ନୂଆଦିଲ୍ଲୀ, ଅକ୍ଟୋବର 1 (ହି.ସ)- ସାର୍ବଜନୀନ କ୍ଷେତ୍ରର ତୈଳ ଏବଂ ଗ୍ୟାସ ମାର୍କେଟିଂ କମ୍ପାନୀଗୁଡ଼ିକ ପାର୍ବଣ ସିଜନ ପୁର୍ବରୁ ଜେଟ୍ ଇନ୍ଧନ ମୂଲ୍ୟ ବୃଦ୍ଧି କରିଛନ୍ତି। କମ୍ପାନୀଗୁଡ଼ିକ ବିମାନ ଇନ୍ଧନ ଏବିଏସନ ଟର୍ବାଇନ ପ୍ୟୁଲ (ଏଟିଏଫର)ମୁଲ୍ୟରେ 13.22 ପ୍ରତିଶତ ବୃଦ୍ଧି କରିଛନ୍ତି,ଏଟିଏଫର ମୁଲ୍ୟରେ ଲଗାତାର ତୃତୀୟ ମାସ ପାଇଁ ବୃଦ୍ଧି ପାଇଛି। ଏହି ନୂତନ ଦର ଆଜି, ଗୁରୁବାର ଲାଗୁ ହୋଇଛି।ଇଣ୍ଡିଆନ୍ ଅଏଲ୍ ର ୱେବସାଇଟ୍ ଅନୁଯାୟୀ, ଜେଟ୍ ଇନ୍ଧନର ମୂଲ୍ୟ ପ୍ରତି ଲିଟର ପ୍ରାୟ 16 ଟଙ୍କା ପ୍ରତି ଲିଟରପିଛା ବଢି ୧୩୭ ଟଙ୍କା ପ୍ରଚି ଲିଟର ହୋଇଛି।ଏଟିଏଫ ମୂଲ୍ୟ ବୃଦ୍ଧି ପରେ, ଦିଲ୍ଲୀରେ ଘରୋଇ ବିମାନ କମ୍ପାନୀଗୁଡ଼ିକ ପାଇଁ ଜେଟ୍ ଇନ୍ଧନର ମୂଲ୍ୟ ପ୍ରାୟ 137,000 ପ୍ରତି କିଲୋଲିଟର (137 ପ୍ରତି ଲିଟର) ହୋଇଛି।ତେଲ କମ୍ପାନୀଗୁଡ଼ିକ ପଶ୍ଚିମ ଏସିଆରେ ଚାଲିଥିବା ସଙ୍କଟ ମଧ୍ୟରେ ପୂର୍ବରୁ ସେପ୍ଟେମ୍ବରରେ ଏଟିଏଫର ମୁଲ୍ୟ 6.28 କିମ୍ବା 5.46 ପ୍ରତିଶତ ବୃଦ୍ଧି କରିଥିଲେ।ଅଗଷ୍ଟରେ ମଧ୍ୟ ପ୍ରତି ଲିଟର 5 ବୃଦ୍ଧି ରିପୋର୍ଟ କରାଯାଇଥିଲା। ଅକ୍ଟୋବରରେ ଏହି ବୃଦ୍ଧି 13 ପ୍ରତିଶତ ବୃଦ୍ଧିକୁ ପ୍ରତିନିଧିତ୍ୱ କରେ, ଯେତେବେଳେ ଜେଟ୍ ଇନ୍ଧନ ମୂଲ୍ୟ ତିନି ମାସରେ 25 ପ୍ରତିଶତ ବୃଦ୍ଧି ପାଇଛି।ଏହା ଉଲ୍ଲେଖନୀୟ ଯେ ଏଟିଏଫ ବିମାନ କମ୍ପାନୀଗୁଡ଼ିକର ପରିଚାଳନା ଖର୍ଚ୍ଚର 40 ପ୍ରତିଶତ ପର୍ଯ୍ୟନ୍ତ ଅଂଶୀଦାର, ଯାହା ବିମାନ କମ୍ପାନୀଗୁଡ଼ିକ ପାଇଁ ଇନ୍ଧନ ମୂଲ୍ୟକୁ ଏକ ଗୁରୁତ୍ୱପୂର୍ଣ୍ଣ ମୂଲ୍ୟ କାରଣ କରିଥାଏ। ଫଳସ୍ୱରୂପ, ଭବିଷ୍ୟତରେ ବିମାନ ଯାତ୍ରା ଅଧିକ ମହଙ୍ଗା ହୋଇପାରେ।
---------------
ହିନ୍ଦୁସ୍ଥାନ ସମାଚାର / ରଶ୍ମିତା
01 Oct 2026