ନୂଆଦିଲ୍ଲୀ, ୦୮ ନଭେମ୍ବର (ହି.ସ.)। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୁରକ୍ଷା ବାହିନୀର ଯବାନମାନଙ୍କ ସହ ଦୀପାବଳି ପର୍ବ ପାଳନ କରିବେ। ପ୍ରତିବର୍ଷ ଭଳି ଏଥର ମଧ୍ୟ ସେ ଛତିଶଗଡ଼ର ବସ୍ତରରେ ଯବାନମାନଙ୍କ ସହ ଦୀପାବଳିର ଖୁସି ବାଣ୍ଟିବେ। ଆଜି ସକାଳେ ସେ ଏକ୍ସ ମାଧ୍ୟମରେ ଏହି ସୂଚନା ଦେଇଛନ୍ତି।

ପ୍ରଧାନମନ୍ତ୍ରୀ ମୋଦୀ ନିଜ ପୋଷ୍ଟରେ ଲେଖିଛନ୍ତି, “ପବିତ୍ର ଦୀପାବଳି ଅବସରରେ ମୁଁ ବସ୍ତର ଯାଉଛି। ଯେଉଁଠାରେ ଦିନେ ନକ୍ସଲଙ୍କ ଆତଙ୍କ ରହିଥିଲା, ଆଜି ସେଠାରେ ବିକାଶର ଲହରୀ ଖେଳିଯାଇଛି। ବୀର ଯବାନମାନଙ୍କୁ, ସେମାନଙ୍କ ବଳିଦାନ, ତ୍ୟାଗ ଓ ତପସ୍ୟାକୁ ନମନ କରିବା ପାଇଁ ଯାଉଛି।”

ଏହା ପୂର୍ବରୁ ପ୍ରଧାନମନ୍ତ୍ରୀ ମୋଦୀ ଦୀପାବଳି ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଥିଲେ। ସମସ୍ତଙ୍କ ଜୀବନରେ ସୁଖ, ସ୍ୱାସ୍ଥ୍ୟ ଓ ସମୃଦ୍ଧି କାମନା କରିଥିଲେ। ପ୍ରଧାନମନ୍ତ୍ରୀ ଲେଖିଥିଲେ, “ସମସ୍ତଙ୍କୁ ଦୀପାବଳିର ହାର୍ଦ୍ଦିକ ଶୁଭେଚ୍ଛା! ଦେଶର ବିଭିନ୍ନ ସ୍ଥାନରେ ରହୁଥିବା ମୋର ସମସ୍ତ ପରିବାରଜନଙ୍କୁ ଦୀପାବଳିର ଅସୀମ ଶୁଭକାମନା।”

ଉଲ୍ଲେଖଯୋଗ୍ୟ, କାର୍ତ୍ତିକ ଅମାବାସ୍ୟା ଅବସରରେ ଆଜି ସାରା ଦେଶରେ ଦୀପାବଳି ପାଳନ କରାଯାଉଛି। ଘର ଓ ମନ୍ଦିରଗୁଡ଼ିକୁ ଦୀପରେ ସଜାଯାଇଛି।

ହିନ୍ଦୁସ୍ଥାନ ସମାଚାର / ସ୍ୱାଗତିକା