଜଳସ୍ତର ଆହୁରି ବୃଦ୍ଧି ପାଇଛି। ଜିଲ୍ଲା

ପ୍ରଶାସନ ସମତଳ ଅଞ୍ଚଳ ପାଇଁ ସତର୍କତା ଜାରି କରିଛନ୍ତି। ବିଳମ୍ବିତ ରାତିରେ ଜିଲ୍ଲାର ଅନେକ

ଅଞ୍ଚଳରେ ପ୍ରବଳ ବର୍ଷା ଯୋଗୁଁ ଲୋକଙ୍କ ଅସୁବିଧା ଆହୁରି ବଢ଼ିଯାଇଛି। ୨୦୪ଟି ରାସ୍ତା ଏବଂ ଶହ

ଶହ ପାନୀୟ ଜଳ ଯୋଜନା ବନ୍ଦ - ରାଜ୍ୟ ଜରୁରୀକାଳୀନ ପରିଚାଳନା କେନ୍ଦ୍ର ଅନୁଯାୟୀ, ଗୁରୁବାର ସକାଳ

ପର୍ଯ୍ୟନ୍ତ ରାଜ୍ୟ ସାରା ଭୂସ୍ଖଳନ ଏବଂ ପ୍ରବଳ ବର୍ଷା ଯୋଗୁଁ ଏକ ଜାତୀୟ ରାଜପଥ ସମେତ ୨୦୪ଟି

ରାସ୍ତା ବନ୍ଦ ରହିଛି। ୧୯୨ଟି ବିଦ୍ୟୁତ୍ ଟ୍ରାନ୍ସଫର୍ମର ଏବଂ ୭୪୦ଟି ପାନୀୟ ଜଳ ଯୋଜନା ମଧ୍ୟ

ଅଚଳ ହୋଇପଡ଼ିଛି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା